انا يديده عندكم

[صديقه]

السلام بنات شلونكم هذي اول مشاركه لي واتمنى تساعدوني انا صارلي متزوجه سنه بس قبل 8 شهور فكرت احمل بس وقت الجماع كنت اتالم وااايد وطلع فيني التهاب وعالجته وقمت مااحس بالم بس للاسف للحين ماحملت سويت تحليل وكل شي سليم بس هرمون الحليب كان واصل اعلى درجه من الطبيعي يعني كان في قابليه ان يرتفع او ينزل فالدكتور قالي في احتمال ان السبب من هرمون الحليب وانا تأخرت الدوره علي 16 يوم وقبل يومين يتلي فقررت اراجع عند دكتور او دكتوره متخصصه وقالولي عن ناهده العلي وقالولي عن واحد بالسلام عايلته الشاذلي وااااااايد مدحوه بس ودي اعرف اذا وحده فيكم سامعه في ودي الحين اسوي تحليل مره ثانيه عشان اتاكد من ان كل شي سليم واشوف هرمون الحليب ارتفع والا نزل بس انا ماادري اذا رحت عند ناهده وبنفس اليوم تقدر تسويلي تحليل حق خامس يوم الدوره والا تعطيني موعد ارجو الافاده وشكرا

 

[bnt_kwt]

هلا حبيبتي حياج الله معانا
بهالمنتدى الحلو بكل اقسامه

وان شاء الله يارب تشوف ضناج بحضنج بالقريب العاجل

وانا اقترح انج تشوفين ناهده العلي واااايد يمدحونها هالدكتوره

شوفيها وان شاء الله على ايدها الخير

 

[صديقه]

مشكوووووووووووره اختي وانشاله خواتنا يردون على موضوعي وانا حبيت اعرف اهيا لما اروحلها افتح ملف اقدر اسوي تحليل عندها بنفس اليوم والا لازم تعطيني موعد لان انا السبت خامس يوم الدوره وابي اروحلها السبت افتح ملف واسوي تحليل بس ماادري اذا راح احصلها السبت والا لا

 

[bnt_kwt]

اكيد راح تطلب منج تحليل خامس يوم الدوره
بس انتي ليش ما رحتي لها من ثاني الدوره

 

[bnt_kwt]

اكيد راح تطلب منج تحليل خامس يوم الدوره
بس انتي ليش ما رحتي لها من ثاني الدوره

 

[-Bello-]

انا اللي اعرفه ناهده مو شاطره حق حمال ناهده شاطره حق التوليد .. والشاذلي ماعندي فكره عنه ..
والله يرزقج بالذريه يارب

 

[الجوهره 2007]

السلام عليكم
انا متزوجه وراح يصيري بعد ايام سنه
والله والله العظيم اني لا رحت عالجت ولاشي
وقبل ايام حللت وطلع حامل ادعولي ان الله يثبته
وانسي السالفه الحمل وان شأالله تحملين
تكفون ادعولي

 

[محاميه الغد]

حبيبتي اذا رحتيلها خامس يوم الدوره و التحليل المطلوب منج هم خمس يوم الدوره اكيد راح تسويلج اياه نفس اليوم بس الي اعرفه انها تسوي تحليل 2 او 3 يوم من الدوره
و 21 من الدوره عشان تشوف كل الهرمونات
و الله يوفقج ياااااااااااااارب و نسمع خبر حملج قريبا

 

[foozia_87]

حياج معانا ويارب تكون تحاليلج سليمه وماعليج شر وعلاجج بسيط وربي يسر امورج بالدنيا والاخره ويرزقج بالذريه الصالحه اللهم آمين

 

[زنوبة الحلوة]

هلا والله حبيبتي

انا سامعة عن الدكتورة ناهدة يمدحونها وايد بس للامانة انا مو مجربتها


وانشالله ماعليج الا العافية وهرمون الحلين ينزلونه حقج عادي لا تحاتين والله يكتبلج اللي فيه الخير وتحملين ياربي ياكريم

ويرزق الجميع الذرية الصالحة يارب يارب يارب

 

[البيداء_77]

حياج الله معانا


انا اقول دام ما فيج شي وفحصتي روحي حق دهانه قبل لا يلعبون فيج هالدكاتره لانه هالايام الدكاتره ما تخاف الله اغلبهم تجاريين

 

[أمونة الحلوة]

الدكتورة ناهد العلي وايد اسمع عنها انها شاطره بس ماجربتها
والدكتور احمد الشاذلي انا مجربته بصراحه خوش دكتور

وربي ان شاء الله يرزقج الذريه الصالحه

 

[Swan]

والله مادري عن الدكاتره
بس تحليل هرمون الحليب تقدرين تسوينه بروحج بدون دكتور
روحي حق اي مختبر تحليل وطلبي تحليل هرمون البرولاكتين

 

[كويتيه مذهله 87]

الله يرزقج انشالله

 

[دمثة]

نـــــــااهدة العلي ممتازة توليــــــد ماسمعت عنهااا علاج حمال

بس الشاذلي عن تجربه بحماليالاول والله العظيــــــــــــم فظيــــــــــــــــع

والحيـــــــــن انا قاعدة اراجع عنده ورحت سويت تحاليل وعندي موعد اشعه صبغه والله يعيــــــن

والشاذلي ممتاز والله يوفقج ويوفق الجميــــــــــــع

 

[صديقه]

مشكوورين خواتي ويعطيكم العافيه انا رحت عند الشاذلي وطلع فيني تكيس بالمبايض بس ماتضايقت الحمدلله على كل حال وانشاله بعالج والله كريم