انتوا معاي انه الريل اهوا اللي يرز المراه

[om.aboodi]

السلام عليكم خواتي بعد مشاحنات ومناكشات مع الحموله وليش اللي توجب مالها حظ واللي تعطيهم طاف لايتهم مايدرون شيسون لها ويدورون رضاها يحشون من وراها بس جدامها محد ايغثها بكلمة والسنعه طول الوقت مغثه ونقزات لقيت السبب بصراحه محد راز هالاشكال الا رياييلهم الريل الحليو الطيب على باله لارز وي مرته كل شوي عند اهله وسوي وحطي يبين بعينهم تري عزيزي بس جدامك للاسف يطيح قدرها عندهم بهالزمن الاغبر منت قادر ريلي موراضي يفهم هالنقطه شسوي شالحل مرت حماي اللي فيه خير ايب طاري مرته وموصل اهلها السما وللعلم انا احسن منها بكلشي نقزات وحجي واهانات كل مرة نزلي علشاني علشان امي مالج شغل فيهم وكل مرة اسمع ليما اخر مرة بس ماقدر كافي خلني احفظ كرامتي متدخلين بكل شي بخياتي المصيبه بذكر مثال شنو اكل عيالج قلت خالتي انا ا احط عيش مصري ودياي وفرع كوسا بروكلي بالخلاط قال لاشوفي فلانه شتوكل اعيالها اي شنو ؟؟؟ لاقلت شي قالت لافلانه تسوي قمت خذيت رقم فلانه بتعلم السنع منها قلت يمكن صج وبنت الحلال ماتمثل ومسويه روحها اسكت بس خلاص اهما بيشوفونها اول ماقدر ارد على خالتي لانه موصلتها فوق وتالف شنو مسويه دقيت والا تقول يحليلج انا جولتي ماستخدمتها يديده اوكل عيالي جيربر القراش؟؟؟؟؟؟؟؟؟؟؟ظ انا ماوكلهم الا للزوارة وها قله بعد سالت خالتي قلت لها لالاانا سالتها قالت لا ومرة ليش ماتعطين عيالج شاي فلانه تعطي عيالها يعني صح الحين الله لو انا اللي معطيه شاي مت مت مت قمت مرة عطيت بنتيج قفشه شاي والا تقولي لاكل الحديد يروح يعني بس تعذرب من اجل التعذرب والريل مومعطيني فرصه اوقفهم عند حدهم شنو الحل ومايصدقني لانه تمثيل جدامه وجدامي شي مت بس

 

[امل يائس]

حبيبتي اذا المثال الي ذكرتيه تعتبرينه مشكله فاسمحي لي المشكلة في تفكريج انتي لان هذي مو مشكله ولا تدخل من الحموله ولا شي هذا مجرد سوالف نقاش عااااااااااااااادي يصير بين الاخت و اختها و الام و بنتها عااااااااااااادي انتي الي معتبره هالشي مشكلة و تدخل انتي الي حاطه بالج هالشي قولي اعوذ بالله من الشيطان الرجيم واذكري الله ترى انتي ما عندج مشكله

غيري تفكيرج راح ترتاحين و تريحين يا عمري

 

[تعبت اداري...~]

الله يهديج ويصلح حالج ويريح بالج ...

 

[أم توتو]

لاتدققين خليج بحالج وطنشي الله يهديج

 

[! بــدويه وآآيــد !]

