انتو اشرايكم ؟؟

[@أم الصبيان@]

صبحكم الله بالخير .. اششلونكم وشخباركم ؟؟ ابي رايكم بالموضوع ..
رفيجتي امس داقه علي واهيا متضايقه اتقولي .. ان اهيا وزوجها
طالعين وعقب ماطلعوا راحوا بيتعشون جان يقول ريلها
خليها مطعم لبناني عشان يبي شيشه رفيجتي انصدمت قالت ...
مو حلوه انا وياك وانت اتشيش .. حلات الشيشه مع ربعك ..
قال انا ابيج معاي انتي تعشي وانا اشيش ..ابي اشيش وادوخ ..
وانتي اللي مجابلتني .. رضت وراحت المطعم .. بس من داخلها متضايقه
ومو حابه هالشي .. للعلم المطعم راقي .. بس اهيا كشت لان الكل قام يشيش
بنات وصبيان " وللاسف من بناتنا "

انا عن نفسي لو يقولي ريلي جذي اعصب .. ومااروح لان المكان مو مكاني ..
اذكر مرة رحت مطعم لبناني معروف بس ماكنت ادري ان اجواء المطعم شيشه
البنات والرياييل كلهم يشيشون والله اني تضايقت ياربي من صجهم !!

وسلامتكم ابي رايكم لو انتو مكان رفيجتي شسويتوا اتروحون مع رياييلكم ولا لاء ؟​

 

[شوشو الأمورة]

انا اشوفها عادي دام هو طلب منها هالشي

وبعدين تتضايق لييييييش هي رايحة مع ريلها مو رفيجها.. خليها هالمرة تروح مجامله لريلها ومرة ثانية تتعذر

الله يوفقها

 

[روح امها]

اي عادي مافيها شي زوجته مو رفيجته
بالعكس شي حلو قالها خلج امجابلتني

 

[Daleela]

اهو عادي

بس انا عن نفسي ما احب هالاجواء

 

[@أم الصبيان@]

انا اشوفها عادي دام هو طلب منها هالشي

وبعدين تتضايق لييييييش هي رايحة مع ريلها مو رفيجها.. خليها هالمرة تروح مجامله لريلها ومرة ثانية تتعذر

الله يوفقها

اي راحت مجامله بس مابينت له .. بس من داخلها متضايقه ..
مو عاجبها هالاجوااااء ..

 

[محرومة من الحب]

رد : انتو اشرايكم ؟؟

شكووو

اهي تجابله شالمسخرة

خل ترفض تروح هالاماكن مع ريلها والافضل تنصحه يوخر عن هالبلوة

 

[@أم الصبيان@]

اي عادي مافيها شي زوجته مو رفيجته
بالعكس شي حلو قالها خلج امجابلتني

استغربت ان طلب هالشي منها ..
لان كل مره يشيش مع ربعه ..

 

[@أم الصبيان@]

اهو عادي

بس انا عن نفسي ما احب هالاجواء

بالعكس انا كلش ماشوفها عادي .. ومو حلوووه

 

[* بنت المطر *]

عادي ع الاقل يبيها وياه مايبي احد غيرها !!!

احسن من لايروح مع ربعه ويخزز والبنات بالشيشه خفاف !!!

 

[@أم الصبيان@]

رد: رد : انتو اشرايكم ؟؟

شكووو

اهي تجابله شالمسخرة

خل ترفض تروح هالاماكن مع ريلها والافضل تنصحه يوخر عن هالبلوة

اي والله كلش مو حلوووه ..واحس مسخره انا عن نفسي مارضضضى ..
استغفرالله مادري شالله حادهم على هالبلوووه

 

[++صدفة++]

رد : انتو اشرايكم ؟؟

حبيبتي آنا مرة كنت بمطعم فيلا فيروز كان في عايلة يمنا أم و أبو و عيالهم ماشالله 4 أصغر واحد فيهم بعمر المراهقة يعني

الأم قاعدة تشيش و ريلها يمها عادي و لا جنه شي صاير

فسالفة رفيجتج وايد تهووون

 

[ريماا]

رد : انتو اشرايكم ؟؟

عااادى الوضع بالعكس اهى معااة ولاتخلية مع ربعة

 

[اميرة-الاحجار]

اي شي متضايقه ؟؟
بالعكس تروح ويا ريلها مو احسن مايروح ويا ربعه ويتعود على القهاوي والشيشه ويا ربعه ؟؟
وبعدين هالقهاوي خصوصا اللي بالمطاعم كلها بنات الله بالخير اشلون اتأمن تخلي زوجها يروح ويا ربعه ماتخاف عليه ؟؟
مافيها شي اذا الريال شيش خو ماقالها شيشي وياي ..
بالعكس حلو انها تشارك زوجها بكلشي يحبه واهو ماسوا شي غلط اشتهى يشيش وويا مرته واهي مجابلته مسكين .. ما اذنب

 

[دلع العتبان]

اي عشان اخنقة بسحبة الشيششة مااحس يحترمها اذا شيش قدامها

 

[هيبة ملك]

معها وإلا مع غيرها أيهم أفضل؟

 

[لطوووفه]

امممممممممممممممممم
عاااادي

 

[كويتيه79]

رايحه مع زوووجها عااادي وهو راضي وترى لو يبي يروووح بروووحه يقدر وهي ما تدري

 

[اميره1980]

اهيه متضايقة من الدخان و لا من الوضع ؟؟
في فرق
اذا ما تقدر تستحمل الدخان و تقعد تكح و تلوع جبدها لا تروح بس اذا متضايقة من الشيشة نفسها و القعدة شي راجعلها و على حسب المكان اذا كان عوائل عادي

 

[lovely jojo]

شنو هذا شلون يرضى يوديها مكان جذي فيه مسخرة استغفر الله ماكو غيره؟؟؟

 

[كويتيه مذهله 87]

مافيها شي ريلي بعد شنووو