انا وبنتي ، ابيييييي حل

[بنت ريلي]

سلام عليكم
انا عندي بنت عمرها سنه الله يخليها لي ويخليلكم عيالكم .. مشكلتي معاها بالنومه ماتنام الا مع نومتنا يعني عالساعه 12 او 1 حاولت بكل الطرق ان تنام ابجر ما قدرت .. على ما تنام نكونانا وابوها تعبانين خلاص بنام يعني كلش مانقدر نقعد مع بعض او نسهر بروحنا .. تعبت تعبت من هالحاله والله حتى لو مو نايمه ما تنام الا نص الليل شسوي قولولي
وانا الحين حامل وولادتي بإذن الله بعد شهرين وحيل شايله هم نومة العيال تكفون شلون تحلون هالمشكله وخصوصا اللي عيالها فوق بعض انا حيل خايفه من المسئوليه وودي بخصوصيه ووقت مخصص لي انا وزوجي بس ماكو مجال مع العيال الله يحفظهم

ارييييييد حلاااا

 

[Perfume]

حبيبتي حاولي ماتنومينها العصر
يعني من تقوم من النوم الصبح تاكل وتلعب
خليها تنشغل من التلفزيون والالعاب
وعالساعة ١٠ بتكون تعبانة وفيها النوم
وسبحيها عالساعة ٩ او ٩ ونص بماي دافي
بتدوخ وتنام
وشوي شوي بتتعود

 

[ملوكة الامورة]

الله يعينك
مع الي فوقي بكلامها

 

[PuPa^^SWeeT]

والله ياقلبي


انا كنت اطبق طريقة و فعلا ناجحة


اول شي نومة الظهر لازم مبجر اتنااامها يعني اتنام 1 وتقعد 3


وبعدين اتلاعبينها

عالساعة 9 سبحيييها بماااي دافي و صابون جونسون السائل البنفسجي للنوم



ودفيييها و اتنااام



اذا مانفعت هالطريقة


ما اعرف طريقة ثانية

 

[M!SS.LOBY]

سوي لها برنامج او يوميات بحيث تناسبج

 

[عتآق الخيل]

حبيبتي البنات كفوا
والبنوته لازم تلعب عشان طاقاتها
وعطيها اشياء جديده تنبسط فيها
ربي يخليها لك وتقومين بالسلامه بالنونو النيو .~

 

[manoooram]

عسى الله يسهل عليج ويخلي لج ينونج
اتقق مع perfume
خليها تطلع الطاقه اللي فيها لمن تتعب وتالي تنام مرة وحده بالليل

 

[سماء الاحساء]

الله يحفظها ويخليها لش وتقومي بالسلامه مع آراء البنات وان شالله تضبط معك

 

[ام فجر3]

نفس المعاناة بس اذا سبحتها وسويت لها مساج تدوخ وحتى اذا ما نامت اطنشها ولااعطيها وجه تنام وساعات تاخذ الججوال واحط له توم وجيري ليما تدوخ جربي

 

[رنيم الروح]

حبيبتي ولد اختي كان مثل بنتك وهالطريقه جابت نتيجه وتغيرت نومته وانتي سويها لا تخلينها اتنام بالنهار كلش يعني من تصحى الصبح لا تخلينها تنام حتى لو بغت اتنام حاولي تصحينها
وحاولي اتخلينها تلعب وتتعب اشوي بالعب وكل مره راح اتحس بالتعب راح اتبكر بالنومه

 

[مدّهره !]

رااح تنفع معاهاا طرق البناات ...~

لاتناام بالنهاار ولعبيهااا كثير راح تتعب وتدوووخ ..~

وتقومين بالسلامه يااارب ^^

 

[سندس 90]

مع بووبا 

 

[Patcholli]

صح مع البنات خليها تلعب وتتحرك راح تدوخ وتنام بروحها

 

[شواآاقه]

نفس ماقالوا البنات ماقصروا
بس لازم تقوم مبجر عشان تدوخ وتنام بالليل يعني موتخلينها تنام لين ال ١٠ او ١١ الصبح

 

[بنت النوخذا]

وسبحيها عالساعة ٩ او ٩ ونص بماي دافي
بتدوخ وتنام وهطيها حليب دافء
وشوي شوي بتتعود

 

[om MaRyooM]

اشغليها باي شي تطلع طاقتها فيه العصر ولعبيها
وحاولي تنومينها كل يوم ابجر ساعه


حاولي مرة ومرتين ومليون بالنهاية بتناااااااام صدقيني
لاتيأسين

 

[حلآوهـ حلوهـ]

مثل ماقالو البنات

- قعديها مبججر
-لاتنام العصر
-خليها تلعب وتتحرك
-سبحيها قبل الرقاد بنص ساعه بس انتبهي على المكيف
-سويلها حليب دافي
-دهنيها بدهان جونسون ماقبل النوم =)

 

[طيبة83]

بس لازم تنام الظهر

الطفل في هل عمر يحتاج قيلوله مدتها ساعه ونص

وهذي كلام الدكاتره

الحل انج تقعدينها من وق الساعه 7 ولا تخلينها تنام الا الساعه 12 لي الساعه 1 ونص

وتالي لعبيها للساعه 8 سبحيها ونوميها

 

[ام الحلوااات]

حبيبتي حاولي ماتنومينها العصر
يعني من تقوم من النوم الصبح تاكل وتلعب
خليها تنشغل من التلفزيون والالعاب
وعالساعة ١٠ بتكون تعبانة وفيها النوم
وسبحيها عالساعة ٩ او ٩ ونص بماي دافي
بتدوخ وتنام
وشوي شوي بتتعود

مـــعــــااااهــــــــــا لا تــنـــــااام الـــظـــهــــــر والــعـــصـــــر :eh_s(15): :eh_s(15): :eh_s(15):

 

[عسل حدي]

قُلْ هُوَاللَّهُ أَحَدٌ * اللَّهُ الصَّمَدُ * لَمْ يَلِدْ وَلَمْ يُولَدْ * وَلَمْ يَكُنْلَهُ كُفُواً أَحَدٌ }


قُلْ أَعُوذُ بِرَبِّ الْفَلَقِ * مِنْ شَرِّ مَاخَلَقَ * وَمِنْ شَرِّ غَاسِقٍ إِذَا وَقَبَ * وَمِنْشَرِّ النَّفَّاثَاتِ فِيالْعُقَدِ * وَمِنْ شَرِّ حَاسِدٍ إِذَا حَسَدَ }


قُلْ أَعُوذُ بِرَبِّالنَّاسِ * مَلِكِ النَّاسِ * إِلَهِ النَّاسِ * مِنْ شَرِّ الْوَسْوَاسِالْخَنَّاسِ * الَّذِي يُوَسْوِسُ فِي صُدُورِ النَّاسِ * مِنْ الْجِنَّةِوَالنَّاسِ }