انا ولية امر وعندي جم سؤال.. حق ابلات الروضه الحلوين:)

[ام كتكوت]

السلام عليكم

طبعا الحمدلله ولدي حسون صار بالروضه الله يوفقه يااااااااارب بأول خطوة للعلم

ويطلع من الاوائل يااااااااااااااااااااااااااااااااااااااااااااااااااااااااااااااااااااااااااااااارب

المهم ..

اول شي لاحظت ان اولياء الامور هم يجون ليما الصف وياخذون عيالهم :eh_s(6): شي حلوو

بس احسه فوضى مادري ليش ومايسألون منو انتي ولا شي

والله لو اخذ اي ياهل ثاني ماحد يدري وبعد الاطفال يطلعون بروحهم من الصفوف ولا من شاف ولا من دري

لاحظت تسيب مع الخدم والسواااااااق واااااااااااااي كللللهم خدم وربي تسحب الولد سحب واليوم شفت وحده بعد تسولف بنقال وكاشته بالياهل:0bee2e8d89:

ولاحظت ان الاطفال بالصف يقعدون على الارض مو على كراسي.. ليييييييش؟؟

لاحطت ان ولدي كل يوم ايي حصراااااااااااان حده تكرمون بعرف شلون ع الحمامات منو يوديهم اهناك؟؟؟؟؟؟

ابي اعرف النشاطات اللي بالروضه

يعني مثلا هو نظام حصص وفرصه ولا كل عايم على بعضه انشطه واغاني

ولاحظت ان روضه ولدي مافيها ساحه هههههههههه بس صاله العاب كبيره !!

وسؤال بعد الحين من اول اليوم ليما اخره تدرسهم ابله وحده ولا كذا وحده :ggdw:

وبالنسبه حق الاوراق اللي يعطونهم بايد الاطفال (تنبيهات - طلبات - مواعيد - ..الخ)

انا شيضمن لي ان وليدي يوصلها لي

اليوم يايب الورقه معععععععفسه حدها حدها فديته بغيت اضربها اوتي

عفيه ابلات سولفو شنو براجهم من الصبح حتى لو مع اختلاف الروضات

مادري ولدي حتن اسامي الاطفال مايعرف الا محمد وحسين

حتن ابلته مايعرف اسمها

عيزت اسأله شسمها مايعرف

يقولي قولي اول حرف وانا اكمل جنه يختبرني هههههههههههه

مع العلم اني اعرف اسم ابلته !!!!!!!!!!!!!!!!!!!!!!!

وفي شي ثاني بعد

متى نلبسهم ملابس شتويه تقريبا

من كيفنا ولا من الروضه يبلغوني

وبعد في اشياء وايد ودي اعرفها بنات والله ادري كثرت عليكم بس صج صج اودي اعرف ولدي شيسوي هناك

ادري بتقولون ليش ماتسألين روضته وابلاته

بس والله استحي ههههههههههههههههههههههههههههههه

انتو هني رفيجاتي ومادري يمكن وحده منكم تدرس وليييييييييييدي:klhfl:

 

[سحر الانوثة]

واااااااااي يحلاته لما يقولج انتي قولي اول حرف وانا اكمل هههههههههههههه يحليله الله يخليه لج ان شاء الله

اسالتج ان شاء الله يجاوبون عليها البنات بس بالنسبه حق سالفة الحمام عزج الله الي يبي اهوا يقول وفي فرااشه تروح وياهم انا اختي مره رحت لهابالروضه لقيتها بالحمام مع الفراشه والابلى تنطرها بره

وموووفق ان شاء الله ولدج والله يخليه لج

 

[عهود الحب]

كل هذي اسئله
جيت بجاوب افتر راسي ههههههههههههههههههههه

 

[nero]

اسئلتج وايد بحاول اجاوب كثر ما اقدر

بالنسبه حق الانصراف.. الابله تثبت الاهل والخدم ومن اول اسبوع تعرف الاشكال انتي تحسبينها ما تدري بس اهي تدري ومو ضروري تسأل

والطفل يكش من الشخص الغريب .. حتى لو عمه الي ما يحبه ياخذه يقول ماني رايح .. يعني ماكو ياهل يتجاوب مع الغريب .. ولو شافت الابله وجه جديد ياخذ الطفل تسأل من حضرتك وتدق على الام تسأللها > هذا الي انا اسويه مادري عن غيري


بالنسبه حق القعده على الارض .. يبون الطفل ياخذ راحته .. ينبطح يتربع يمدد رويلاته .. ما يبون يقيدونه بكرسي

والحمام .. الابله عندها فوق ال 15 طفل .. ما تدري تجابل منو والا منو .. والاطفال ساعات يستحون
طلبي منها انها تخليه يدش الحمام كل نص ساعه اذا يستحي يقول لها