،



احسج مقهوره منهم مو اول موضوع لج
ليش ماتدقين عليه اذا قالوا شي يغث وحطي فونج بحضنج وقولي مادريت انه دق سبحان الله ربي يبي يبينهم جدامك سمعت باذنك
والا قولي له الي يصير واذا مو مصدق ماتبيني اسجل لك صوتهم احسن؟ وتكلمي بصوت جدي مو طنازه
الرياييل نوعين انا زوجي اقوله اهلك فيهم وفيهم وفيهم وقالوا لي الحين تعود من نرد شقتنا صار يقولي هاا شنو اخر النغزات والصواريخ الي حذفوها عليج بضحك ويقولي مالج شغل عشان امي ماتستاهل الي جابت لج هالزوج الي ماكو منه لوول مداح نفسه وتحملي عشان زوجج حبيبج وانا اطيره واقوله لجل عين تكرم مدينه فديتك
بس مرت حماي تقولي انا ابجي واسوي نفسي مسكينه اكسر خاطره لكن اسوي نفسي قويه فيهم وقالوا وقالوا يكسر راسي
انتي لازم تعرفين لزوجج اي نوع يسمع ويوقف مع القويه والا الي تمسكن ؟
انا صرت ازورهم كل شهرين مره وصرت عزيزه وغاليه وام زوجي صارت تبوس راسي بعد وتلملم فيني اذا شافتني وخواته صاروا مايبطلون حلجهم جدامي ويقولون سوالفهم ومشاكلهم جدامي احس زوجي مكلمهم وساعات اقول لا لو مكلمهم قالوا خروفها ساحرتك لوول بس زوجي يمرهم دايما مايقطع بامه لاني ما ارضاها
خلك بعيد تصير غالي لاترزين وجهج كل يوم عندهم ولاتطولين القعده معاهم​

 

[FeShinGoOo]

حبيبتي وانتي ليش تطالعين غيرج ؟؟ واهي مالها ذنب احسج حيل متحامله عليهاا .. الغلط منج ..
اولشي نزلتج وصعدتج لحمولتج شي راجعلج انتي مو لزوجج واذا زوجج ماينتبه على هالنقطه حاله حال كل الرياييل انتي لازم نتبهين عليهاا .. الريال مايرز مرته .. المره من تطلع من بيت اهلها لي بيت ريلها اهي الي تفرض شخصيتها عالناس مو الريال يكون شخصية مرته ..!!
اسلوبج شخصيتج تفكيرج معاملتج مواقفج معاهم اهي الي اتخليهم يحبونج -يكرهونج-يقدرونج-يوجبونج-يحقرونج-يحتقرونج-يحطونلج الف اعتبار ..
نصيحه لاتطالعين غيرج شنو سوت ولا شنو حطت اهتمي بنفسج وبس .. وسووي الي يريحج ..
وكلمي زوجج بهالموضوع قوليله ترى انت قاعد تظغط علي وتظايقني بحنتك اني انزل كل شوي خلني على راحتي وقت مابغيت انزل وقت مالي خلق ماني نازله وخلج جاده .. وابتعدي عن المجامله الزايده لانها اتطيح حظ الوحده .. ماترزها ولا اتحبب الناس فيها

 

[زوجة عزيز]

لا تنزلين لهم ولا تقعدين معاهم واذا امه ابروحها قعدي معاها عشان خاطر زوجج بس انتي مو مجبوره اتقعدين معاهم ولا تتحملين النغزات والله يوفقج حبيبتي

 

[كتكات احمر]

اسلوبج شخصيتج تفكيرج معاملتج مواقفج معاهم اهي الي اتخليهم يحبونج -يكرهونج-يقدرونج-يوجبونج-يحقرونج-يحتقرونج-يحطونلج الف اعتبار ..


انا اشهد يا ام- ابيها كلامج عدل

 

[نورعيني أنا]

اتمنى ماتزعلين من كلامي احسج ماعندج ثقه بنفسج وتغيرين من مرت حماج يعني الشغلات اللي قلتيها عاديه وتصيردايم بس لاتعطينها اكبر من حجمها والرجال مويرز المرا بس يبين قدرها عنده جدام اهله واكيد اهله اذا يحبونه مايبون يضايقونه بمرته بس المرا اهي اللي تفرض نفسها وسنعها عند حمولتها والناس اهم شي انج ماتنطرين من الناس شي خلي كل همج رضى ربج وصدقيني اللي معدنه طيب ولوبعد20سنه بيعرفون قيمتج والله يصلح امورج ويوفقج

