انا ومرت حماي

[ساحرتهم]

مسااااء الخير .. شلونكم بنات ...

انا قبل 3 اشهر نزلت موضوع يخصني وعن مشاكلي مع مرت حماااي الي كان عرسنا مع بعض وهذي رابطة الموضوع ..

http://www.q8yat.net/showthread.php?t=707913


والله يابنات ماعمري غرت ولاحقد على احد ولاشلت بقلبي بس الي علمني هالشي زواجي ..تغيرت عن قبل ..
للحين المشاكل موجوده بس الي تطور بالموضوع اني صرت مرات اقط نغرات على مرت حماااي واطنشها واقهرها اذا كشخت ولبست .. يعني مطنشتها


فوق هذا خاااااااااااااااالتي صايره معاها بكل شي .. والله يابنات انصدمت من خالتي ماتوقعتها جذي قبل اذا يتنا طيبه وحبووبه بس انصدمت منها ..لللمعلوميه ريلها خالي اخو امي وحييييييل طيب معاااي وحنون معاي ..
هي تحب امي وكله تمدحها ان امج طيبه وحبوووبه ..وتقولي اني انا على نياتي <<هذي المصصيييييييييييييييبه
ومرت حماااااي امهااا عوووبه معروووفه راعية مشاااكل

اول زواجي كنت اشوف خالتي تفضلها علي بكل شي << والله اقسم بالله كانت نيتي صااافيه واقول بنفسي عادي يمكن خالتي جذي تعودها على البيت وكنت اعامل خالتي احسن معامله يعني احسن من بناتها الي كله يتأفأفون واذا طلبت شي من الخدامه اقووم انا ايييب لها ...عاملتها مثل امي ..:33_1185028183:

ومرت الاشهر شفت خالتي تغيرت اذا قعدنا على الغدى انا وهي مرت حماي تخيلوو تشيل الصحن السلطه او اي شي وتقدمه لها عشان تاخذ وانا حاطه علي اكس انا ماهمني الاكل ولا هالاشيااء الي ذابحني انها بتكبر راس مرت حمااي علي وتخلييييها تشيش علي ..
اكثر من مره تسويها ..

ومره كنت قاعده انا خالي وخالتي وقال خالي يحطون الغدى للرياييييل يقصد هو وحماي وغدى للحريم طبعا
<<زوجي الظهر موموجود يكون بالدوام ..
عاد خالتي شسوت حطت غدى واحد عند الرياييييل ونادت ريلها وبناتها وولدها ومرته.. الي نزلت وقاعده اطالع فيني وتضحك عشااني قاعده بروحي وانج ماهمييتيهم ..

.خلص خالي وياااتي قال ليش ماتغديييتي قلت مومشتهيه عاد وربي من القهر دمعت عيني وبسرعه صعد فوق عشاان مايشووفني..

للمعلوميه مرت حمااي سعوديه ولها شهرين رايحه تكمل اخر سنه كليه . والاسبوع الياااي بتي ..:eh_s(16):.
عاد تدروون خالتي شكانت تسوي فيني بهالشهرين ..

بالغدى تنادي ولدها وخالي عشاان الغدى واكون انا موجوده بنفس المكان الي اهما فيه ولاهميتها ..
عاد اروح اتغدى بطاولة المطبخ او مرات بالصااله الثاانيه ..اكثر من مره سوتها يعني ماتبيني اتغدى معاها بناات وربي كرهتها .. خسااارة معاملتي الطيبه معااااها..

وكل ماطعلت لرفيجتها قبل كنت اروح معااها بس الحين اقووول لا لا لا مالي خلق فتقوول لي انتي كله مالج خلق




وكل مايدق تلفوني وارد وبعد مااسكره تسأل منو يكلمج ؟؟
عاد ماعمري شفتها تسال حماتي ..

وخالتي كله تسألني
وين رايحه شعندج ..
واذا رحت الطبيب شفيج حااامل .؟؟
دورتج منتظمه ؟؟؟
تحالليل شنو سويتي ؟؟؟

يعني بنااات مادري شسوي ..

