انا ... و طليقي ... و العده !!!

[miss2007kuwait]

السلام عليكم





شلوونكم بنات ؟






بنات انا و طليقي سالفتنا طويله حيل


حق اللي ما تعرف سالفتنا

http://www.q8yat.net/showthread.php?t=742792

تطلقت رسمي من المحكمه شهر 12

و انا بنات حامل و عدتي لي الولاده ان شاء الله




الحين اللي مصدوومه منه بنات ... اسلووبه


وايد زين وياااي... يعني انا شفته وايد صدفه و كله بالافنيوز

و مره شافني دز لي مسج شعندج صايره حلوه

يعني يتحرش !!

انا اقول يمكن يبي يردني يعني ؟

و مره بعد بنات رايحة مع رفيجتي الافنيوز رحنا فرايديز

و اهوا الطاوله اللي جدامي

دزلي مسج اكلي عدل عشان البيبي


و لما خلصنا اكل بندفع الحساب و لا يقول لنا الريال ان خلاص اندفع الحساب و لا طلع اهوا دافع لنا


بعني يسوي حركات مادري شنو سببها و كله اقول يمكن ناوي يردي


و دق علي ذيج المره يقولي جم سعر الولاده بالمستشفى


لان انا بدفع نص و انتي نص


و كله يزلي مسجات اذا تبي شي قوليلي !

و اخر مره قالي انتي وايد زينه و طيبة و انا متأكد بتصيرين احسن ام حق ولدي

والله يخليج لنا يارب!!

و بعد قالي انتي ماكنتي تستاهلين واحد مثلي تستاهلين اللي احسن مني


والله يعوضج بغيري اللي يخليج مستانسه


وبس الحين اللي بينا مسجات

وامي حيل متضايقه من هالسالفه تقولي شنو انتي لعبه ؟ يا يردج يا خلاص لا يكلمج

شنو عباله رفيجته ؟

و ابوي بعد متضايق

و يقولون احنا معطينه ويه يكلمج لي لما تخلص عدتج

اذا خلصت خلاص ماله داعي تحرش مسجات

يبي شي حق ولده اي بس يكلمج انتي لا ماله داعي


و نفسيتي قاعده تتعب حيل

والله مادري شسوي و هذا اول بيبي ما كنت اتخيل اني بحمل بروحي بدون زوج يكون يمي

لما اييب البيبي ماراح اشوف ردة فعله


بنات احس اني راح اصير بروحي على طول

بس كنت ابي اطلع اللي بقلبي

 

[!الجادل الصعب!]

رد : انا ... و طليقي ... و العده !!!

حبيبتي تصرفآته غلط .. معلقج بالطريقه هذي .. لآزم يوقف عند حده ويحدد موقفه ..
يبي يرجعج في طريقه صح وقدآم النآس كلها مو مسجآت ويدفع حسآبج بمطعم .. الحين صآر كريم يعني ؟!
موفقه ..!

 

[ناتشوو]

رد : انا ... و طليقي ... و العده !!!

الله يقدر لج الخيرة من امرج يارب
ممكن تسألينه
شنو الهدف من هالكلام؟
انت تردين على مسجاته؟
يمكن بيجس النبض
:gr4uu:

 

[غارقة بأحزانها]

رد : انا ... و طليقي ... و العده !!!

حبيبتي انتي الله يهون عليج انشالله
بس بقولج شي واتمنى انج ما تزعلين وتفكرين باللي اقوله عدل

اول شي يالغاليه ترى اللي سواه فيج مو شويه
لا دلع ولا كرم ولاحتى عطاج من وقته

اول شي بقولج اياه انتي عزي نفسج عشان يعزج
اهو طلقج بدون اي ذنب واهو صراحه بقمة الاستهتار
شنو يعني ربع وديوانيه وسفر تايلند واهو توه معرس
ويمن عليج حتى بحقج الشرعي

ليش ؟

حبيبتي حطي حد للي قاعد يصير ولا تردين على مسجاته وكلام اهلج عدل انتي مو لعبه
اذا بتردين عليه بمسج واحد انت شتبي بالضبط
خليه يحس ان انتي عازة عليج نفسج

اذا متحسف على اللي سواه ويبي يردج مو بهالطريقة
لازم يصير فيها رجال اهو وابوه وابوج
وردتج لازم تكون بشروط
ان يصرف عالبيت وعلى ولده وما يجبرج تحطين فلس بالبيت
ان يحترم مشاعرج ويخصص لج وقت
ليش تدفعين نص الاجار؟
نص الاجار قاعدة تدفعة الحكومه
150 كل شهر
ولا يخليج تصرفين وتدفعين عشان حضرته يجمع المعاش ويروح يقطه على سفراته وخرابيطه

واذا مارضه بشروطج مايشوف شر خل يتوكل
باجر ترديله وتعيدين الشريط وماراح تتحملين وبدال ما يكون عندج ياهل يمكن يكون اكثر من ياهل

وانتي كيفج حبوبه​

 

[الحراير]

الله يهديه

وتولدين بالسلامه

 

[iLLuMinaTion]

:friends:

 

[حجيه هيونه]

رد : انا ... و طليقي ... و العده !!!

اممممممم


اذا كنتي تردين على مسجاته لو كلمج مره ثانيه ردي عليه ( انت شسالفتك )

عشان تعرفين شنو وراه ولو استعبط قولي له انت مو طلقتني شتبي مني الحين



يعني لاتعطينه ويه زياده خل يولي يبيج يردج نفس الناس مو يقعد يتحرش بالطريقه هذي



( الله يجمع شملكم على خير ويسخره لج ومايشوف غيرج بالدنيا انتي وولده )

 

[ورق عنب]

عشانج انتي لاااااازم تحطين حد له ... حرام اللي يسويه فيج ..