 

[iLLuMinaTion]

الله يعينكم

 

[الوردة المكنونة]

عادي حبيبتي طوفي لا ادققين بكل شي ترا راح تتعبين

 

[الـــغـــلآ]

في حريم واااااااااااجد يرزونهم ازواجهم و في حريم لا والله رزه من قبل لا يتزوجون

 

[الـــغـــلآ]

^
ترا ردا على عنوان الموضوع لان الموضوع ما فهمته عدل

موووفقه

 

[عسل سل]

مووو شرررط
على حسب اذا المره وزيره مثلا معقووله زوجها يبرزها !! لاطبعا اهي ترزه
والعكس

 

[brettey]

لا تزعلين ما احسها مشكله جايده لا تدققين
شوفي الوحده اهي بنفسها تقدر تسوي قدر لروحها
اذا حاسه ان تدخلهم الزايد ماذيج وقفيهم عند حدهم بطريقه ذربه
اقري قصه رفيجتي الي كتبتها شوفي مرت حماها اشلون سببت لها مشكله مع ريلها وتبلت عليها وبتحسين انج بنعمه
وعليج بصلاه الليل والدعاء والاستغفار

 

[PuPa^^SWeeT]

حبيبتي هالمثال عاادي يعني اتصير و سوالف الحريم عادي انه يقولوون لج سوي نفس الفلانة

عادي مافيها شي

و خليها مرت حماج لاتحطينها ببالج انتي اللي تتعبين

مادري حبووبة انتي عند حموولة لازم انهم يقولوولج سوي جذي و سوي جذي

يعني اكل عيالج انتي بحريتج سمعي منيي و طنشي منيي

شاي ما شاي هذا حريتج مو شي غصب

مادري ماكو موضوع

الريال لازم شوي بعد يبرز اهله مو بس يبرزج انتي

 

[جوري 2007]

حلو ان الريال يدافع عن مرته ويوقف يمها بس طبعا مو بالطالعه والنازله اصلا جذي بيكرههم فيها

مالج شغل بالمثل اللي يقول انه السنعه يدوسونها وام لسان عازينها

الواحد يتصرف باصله بس هااااااا

مو تقطين روحج قط وتخلينهم شغلج الشاغل وبس ادورين رضاهم لا طبعا خلج عاديه طبيعيه حبوج حبوج ماحبوج بالطقاق اهم شي انتي

راضيه ضميرج

 

[عيش و مرق]

سوووى الى تبين لاتضغطين على نفسج

 

[om.aboodi]

حبايبي الامثله كثيرة واكبر من جذي بس مابيسويه ادش بالتفاصيل هذي للتوضيح انه اللي اسويه يتعذرب تخيلو مستحيل تتعذرين بزوارتهم وانا بالبيت عندهم والله يهديها خالتي تشيش يعني الكل عنده خدم انا تقوله ليش ماتحتاج وانا عيالي اسمله عليهم ورا بعض واهما كل ياهل خدامه ليش خافوا الله وتقولي كلام وتقوله كلام وطبعا مستحيل اقوله امك كذا

 

[الحوراء_بنت نجد]

أكيييييييييد مايبي لهااا سؤال الزوج هو يرز زوجته ويخلي لهااا قدرهااا وهذا شيء قاعده اشوفه بعيني مو اسمعه
وإذا قالك شيء زوجك ولا امه قولي أناا غير وفلانه غير وكل واحد له طريقته , خلي عندك ثقة في نفسك لاتتأثرين بكلام أحد


بس عندي سؤال بعد اذن صاحبة الموضوع
الوحده شلون تقنع زوجهااا انهااا ماتزور اهله كل اسبوع احس شيء اجباري الوحده تزور امه كل اسبوع
شلون تقدرون تقنعونهم على الاقل كل اسبوعين يكون احسن عشان مايقطون الميانة بقووة

\

/