انتـــــوا قولــــولي في عـــــــــدالة ؟؟؟؟

[Amoona-88]

الســــلام عليكم ابلات حبوبات


هذا اول موضوع اشارك فيه ... لاني صج ابيكم تشوفون الوضع

انا مدرسة انجليزي مرحلة ثانوية ... كنت بنقل من ثانويتي لظروف سكن .. قاموا مدرستي القديمة يحنون تعالي واحنا بنقدرج ( لان انا حامل ) .. وبنقدرج بالولادة و مكان تعرفينه احسن :gathering: ..المهم انا مو عن الي قالوه بس رجعت لان قلت اول وتالي احتمال اخذ اجازة امومـــة و ناقليني ناقليني

لما رجعت فرحوا طبعا ... تخيلوا لما شفت جدولي الا شنو وحدة نصابها عشر حصص بالاسبوع .. ووحدة 12 كلش كلش 15

وانا

سبـــــعتعش حصـــة بالاسبوع !!!!

يعني باختصار اكبر جدول بالقسم ... كلمت المدرسة الاولى قلتلها انا حامل وما اقدر على كل هذا ... قالت اي مو اذا شلنا منج غيرج بينضغط..اي زين انا حامل اولى من غيري بالتخفيف او على الاقل المساواة ..ٍ قالت انا كنت حاطة هالجدول على اساس (س) ... زين الحين انا سين شلون :jumpon: قالت نطري لين ييبون مدرسة يديدة

انا مو حابة اكلم الناظرة سيده..لاني اقدر .. والمفروض التقدير يكون متبادل :flower:

الحين لو اتجيكون الساعة عشر الصبح ...غايبة :eh_s(15):

ادري ما عندي سالفة ..بس لان لاعت جبدي :O_SHH_: وقعد احاول انقل الحين ...

ادعولي يقبلون النقل وتتسهل الامور يا رب​

 

[جنى الجنتين888]

الله يعينج وانا مو مداومه بعد
شلون قدمتي على النقل؟
لأن أني بعد ودي أنقل

 

[miss Al-kady]

رد : انتـــــوا قولــــولي في عـــــــــدالة ؟؟؟؟

الله يعينج ويسهل اموووووورج

 

[Amoona-88]

رد : انتـــــوا قولــــولي في عـــــــــدالة ؟؟؟؟

جنى الجنتين ... انا لاني ما باشرت عمل بشكل رسمي ..بس اوقع حضور وجذي

فيمكن في مجال انقل بس يقولون اذا باشرتي بشكل رسمي تصير اصعب والله اعلم ..اخوي بيروح المنطقة وبقولج شيصير : )


مس الكادي جزاج الله وياج يا رب

 

[Tsunade]

قولي لرئيسة القسم أنا ما راح أخذ غير 10 حصص بالإسبوع وأنتي بكيفج دبري حالج شلون توزعين والأولى العدل وإذا مافيه عدل أجل أنا أستحق الأقل نصاب

قولي لها أنا أرفض وأحتج خلي لج موقف ليش ساكته ..


وين مارحتي بيحاولون يكرفونج شغل أذا ساكته عنهم

وبالتوفيق

 

[جنى الجنتين888]

شلون أجل توقعين حضور إذا ما باشرتي؟؟

أنا رحت المنطقة عشان أسألهم عن النقل أو الندب قالولي إذا تبين ندب لازم الموجه الأول يوافق عليه وبعدين أقدر أمشي في المعاملة واللحين الموجهين عندهم اجتماعات...

سألتهم عن الإستقالة قالوا إذا استقلتي من وزارة التربية(وانتي خريجة تربية) راح يقعدونج سنتين وما يصير تتوظفين بأي وزارة ثانية إلا بعد هالسنتين( وهذا قرار جديد من الوزيرة)

 

[اريج الجوري]

رد : انتـــــوا قولــــولي في عـــــــــدالة ؟؟؟؟

يا حبيبتي هذه التربيه صل على النبي ,,,

ما فيهم طب ولا علاج ,,,

ولا يقدرون ظروفج حتى لو تداومين على كرسي متحرك من غير شر ,,,

مالج الا حل من 3 ,,,

الاول هدي السانج عليهم ولاتسكتين لأنهم ناس تخاف ما تختشيش ,,,

والثاني تدورين على واسطه تسنع وضعج لأن الوزاره عندها الواسطه فوق القانون ,,,

والثالث انج تصكينهم بطبيات وغياب وتحولين مجلس طبي وتريحين بالج ,,,

نصيحة معلمه منقرصه من التربيه آلاف المرات ,,,

 

[Amoona-88]

رد : انتـــــوا قولــــولي في عـــــــــدالة ؟؟؟؟

Tusnade

والله معاج حق .. ساكتة علبو نحلها بودية بس في ناس استغفرالله ما تستحي

جنى الجنتين

اهم مشينها يبون اي احد بس قالوا خلال هالاسبوع ييبي الاوراق ..انا معطلة الاوراق لان اخوي قعد يحاول ينقلني ..ولا تستعجلين على الاستقالة ان شا الله تتسهل امورج

اريج الجوري

لووول انتي فاهمة التربية صح ... مشكوورة على رايج وشكلي بجربهم بالتسلسل لوول

الله يسهل .. و مشكورين على ردودكم

 

[أبلة كويتية]

حبيبتي في كل مدرسة يكون هالشي موجود

وهذا يعتمد على شخصيتج

يعني إذا ألحين سكتي حتى في المدرسة إللي يتنتقلين لها يصير جذي

الحل إنج تقوين شخصيتج وتتكلمين ما تسكتين

وما يضيع حق وراه مطالب

 

[randomy]

انا حامل والقسم نصه مرتاح

محد خفف نصابي

هذي التربية

 

[Amoona-88]

رد : انتـــــوا قولــــولي في عـــــــــدالة ؟؟؟؟

ابلة كويتية صاجة

بس اهي مو مسألة قوة شخصية .. يعني في شي اسمه احترام و علاقات انسانية ..ليش تجبريني اتعداج واروح الناظرة

وتصير حزازيات بينج وبين ناس انتي بتجابلينهم كل يوم .. جنه قاعدين بغابة والله العظيم

انا كثر ما احب التدريس كثر ما استصغر بيئة التدريس ..ماكو مكان للاحترام كلش ... عالعمووم مشكورة وايد عالرد وباجر ان شا الله بصير قدعة واتخذ موقف صارم واردلكم خبر


randomy

حبيبتي الله يعينج ويسهل عليج يا رب .. عقبال ما نخلص ثلاث سنين ونكمل ونفتك من هالوضع ..قولوا امين : )*