 

[LuLiTa]

كلام اهلج عدل ,, اهو جذي يعاملج جنج رفيجته ,, يعني ما عنده جديه ,,, و اذا يبي يردج خل يكلمج اهلج دامج للحين ناطره الولادة ,, بس بعد الولادة ما بينج و بينه الا البيبي بس اهو بطريج و انتي بطريج لا يقعد يدزز مسجات ,, و انتي من الحين سأليه شنو نيته ؟ و خلج رسميه و ثقيله معاه اذا يبي يردج ف ماله داعي هالحركات و اللعب بمشاعرج و انتي حامل خوو اهو يدل بيت اهلج

 

[nwir72]

حبيبتي الله يوفقج ويقومج بالسلامه
انشالله يردج قبل لا تولدين

 

[زوزة النوفى]

رد : انا ... و طليقي ... و العده !!!

لا تردين ولاتطرشين مسجات وأستخيرى ربج أهو أعلم بحالج​

 

[بسمة احساس]

رد : انا ... و طليقي ... و العده !!!

جنه متحسف عالي سواه وحس بقيمتج عقب:/

ما ادري شقولج حدي متعاطفه معاج من سالفتج الاولى ادعي له الله يهديه ويسخره لج وان شا الله يتغير للاحسن كثري دعاء وربي يفرجها عليج

 

[Fe6aMi]

رد : انا ... و طليقي ... و العده !!!

مشالله الكرم نزل فجأهوقبل يحاسبج على الخمسه في سلف بين ريال ومرته ؟! شنو لعب يهال
لاتعطينه مجال واذا كان يبيج وحس بقيمتج يدل مكانج ايي يكلم اهلج وربج يسهلها
السؤال:
هل اذا قال بردلج بترضين ؟؟:gr4uu:

 

[noo7a]

الله يهديه يااااارب

طنشي مسجاته فتره
بعدها دزي له انت شنو الي تبي توصله بالضبط ؟
ياااااارب الله يهديه و يتسنع و ماتمر ولادتج الا واهو رادج و يمج

 

[الدلال]

بسألج سؤال واحد وابيج تكونين صريحه مع نفسج

انتي تبينه؟؟؟ بخاطرج تردين له؟؟

اذا بخاطرج ترجعين له سأليه وقوليله شسالفتك؟؟ وشنو اخر هالمسجات

واذا ما تبينه كلش,,,الافضل حقريه خير شر ولا تردين عليه وحاولي تكيفين نفسج على حياتج اليديده اللي باذن الله راح تكون افضل

قريت قصتج السابقه وبصراحه اسمحي لي اقوولج تصرفات ريلج تصرفات يهال وواحد ما يتحمل المسئووليه

وانا بالنسبه لي الطلاق وايد افضل من اني اتم مع واحد بالاسم ريال وجدام الناس اسمه ريلي ولا بيني وبينه حتى الـ5 دنانير

يستخسرهم فيني!!

شوفي وانا اختج اللي صار يمكن كله خيره وماتدرين الله شنو كاتب لج,, وانشالله كاتب لج كل خير

 

[DLOOL]

والله مثل كلااام البنااات لازم تدزين مسج تكتبين فيه اشساالفتك

 

[ام شووووق]

رد : انا ... و طليقي ... و العده !!!

يمكن ندم ي

 

[الأميرة جوري]

رد : انا ... و طليقي ... و العده !!!

مادري حركاته تحير اما يبيج تتعلقين فيه او ندمان ..بس اللي اعرفه اللي يحب مستحيل يفرط باللي يحبها مو بهالسهوله يطلق وفجاه يحن !!!لاتعطينه ويه واذا صج يبيج يروح لبيت ابوج ويردج لاتردين عليه ...بس انا مستغربه اعتقد مايجوز الطلاق وانتى حامل مادري يمكن انا غلطانه والله يسهل عليج بصراحه عورتى قلبى بهالعمر واول بيبي وهذي حياتج الله يعوضج بالل احسن منه:yaaaaaarb:

 

[! بــدويه وآآيــد !]

،


قولي له شنو الي تبيه بالضبط ومن وين نزل الكرم فجأه وخل يدفع ولادتج حتى لو انج مو على ذمته وانتي صرااحه غلطانه تدفعين الاجار معاه ؟؟ نعم خير هو الي فاتح بيت والا انتي انتي عطيتيه وجهه من البدايه ولاتصيرين له سلعه ردي بيت اهلج تردين بعدين يدز لج مسج تردين عليه


والله يسخر لج الي حولج والي ابطنج

 

[سارووونه22]

بسألج سؤال واحد وابيج تكونين صريحه مع نفسج

انتي تبينه؟؟؟ بخاطرج تردين له؟؟

اذا بخاطرج ترجعين له سأليه وقوليله شسالفتك؟؟ وشنو اخر هالمسجات

واذا ما تبينه كلش,,,الافضل حقريه خير شر ولا تردين عليه وحاولي تكيفين نفسج على حياتج اليديده اللي باذن الله راح تكون افضل

قريت قصتج السابقه وبصراحه اسمحي لي اقوولج تصرفات ريلج تصرفات يهال وواحد ما يتحمل المسئووليه

وانا بالنسبه لي الطلاق وايد افضل من اني اتم مع واحد بالاسم ريال وجدام الناس اسمه ريلي ولا بيني وبينه حتى الـ5 دنانير

يستخسرهم فيني!!

شوفي وانا اختج اللي صار يمكن كله خيره وماتدرين الله شنو كاتب لج,, وانشالله كاتب لج كل خير

انا مهاهه بكل كلمة والله يهدي النفوس وتولدين بسلامة