واليوم الدراسي مقسم بين معلمتين وتصدف اكثر من فتره يكونون يميع

7.45 - 8.20 .. نشاط صباحي

8.20 - 8.40 حلقة < درس بسيط

عقبها فرصه ومطعم

10.10 - 11.15 اركان .. اتصور شفتيهم بالصف داير مداره يتوزعون عليهم ويلعبون

11.15 - 11.55 لاصفي .. انشطه متنوعه غالبا تكون خارج الفصل ومتصله بالخبره

وعقبها الانصراااف

الاوراااق هذي مشكله عويصه .. جدام عيننا يحذفها ويمشي وتنبهينه ويحذفها ويمشي ولا كانج تكلمتي

بس انتي حرصي عليه انه يسفطها ويحطها بمخباته .. قوليله يمكن تكون رحله وانت تعفسها وتخترب بعدين ما ترووح << خرعيه خخخ

ولا تترددين تسالين الابله بأي شي .. انا احب الحريصه الي تسأل .. عشان الابله تعطيها نظامها عدل وتلقينها تتجاوب وترتاحين بالتعامل معاها ومع ولدها او بنتها



اخر شي اتوقع الشتوي .. يبلغونج .. بس لي برد الجو لبسيه جاكيته المكيفات بارده بالمدرسه احنا نطقطق شلون اليهال

 

[زلابيا]

الله يخليلج حسون وتبلغين فيه متخرج من الجامعه وبأعلى المراتب ...

شوفي الله يسلمج ..

يمكن الابلات مثبتين على اولياء الامور والخدم ويعرفون هالأم ام منو .. وهالخدامه يايه تاخذ هالولد عرفتي شلون ..

بس سالفة ان اىطفال يطلعون بره الصف بروحهم ومحد يدري عنهم هذا الشي ممنوع الاطفال لازم يكونون تحت عين الابله ..

وسالفة ان الخدم والسواق ياخذون اليهال هذا الشي احنا مالنا دخل فيه .. هالشي راجع للأهل ومدى حرصهم عى عيالهم احنا اللي علينا ان اذا شفنا تصرف غلط من الخدم تجاه الطفل نبلغ اهله وننبهم

والاطفال يقعدون على الارض مع الابله .. لأن القعده على الكراسي مالت النظام القديم .. واحنا الحين بالتدريس نمشي عالنظام اليديد ان احنا نقعد على الارض مع الاطفال .. بس عادي عندنا بفترة الاركان وفي بعض الانشطه اللاصفيه مثل ( المطبخ - المرسم - المكتبه ...الخ يقعدون الاطفال على الكراسي ..

سالفة ولدج يكون حصران .. يمكن يستحي يقول حق الابله ان بيروح الحمام .. انتي قوليله ان في بالصف حمام اذا تبي تروح ارفع ايدك وقول حق الابله عشان تروح .. واذا اهو يعرف يدخل بروحه واذا ما يعرف الفراشه تساعده ..

والمفروض سالفة الحمام شي مفروغ منه .. ان الابله تكون معلمتهم على ان في حمام بالصف .. انتي قولي حق ابلته خل تسأله اذا محتاج يروح الحمام او لأ يمكن يكون ولدج مستحي منها

بالصف تقريبا في ابلتين او 3 ابلات .. يمسكون فترات وعندنا خبرات طوووول السنه ..

احنا الحين مبلشين بخبرة روضتي وراح تخلص هالأسبوع انشاءالله والاسبوع الياي نبلش بخبره يديده اسمها من انا وتقريبا كل خبره مدتها من اسبوعين الى 3 اسابيع ..

طبعا الروضه يعطونكم توصيف للخبره اللي اهيه رسالة ولي الامر مع بداية كل خبره يشرحون فيها بشكل بسييييط شنو الاشيا اللي ممكن ان يتعلمها الطفل خلال هالخبره ...

وطبعا اليوم الدراسي مو بس اغاني والعاب لأ احنا ندرسهم ونعطيهم بعض المفاهيم البسيطه والكلمات والاعداد ..

وبالنسبه للأوراق حرصي على ولدج ان اي ورقه تعطي اياه الابله يحافظ عليها عشان انتي تقرينها .. وغير جذيه شوفي مدخل الروضه اكيد في لوحة اعلانات وفيها الاشياء اللي راح تصير بالروضه

وبالنسبه للبس الشتوي نطري بعد لما يبرد الجو ويمكن يوزعون اوراق ماعندي فكره ..

