انا وريلي شفتها .. !!

[فلة الحلوة]

سلام بنات


انا داشه بنك رفيجتي .. حبيت اقولكم شغله توني شفتها وانا داشه البيت مع ريلي طبعا انا وريلي ساكنين مع حمولتي اللي اهيه امه وخواته وابوه وحمولتي ساكنين مع اهل عمي يعني عمات ريلي ويدته ويانا بالبيت تونا كنا رادين البيت ولا وحده من عماته المو متزوجين عمرها شي وثلاثين حاطه مبخر قديييييم في بخور بمدخل الباب والبخور حييييل قوي اول ماشافتنا دشينا جان تقوم تخش البخور ريلي سالها قالها عميمه شتسوين شنو هذا البخور ولا تقوله بعد ششايف بخور حاطينه عن ريحة الشيشه ولا نطالعها ولا اهيه قاعده تشيش يعني شكو ليلحينها قاعده تشيش وتبي ريحة الشيشه تروح مو يهال احنا تقص علينا ..

عاد انا وريلي الحين قاعدين نفكر معقوله تكون قاعده تسوي سحر !! .. بنات حدي خايفه والله خالتي مسكينه على نياتها و عمات ريلي خبيثاااات من يشوفون خالتي سعيده ويا عمي وانا شلون مستانسه مع ريلي يسوون مشاكل و مطلعين لخالتي قرون كله مشاكل بمشاكل و كله يقولون عني جيكره مع ان والله مو غرور انا وااايد احلى منهم اصلا مااتقارن فيهم وكله يقولون لريلي شوف هذي شحلاتها وشوف هذي وااايد يسوون مشاكل .. وهذي عمته اللي جكيناها توه مسويه علاقه ويا ريل اختها الكبيره تقعد بحضنه جدامنا وتهمزله ظهره و تبوسه جدامنا والكل ساكت @@ معقوله محد يتحرك اكيد سحر والله لان عمي ريال محترم ومايرضى بهالاشياء كلللش .. بنات عفيه شسوي لان عمته هذي اللي توا جفناها وااايد تسولف بسوالف الين وتحضيرهم وجذي فعفيه ساعدوني شسوي مع ريلي وخالتي وعمي شلون عليهم فيدوني بليز

 

[Alia]

نبهوا خالتج وعلى طول حصنوا نفسكم الله يهديهم

 

[رهـوم]

والله مادري شقولج بس اهم شي ارقي نفسج وشغلو سورة البقره فالبيت والله يحفظكم ان شاء الله من كل شر

 

[اسيل الصمت]

رد : انا وريلي شفتها .. !!

لاحول الله ولا قوة الا بالله

الله يحفظكم

 

[كيك وحلاوة]

أعوذ بالله انتي من جدك تكلمين هذي أكيد عاميه اعيونهم ليش ساكتين عليها وأختها وش موقفها

 

[ELFAD3Ah]

رد : انا وريلي شفتها .. !!

شغلو سورة البقرة بالبيت

 

[نــور الدنيــآآ]

أختي قولي أذكار الصباح و المساء والتزمي فيهم بوقتهم والله يبعد عنكم شر كل حاسد يارب

 

[فلة الحلوة]

مشكورين بنات اللي ردو يزاكم الله الف خير

 

[رحيل المرافيء]

رد : انا وريلي شفتها .. !!

ما اصدق نكج يديد
ترى دوختونا بسوالفكم
يوم تحب عمها ابو زوجها يوم قاعدة بحضن زوج اختهااااااااا
واضحة السالفة
بسكم لعب

 

[فلة الحلوة]

أعوذ بالله انتي من جدك تكلمين هذي أكيد عاميه اعيونهم ليش ساكتين عليها وأختها وش موقفها

والله العظيم ..

