انا ....وامي

[عذووبه]

تقول امي انا ماعندي اهداف لا مباليه شكلي مقزز غبيه عمري اكبر من عقلي وكل العبر فيني وكل شي قذر بالدنيا هذي فيني ليما بديت فعلا اقتنع بكلامها وصرت انسانه بارده بديت احس اني مستحيل انجز شي بحياتي من كلام امي حتى تقول انسي ان في وحده مثلج تتزوج!!كل هالكلام اللي تقوله لأن رايي غير عن رايها ولأني ماارضى بالغلط ولأني لو اشوف شي غلط يصير بالبيت مااسكت انا جدا متحطمه المشكله اتاثر بكلامها لأنها امي لو احد غيرها مايهم ليش جذي شنو الجريمه اللي مسويتها لو جايبه لها العار شسوت!!اهيا الغلط وتظن نفسها ملاك ماتغلط ليما طاحت من عيني ابي حل نفسيتي تعبانه انا الكل يكرهني بس ليش؟! انا ماعمري ضريت احد!اهيا تقول الكل يكرهج مع اني اشوف العكس من الناس.احس اني وحيده ماعندي احد افضفض له وين الراحه وين الاقيها؟شسوي مو راضيه على حياتي كلها شسوي ؟؟

 

[Tom ♥ Jerry]

,


اب

 

[M!SS.LOBY]

الله يهديج ويصلح حالج

هذي امج وتبي مصلحتج قعدي معاه قعدت صراحة وسمعي منها الكلام وشوفي شنو تقولج من نصائح

 

[F.Strawberry]

تعوذي من ابليس ..
ولو مهما تسوي فتضل هاذي امج
انتي اهتمي بروحج وخلج اسلوب حلو و ذربه مع الكل
و اذا امج ضايقتج بشي قوليلها يمه ترى ضايقتيني وانا بنتج
لا تعلين صوتج عليها و لا تراددينها
تفاهمو و تحاورو و بالهدوء كل شي ينحل اسرع و احسن
انتي تعوذي من ابليس بس و ادعي ان الله يهديج و يهديها

 

[روح امها]

يمكن اهي شايفة شي انتي ماتشوفينه

وحتى لو قالت اللي مثلج ما تتزوج اهي ما تعلم الغيب
كل واحد ياخذ نصيبه

 

[muhrat uboha.]

موااضيع الامهات كثرانه هالايام:eh_s(1):
انتي الحين حاقده على امج ومو طايقتها بس والله
لمن تكبرين شوي راح تعرفين قدر امج وبتضحكين على ايام الي كنتي تهاوشين معاها:eh_s(15):
وترا كل وحده مرت اب مرحله الي اهيه امها مو متفقين مع بعض:bbbiu:
لااا تحاتين ولا تتضايقينِ:eh_s(17):

 

[كت كااات]

شدعوه هالتحقير كله هذا وهي امج الله يهديها بس .. حاولي تغيرين نظرتها فيج وخلي عندج ثقه بنفسج حبيبتي ولا تخلين هالكلام ياثر فيج انتي تعرفين نظرة الناس لج لا تعقدين من هالكلام بعض الامهات نفسيات الله يصلحهم ويعقدون عيالهم بهالكلام ,, دام انتي واثقه من نفسج ما عليج من احد ..

 

[miss $_$ semsem]

مهما يكون هاذي امج

ثانيا انتي اذا بتحطين هالافكار براسج حتى لو هالعيوب مو فيج راح تصير فيج لانج متمسكة فيها فبالج

روحي لامج قولي لها انتي قلتي اني كيت و كيت و كيت انزين عطيتيني العيوب بس ماعطيتيني الحل ؟ حاولي تفهمين منها شنو الحل اللي تبيه لعيوبج

وبالنسبة للزواج قسمة ونصيب لو كلج عيوب والله كاتبلج تتزوجين راح تتزوجين

 

[*ريــان*]

اب اب
مع كلام البنات

 

[M!SS.LOBY]

الله يصلح أموووركم

 

[MaryaBM]

بنات شدعوه كل شوي قلتوا لنا هاي امكم !
انا امي جي واخيس بعد تعاقبني ع ولاشي
واحنا عيالهم ترا ! نفس ماناخذ اثم احنا عليهم هم بعد ياخذون !
حبيبتي انا امي تسوي جي و زود بس اطنش مع ان تحز بخاطري
لدرجة ان عرفت اني كرهتها والحين تحاول تعدل الوضع بس مافي فايده
ادعي حبيبتي لها وخلاص .

 

[om_ibrahim]

ما عليه هذه امج أكيد تبي مصلحتج قومي أخذي امج وطلعوا وقعدوا مكان حلو وتناقشي معاها وسولفوا بهدوء وكل شئ بينحل بس عمرج لا تخلينها زعلانه عليج حتى لو ما كنتي غلطانه هذه امج جنتج ونارج اسمعي منها وناقشيها وإذا شفتيها أهي مصممه خلاص بس قولي أن شاء الله وسوي الشي الي تشوفينه صح ومقتنعه منه وقومي بوسي راس امج وايدها ولا تزعلين ها حتى لو أهي غلط وخلج واثقه من نفسج دائماً ومن قراراتج وعمرج لا تقولين انه امج طاحت من عينج دايما شوفيها بصوره حلوه ولا تشوهيننها والله الام احلى شي بهالدنيا دمعت عيني من كلامج لامج حتى لو اهي غلط تظل اهي ام وتخاف على عيالها وهذه امج مالج غيرها خليها راضيه عليج دايما وحاولي ترضينها بدعاء منها تتوفقين بحياتج يارب احفظ لنا امهاتنا وطول بعمارهم واعنا على برهم وعسى الله يهدي سركم

 

[*E.B.D.A.3*]

يهمني اعرف عمرج عشان اعطيج الحل ..

وبشكل عام ،،
امهاتنا يربونا على الي اهمه تربوا عليه
واحنا هم راح نربي عيالنا على الي تربينا عليه ..

في وايد بيئات اسرية يعتمدون نظام "التكسير" بشخصية عيالهم
لان بنظرهم هالشي راح يشجعهم للتغيير ،،
وخصوصا نظام المقارنات "شوفي بنت خالتج فلانه سوت وحطت وانتي لا"
صحيح هالشي يكسر ، بس بنظرهم يبني !!

للاسف بعض الاسر تعتمد الطرق الملتوية عشان تربي !!
وانا شخصيا ضد تقديس الاباء ..لانهم معرضين للخطأ ، واذا غلطوا، انا اشجع وبقوة مصارحة الابناء لهم
وما اخذ بنصايح "اصبري، تحملي إلخ"

فمراح اعطيج اي نصيحه تخص الصبر !! مو بقاموسي كلش لول ..
لكن يهمني اعرف عمرج حبيبتي