لاتقولون خالتج طيبه وتحملييييها والله يابنات خالتي اذا ياها احد تسوولف معااهم وتمدحهم وتضحك معاهم وربي اذا راحو قعدت تسب فيهم وتحس واي سالفه تعرفها ادق على ملييييييوون وحده وتقوولها الساالفه بالتفصيل ..لدرجة حتى بنتها تطنز عليها كان في موضووع قبل شهر طلاق بنت خالتي وخالتي مافي احد ماعلمته ومره خالتي دقت على رفيجتها جان بنتها تقوول يمه علميها بعد عن الطلاق وجان تضحكت ..


غيرت معاملتي معااها وصرت رسميه مااسولف وايد عااادي مااقعد تحت وااايد نص ساعه واصعد ..

حتى مرات بنتها تقط نغرات اذا نزلت انا وريلي تقووول حق اخووها وادري موجهه الكلام لي ..
<<شكوو نازل مانبيييييك خلك فوووق مع الابتساامه ..عاد زووجي يضحك عباله الكلام له ويتغشمروون معاه ..

واذا كلنا قاعدين تكون القهوى عندها تصب لهم كلهم الاانا يعني خييييير شسالفه عاد ريلي يقوول تبين قهوى اقوول لا ..



بناااات ادري سووولفت واااايد بس تعبت وربي ماانام الا دموعي على خدي .. ابي الحل ابي شي يقوي قلبي ويخلي اطنش

 

[ديانا سبنسر]

حبيبتي طنشيهم ولاتحرين نفسج انتي تحشمينهم علشان زوجج وانتي ماعليج الا من زوجج

 

[ملح و سكر]

حبيبتى هذا طبيعى وكل واحد يسوى باصله ......وانتى مالج شغل باحد انتى عليج من ريلج وبس .....

ومرت حماج لاتفكرين فيها وتحرين نفسج ...يقول المثل .. من اجل عين تكرم الف عين .....وانتى علشان ريلج عاملى خالتج بالمعروف لا فيها زياده ولانقصان ...

 

[نـعـومـه]

رد : انا ومرت حماي

يباااا سالفتج مفهومه خالتج من النوع اللي ماينفع معاها الطيب

الحل انج ماتنزلين كل يوم والله احسلج وطبعا ماكو قطيعه رحم لانج ماراح تقطعين وايد بس دام جذي معاملتها نزلي بين فتره وفتره عشان يحسون يعني خلج يومين ثلاث لاتنزلين بعدين نزلي اهم شي راحتج والله وخلج رسميه ووسط

هذا الحل ماكو غيره دام مانفعها الطيب

 

[الأماكن]

رد : انا ومرت حماي

إي والله عاملي الناس بأخلاقج انتي مو بأخلاقهم

عطيهم اكبر طاااااااف

لا تحرين نفسج

و مرت حماج شيليها من راسج

حاولي انج ما تفكرين فيها و خليهم يوووولوووون كلهم

وعلشان زوجج عاملي خالتج أحسن معاملة و لا تنسينها بالهدايا مناسبة و بدون مناسبة

مرة جيبي قطعة خام مرة زولية مرة شتلات بهالجو الحلو حطووهم بالحوش الحريم الكبار يحبون جذي مرة عطورات

وضحكي بوجهها كأنج تقولين لها "أنا ما أحس" لو انج تحترقين من داخل << أعرف ناس جذي سلاحهم الابتسامة بوجه الناس

والله يوفقج

 

[ساحرتهم]

رد: رد : انا ومرت حماي

إي والله عاملي الناس بأخلاقج انتي مو بأخلاقهم

عطيهم اكبر طاااااااف

لا تحرين نفسج

و مرت حماج شيليها من راسج

حاولي انج ما تفكرين فيها و خليهم يوووولوووون كلهم

وعلشان زوجج عاملي خالتج أحسن معاملة و لا تنسينها بالهدايا مناسبة و بدون مناسبة

مرة جيبي قطعة خام مرة زولية مرة شتلات بهالجو الحلو حطووهم بالحوش الحريم الكبار يحبون جذي مرة عطورات

وضحكي بوجهها كأنج تقولين لها "أنا ما أحس" لو انج تحترقين من داخل << أعرف ناس جذي سلاحهم الابتسامة بوجه الناس

والله يوفقج

تعبت وانا عاملهم زين ناس ماينفع معاها ..
وخالتي ياما عطيتها من الهداايا بس الحين مستحيييييييل اييب لها ..:rgewrg:

وتقوليلي اضحك شلون اضحك مااقدر وربي مااقدر اتحمل ..