وانا اشوف ان بالعكس روحي سولفي مع ابلاته سأليهم عن ولدج وعن مستواه ماراح يقولون شي بالعكس راح يستانسون وبيجابونج ويفيدونج اكثر منا .. لأن الحين انا كتبلتج على الاشياء المتعارف عليها اب اغلب رياض الكويت .. بس لما تسألين ابلاته اكيد غير

وحياااااااااااج الله ام كتكووووت

 

[القرآن ربيع قلبي]

الله يحفظه لج ان شاء الله
انا عادي عيالي اول الدوام ادخل الصف معاهم وادخلهم الحمام بنفسي واقعد اشوي معاهم واشرح لهم بالتفصيل
انتي خليج مركزة على الحمام ودخلي داخل الحمام وشرحي له كل شي بالتفصيل والابلات ترى حليييييييييوات الله يوفقهم مايقصرون وصيهم انه كل اشوي يسالونه تبي الحمام
حرام كلش ولا ينحصر الطفل يكسر الخاطر وماياخذ راحته
وبالنسبة للخدم انا اول مثلج صارت فيني صدمة من المواقف الي اشوفها بعدين عادي تعودت الله يهديهم
وبالنسبة للبرنامج اليومي ان شاء الله يوجهون لج دعوة وتحضرين يوم كامل مع ولدج ومسابقات مع الامهات والاطفال ويستانس ولدج ان شاء الله ولا تنسين كامرتج واي شي دقي تلفون على الروضة
واللبس الشتوي ماانطرهم يقولون لي حرام يستبردون متى مابرد الجو اشوي لبسيه شتوي لا تنطرين الورقة
وسلامتج

 

[ام كتكوت]

احساس انسانه حبيبتي والله فديتج يحلاتج ويحلات ردج

عهود الحب قلبي مشكوره على المرور ادري وايد سسألت بس هم ادري في بنات مايقصرون وبالهم وسيييييع ماشاءالله

نيرو .. حبيبت قلبي .. حياتي .. روووووحي .. فديتج ماقصرتي والله بردتي قلبي الله يبرد قلبج قولي آمين تنحطين ع الجرح يبرا


زلابيا .. فديتج .. زلابيتي .. عسوله والله يحبي لج الله يعطيج العافيه كفيتي ووفيتي ..

القرآن ربيع قلبي ... حياج الله يالغاليه حياتي انتي مشكوووووره والله يخلي لج عيالج ويوفقج معاهم يارب ياروحي


------

اليوم بنات حسون اذاني كان بياخذ معاه ال psp والله كل يوم يبجي عشان شي


خصوصا اول يوم يبي حمودي معاه


بعدين قام يبجي يبي الخدامه معاه


وامس يبي يشتري العاب وبيوزع على الابلات << جيكو الابلات

واليوم بياخذ ال psp

بجا بجي بالسياره مع لووويه الزحمه والله جد بغيت ابجي .. لان احنا في منطقه والروضه منطقه ثانيه مشهووووره بالزحمه

صج صج صج الله يعطيكم العافيه ياابلات الروضه يتعبون الله يعينهم مع الاطفال وخصوصا الدلع اللي مثل ولدي هههههههههههههههه

لاتنسونا من الدعاااااااء

 

[عهود الحب]

موفق وليدج وربي يسلمه لج

لاتحاتين وليدج محد بياخذه
اذا في مشاكل اسرية او طلاق وانفصال
يفضل تبلغين الابله
ترى يصير حالات اختطاف بالمدارس

 

[ام كتكوت]

اختطااااااااااااااااااااااااف لا يمه بسم الله على ولدي هههههههههههههههههههههههه
الحمدلله مافي مشاكل اصلا انا احن على ابوه اخذه انت موراضي
الله يعافي زوج اختي هو اللي ياخذه مع بنته

 

[بنت-أمها]

الابلات كفو ووفو لووول مافي شي اقوله عن الكلام اللي نقال فوق

 

[نجمة الجوزاء]

وااي يا حلالات الروضة شوقتوني جان زين انا ابلة روضة وايد احب الاطفال خصوصا البنوتات
معنى الحين ادرس اولى ابتدائي يعني موبعيدين عن الروضة بس الروضة احسها اونس

وام حسون عسى الله يخليلج وليدج

 

[*أم*خالد*]

ام حسون عسى الله يخليلج حسون
لا تخلينه ياخذ معاه أشياء ثمينه او غاليه للروضة لأن بسهوله ممكن تضيع

وحسافه مالحقت أجاوب ماشالله الأبلات كفو ووفو

 

[ام كتكوت]

حبيبات قلبي لا خلا ولا عدم

اليوم هم رادلي يبجي

الله يعينني على دلعه ياربي شسوي بدلعه مع اني والله مااعطيه ويه هههههههههههه بس دلوعععععععععععععععععع