انتفاخ بالمنطقة الحساسة بالشهر الخامس من الحمل ..

[كوكي العسل]

السلام عليكم ورحمة الله وبركاته

خواتي انا كل يوم تطلعلي سالفه وصج مااعرف منو اسال :gr4uu:

امس رحت للدكتور سوالي فحص وطلع عندي التهاب بالمسالك البولية ووصفلي مضاد حيوي او نوع من البنسلين 3 مرات باليوم وقالي مايضر الحامل

المهم امس بالليل خسيت تكرمون المنطقة من تحت قريب المهبل مورمة وصج خفت ماادري من شنو وماتعورني ولا شي

بس صجج خايفه ياربي شنو هذا امي تقولي عادي من الثقل بس انا بعدني بالخامس :cxxxp:

تكفون منو صارلها نفسي وشنو طلع السبب وهل الشي خطرر؟؟

 

[NODA 2]

عااااااااااااااااااااادي لا تحاتين مدام ما تعورج معناة عندج دوالي بالفرج صارت فيني بحمالي الي طاف وطبعا هم بحملي الحين تخيلي ردت طلعتي طبعا انا لما ولدت ولدي الدكتور سوالي تجميلي من بره وانا كنت ما ادري اول ما رديت البيت شفت الخياط و حسيت شكل المنطقه غير عن حمالي فا استوعبت ان الدكتور سوالي تجميلي والحمدالله كل شي رد طبيعي بس وانا اختج ردتلي الحين من كثر ما احط ريل علي ريل صير مثل تجمع دموي بس طبعا ما يعور ولا شي فا بموعدي بقول حق الدكتور ان الدوالي ردت وراح اسوي تجميلي الله كريم بس عيبه ان الخياط يطول علي ما يطيح اتمنا اكون افتدج

 

[حلاتي غير]

ياعمري هذا اكيد من الالتهاب مايبيله كلام مجرد مايروح الالتهاب يروح الانتفاخ لاتحاتين وماتشوفين شر ان شاء الله

 

[كلمة وفا]

رد : انتفاخ بالمنطقة الحساسة بالشهر الخامس من الحمل ..

الله يشافيج ويسهل عليج

 

[زينانه]

الانتفاخ عادي
يروح بعد الولاده

 

[كوكي العسل]

فديتكم خواتي طمنتوني الله يطمن قلبكم

انا اللي مستغربه قريت وايد يجيلهم بالاشهر الاخيره

وانا بعدني بالخامس فقعدت احاتي لا البيبي نازل اسم الله عليه :gr4uu:

لا تلوموني هذا اول حمل لي وصج ماعندي معلومات عن هالامور

الله يسهل علينا يارب ويتمم حملنا على خييييييييييير

 

[حرم بدر]

رد : انتفاخ بالمنطقة الحساسة بالشهر الخامس من الحمل ..

ترى عادى يمكن مال الالتهاب

لا تحاتين ان شاء الله

 

[الأميرة جوري]

رد : انتفاخ بالمنطقة الحساسة بالشهر الخامس من الحمل ..

غريبه بس يمكن التهاب ..شوفي الدكتوره شنو تقول لج

 

[بدويه 88]

رد : انتفاخ بالمنطقة الحساسة بالشهر الخامس من الحمل ..

الله يقومج بالسلامه

 

[*ريما*]

رد : انتفاخ بالمنطقة الحساسة بالشهر الخامس من الحمل ..

الله يشافيك

 

[دمثة]

عادي حبيبتي انا نفسج بالضبط مافيه شي

الله يسهل على كل حامل ويقر اعيونها بضناها الي ببطنها بصحتة وعافيته يارب

 

[باربي لكويت]

الله يتمم لج على خير البنات ماقصرو

 

[نواره 22]

حبيبتي بالمنطقه الحساسه صارت فيني بين الشفرات مورم ومنتفخ سالت الدكتوره قالتلي عاااااااااااااااااادي هذي تغيير بالغدد بسبت الحمل وبتلاحظين انها تروح وترد وتبين اكثر ورا الجماااع

 

[غنوة ستايل]

اي عادي انا بعد صارت معاي خاصه بعد الجماع احس فيها اكثر
بس راحت بسرعه

 

[كوكي العسل]

جزاكم الله خير خواتي على الردود ماقصرتوا:eh_s(7)::eh_s(17):

 

[شووقة]

رد : انتفاخ بالمنطقة الحساسة بالشهر الخامس من الحمل ..

الله يشافيج وتقومين بالسلامة

 

[نبضها نادر]

رد : انتفاخ بالمنطقة الحساسة بالشهر الخامس من الحمل ..


الله يتمم عليج وتقومين بالسلامه ان اء الله

 

[الينبوعة]

انا صار لي مثلج لان انا بالحمل دوم تصير عندي اللتهابات واخذ مضادات عادي لا تخافين حبيبتي ​

 

[فـراوله]

أنا بعد صارت فيني وراحت بعد الولاده

بس ظل أثرها موجود اللي اهي الخطوط البيضه


​