اذكر مره ناديت الخدامه تيييب لي المخمه فووق عشاان بخم داري جاان اسمعها تنادي خدامتها وتقوول تعااالي مسكييييينه عبالها بخليها تخم داااري

 

[ساحرتهم]

حبيبتى هذا طبيعى وكل واحد يسوى باصله ......وانتى مالج شغل باحد انتى عليج من ريلج وبس .....

ومرت حماج لاتفكرين فيها وتحرين نفسج ...يقول المثل .. من اجل عين تكرم الف عين .....وانتى علشان ريلج عاملى خالتج بالمعروف لا فيها زياده ولانقصان ...

يالغاليه وهذا الي مصبرني ومخلييييييني ساكته... ريلي الله يخلي لي ..:yaaaaaarb:

 

[ساحرتهم]

رد: رد : انا ومرت حماي

يباااا سالفتج مفهومه خالتج من النوع اللي ماينفع معاها الطيب

الحل انج ماتنزلين كل يوم والله احسلج وطبعا ماكو قطيعه رحم لانج ماراح تقطعين وايد بس دام جذي معاملتها نزلي بين فتره وفتره عشان يحسون يعني خلج يومين ثلاث لاتنزلين بعدين نزلي اهم شي راحتج والله وخلج رسميه ووسط

هذا الحل ماكو غيره دام مانفعها الطيب

اي هذا الي كنت اسويه ومرات ماانزل للغدى لاني ادري مصيري للمطبخ او الصاااله واني اتغدى بروحي :eh_s(2):

حسبي الله عليهم ... تعبتني نفسيا

خالتي ام وجهيييييين جدام الناس طيبه وحبوووبه وبالاصل اعوذ بالله

والحمدالله صرت احسن من قبل ورسميه على الخفيف

 

[}{نرجسيهـ}{]

وعوووووه شالحركات

كرهوج بعيشتج حسبي الله على كل ظالم

يبا في ناس ماتمشي الا بالطناش .. دلعي نفسج بنفسج لاتنطرين احد يقهويج .. والا يسوي لج شي


انا بسألج سؤال مرت حمآج حامل وانتي لأ ..؟؟

 

[إعلاميه]

رد : انا ومرت حماي

لاتنزلييين لهم الا بالشهر مره يعني اثقلي ...........

واذا تبيين غيري بيتي اسكني بروحك انتي وزوجك بالشقه

ترا احييان مهما صار بينكم علاقه وكبيره بينكم بيجي يوم يملون منك ويعاملونك ايزي

عشان كذا خلييك رسميه واثقلي عشان تصيرين بمقام الضيفه
موفقه

 

[spongebob]

رد : انا ومرت حماي

احسسسسسسسسسسسن حل


طلعي بشقه بروحج وفكي نفسج

 

[المدينه]

عطيهاا طاااف خليج رسميه وخلي ريلج يشوف بعينه علشان يعرف اهله شنووو
اهم ماعليج ريلج وبس والباقي طاااااااف

 

[lovely jojo]

الله يعينج اذا اهمه ماشافو منج الا كل طيب ليش يسوون جذي..؟

 

[girl k.s.a]

ماقريت موضوعج كامل بس باختصار مرة الحمى استغفرالله استغفرالله بنت كللللللب
اقري موضوعي تقريبا قريب من موضوعج توه جديد عن مرت حماي والحين بنزل الثاني

 

[دنيتي غلا]

رد : انا ومرت حماي

خــــــــــــليك رسميه معاهم لان ماينفع الا الرسميه ...................

 

[ساحرتهم]

رد: رد : انا ومرت حماي

لاتنزلييين لهم الا بالشهر مره يعني اثقلي ...........