اختها تمر تشوفها تضحكلهم وتمشي اصلا مره الفير كنا نازلين مشتهين مطعم نزلنا تحت ولا ريل اختها طالع من غرفتها انا وريلي صكتنا البوهة و ريلي علم ابوه وعمي طرده من البيت قاله انته واحد ماتستحي و جذي و هم مارد على كلام عمي وهذي الجلبه قامت تصارخ تقوله اخذ مرتك وطلعو بره بيتنا مالكم شغل فيني اسوي اللي ابيه وعمي قرر ان يسكت عنهم لين مانطلع بره البيت

 

[فلة الحلوة]

رد: رد : انا وريلي شفتها .. !!

ما اصدق نكج يديد
ترى دوختونا بسوالفكم
يوم تحب عمها ابو زوجها يوم قاعدة بحضن زوج اختهااااااااا
واضحة السالفة
بسكم لعب

حبيبتي سدي حلجج ممكن


انا قلتلج هذا مو نكي انا موقفين نكي عشان جذي داشه بنك رفيجتي وعلى فكره مشاركاتي بنكي صكت ال 3 الاف عشان لا تقولين وحده يديده



يا تردين عدل يا ماتردين لو سمحتي يعني

 

[لمسه حزن]

رد : انا وريلي شفتها .. !!

اعوذ بالله منها

شنو هالناس

ماتخاف من عذاب ربها

الله يعينج عليهم

 

[فلة الحلوة]

رد: رد : انا وريلي شفتها .. !!

اعوذ بالله منها

شنو هالناس

ماتخاف من عذاب ربها

الله يعينج عليهم

امبي والله العظيم اقول لريلي هذي بجهنم يقولي قلعتها من كثر مااهيه مسويتلهم مشاكل مساكين والله


مادري شلون جذي مايخافون من ربهم @@

 

[فطووومة]

ماشالله عليهم كل هالعالم في بيت واحد ؟؟؟

ديري بالج واقري قرآن دائما


ليش ما تطلعون انتي وريلج وخلي بيتهم حقهم

 

[الغاليه ام احمد]

لا حول ولا قوة الا بالله

 

[الفدنه]

ارقي نفسج انتي وزوجج
والاحسن تطلعون من بيتهم
والله يستر عليكم

 

[غــلآ]

رد : انا وريلي شفتها .. !!

شغلي سورة البقره بالبيت وبغرفتكم او شفتكم على طووووووووووول حتى لو انتوا طالعين

وكل يوم بعد صلاه الفجر وصلاه المغرب عليج بسورة البقره

والله لو هي مسويه لكم شي بينقلب عليها بس لاتهملين السالفه حبيبتي الدنيا مامنها امان الحين

 

[فلة الحلوة]

ماشالله عليهم كل هالعلم في بيت واحد ؟؟؟

ديري بالج واقري قرآن دائما


ليش ما تطلعون انتي وريلج وخلي بيتهم حقهم

والله جان زين ..


بس ريلي طالب مايقدر على ايجار وجذي ..


وخالتي وعمي مع ان عندهم عيال ماشاء الله وايد وكبار بس ساكنين بشقه بهالبيت والبيت كله حق عمات ريلي ويدته وعمه الصغير هم متزوج وساكن ويا مرته بشقه بهالبيت ..

 

[lolayasmeen]

شغلوا سوره البقره لان الشيطان ما يدخل بيت تنقرا فيه سوره البقره
وهي لاتخافون عمر اللي يخربط ويسوي سحور وطبوب انه يفلح
(ولا يفلح الساحر حيث اتي) اذا فيها خير خل تنفع نفسها هذول ناس مرضي
وفيهم حسد وراح يموتون بحقدهم خل تفيدها خرابيطها كا هي انفضحت
جدامكم شنو اكثر من هذا ذل وهذا اول الغيث اصبريلها شوي وبتشوفين بعينج شراح يصيرلها

 

[فلة الحلوة]

مشكووورين بنات ..


والله ماقصرتو هذا العشم بالكويتيات حبايبي والله فديتكم وحده وحده .


بنات عفيه اللي تعرف الاذكار ملوت هالسوالف تحطلي ياهم بليز .. او تعرف شغلات جذي غير القران تقولي لان من الحين ببدي اشغل سوره البقره بشقتي وان شاء الله الله يحفظنا من هالبلوه الكبيره