والله انا ضد
لان تزوجت وانا ادرس وتبهذلت
اول شي مليت من الدراسه وكله افكر بالعرس لوول
واروح السوق وايد اشتري للعرس
والعروس يبيلها اهتمام عارفه شمسنا ماترحم واغلب اللي يدرسون ياخذون صيفي فتروح النضارة ويبتدي التصحر
عشان جذي لازم جلسات عناية ونضارة وهذا يبيله تفرغ ووقت اضافه انه الدراسه تاخذ وقتج وتقعدين تحاتين الامتحانات وجذي
وغير العناية بالاسنان سن طايح والا شي لازم تعالجينه وهم هذا ياخذ وقت
غير العناية بالشعر واشتراكات حمامات الزيت
والحمامات المغربيه للجسم
وخلطات توحيد اللون لان بالصيف يقلبون البنات الوية والايدين برونزيه وباجي الجسم لون غير
وحتى لي تزوجتي
لازم تجابلين الريل
والحموله
ولازم تكونين 24\24 رايقه وفايقه ومزاجج حلوو
واذا كنتي تدرسين راح تطلع عينج النفسيه تتعب من ورا الدروس والامتحانات فشلون لج خلق تكونين ريلاكس
ولو ماتسوقين
راح تتبهذلين يبتدي شغل النحاسه من الحموله والله مانقدر انييب مرتك اختك بتروح السوق! والا الخدامه مريضه والسواق وداها الطبيب وقعدي انتي دوري احد يوديج
واذا حملتي غصبن عليج تحملين والا راح يطلعون عيونج ويشتغلون نغزات
راح تذبحج النساه واللوعه والثقل ولي ولدتي البيبي وازعاجه عادي يفصل الساعه 2 ويبجي وانتي هلكانه تبين تنامين ووراج محاضره
ولا اذا اطولين بالجامعه الحموله يبتدون يقطون حجي وييه قطت ضناها ولا تدري عنه
عفيه قلب عليها... هالجيل مو كفوو يصيرون امهات مو مثلنا الياهل بيدي واطبخ الغدا <<
لوووويه سأليني
من واقع تجربتي
افضل تملجين والعرس بعد التخرج بجذي تضمنين الريل انه مايطير