واذا تبيين غيري بيتي اسكني بروحك انتي وزوجك بالشقه

ترا احييان مهما صار بينكم علاقه وكبيره بينكم بيجي يوم يملون منك ويعاملونك ايزي

عشان كذا خلييك رسميه واثقلي عشان تصيرين بمقام الضيفه
موفقه

مااقدر لازم انزل لهم بس صرت ماطول انزل اتغدى واصعد واتعشى واصعد وبس واذا ريلي تحت نزلت له وقعدت معاه واذا طلع صعدت فوق .. واذا على الشقه مستحيييييييييييييييييييييييييييييييييييييييييييييل يقووولي لا صعبه عليه ..
وهذا الي اسوي صرت رسميه وارتحت نفسيا بس انا مو متعوده اصير رسميه تعبت من التمثيل

وعوووووه شالحركات

كرهوج بعيشتج حسبي الله على كل ظالم

يبا في ناس ماتمشي الا بالطناش .. دلعي نفسج بنفسج لاتنطرين احد يقهويج .. والا يسوي لج شي

انا بسألج سؤال مرت حمآج حامل وانتي لأ ..؟؟

اي والله كرهت نفسي ..
لا يالغاليه مرت حماااي موحامل

 

[!الجادل الصعب!]

رد : انا ومرت حماي

لآ تصيرين مسكينه وتتآثرين بتوآفه الامور .. آظنج سمعتي قبل عن الحموله وآنوآع الحركآت الي من تحت لتحت.. يعني لآ تستغربين ..
الحل .. طنشي مره ومرتين وثلآث ..
ليش ؟ لآنهم نآس ما ينفع معآهم الطيب والتصرف الصح مع الآشكآل هذي.. تتعآملين معآهم بآصلج .. يعني وجبيهم بحدود وبس ..
آنزلي وتقهوي وآستآنسي وآصعدي .. ولآ قآلج تبين قهوه قولي آي آبي .. عشآن ينجبرون يصبون .. آو هو يصب لج .. آو آخذي المطآره وصبي لنفسج وله بس ورديها
خلي العلآقه رسميه لآنهم مآرآح يتغيرون لو تشبين آصآبعج كلهآ شمع .. !
وعشآن مآ تتحسفين عآللي سويتيه ..
ومرت حمآج مو ذنبها آنهم يحبونها عليهم بآلف عآآآآفيه .. آلله يهني سعيد بسعيده ..
آلزم مآعليج الرجآل الي مو مقصر معآج .. منتي بحآجه لحبهم ..!
ولآ تفسرين كل شي على آنه نغزه .. بتتعبين ..
وعلى سآلفة الغدآ .. آذآ تغدو بروح .. روحي للخدآمه قولي لها حطي لي غدآ وجيبيه فوق ..
بينقهرون على ضمآنتي
لا تغدين بالمبطخ مع الخدم ..! لا تصيرين ضعيفه ..! تصرفآتهم سخيفه فلآ تعطينهم آكبر من حجمهم ..

 

[sharshora80]

رد : انا ومرت حماي

يا عمري مدام خالتج تصير مرت خالج
يعني امج حماتها
ههههههههههههههههههههههههههههههههه
واضحه قلب
قاعده تشفا فيج هي نفسج محتره من حمواتها بس ما تبين وتمدح امج علشان ما تبين القهر من حمواتها امج وخواتها
والدليل نشرها قصة بنت خالتج الثانيه
قلبي هذا شئ واضح ما يبيله انعلمج
والحل انج تطلعين برى البيت
صدقيني لو انج كنتي بنت اختها جان عاملتج احسن من جذي بس لانج بنت حماتها

 

[عيش و مرق]

خل يولووووون لاتنزلين ولاتعطينهم مجال يحرونج من الاساس

 

[ساحرتهم]

عطيهاا طاااف خليج رسميه وخلي ريلج يشوف بعينه علشان يعرف اهله شنووو
اهم ماعليج ريلج وبس والباقي طاااااااف

اي هذا الي قاعده احاول اسوي مطنشتها .. وريلي يشوووف امه وحركااته بس يعني شراح يقووول هذي امه واذا شكيت له منها وهو يدري انها غلطانه يطلع مليوون عذر لها

احسسسسسسسسسسسن حل
طلعي بشقه بروحج وفكي نفسج

صعبه هو مايبي يطلع.. .
.عاد تخيلي لي غرفه وحده وحمام وماكوو تلفزيووون بداري وقال حق امه بحط تلفزيوون قالت ماله داعي غرفة النوم حق الراحه بس ..ماشالله الاخت تعرف الراحه... ااااه ولولا اللاب جاني انا مت ..