انا والبيبي المنتظر ..!!

[عاشقة^زوجها]

السلام عليكم

شلونكم بنات شخباركم ؟؟:balo:

بنات انا بعد اسبوعين راح ادش شهري الخامس ان شاء الله تعالى و في موضوع حيل معذبني

انا ادرس بالكليه الحين ولما اولد ان شاء الله راح اكون مازلت ادرس واخر سنه ان شاء الله

و المشكله ان ماعندي احد يقعد عند الياهل بعدين

امي تعبانه ومريضه وبين كل فتره تسافر علاج بره الله يشفيها يارب

وخالتي طيبه وحبوبه والله بس استحي اقولها لأنها بروحها تعبانه الله يعطيها الصحه يارب

وماعندي خوات وحيدة امي وابوي

وماعندي احد كلش خالاتي وعماتي لاهين مع عيالهم وبحياتهم

حيل قاعده احاتي البيبي المسكين وين اوديه ؟؟ شنو اسوي ؟؟ والله محتاره كاسر خاطري حيل

و ماودي اييب خدامه اخاف .. واذا يبت وين اوديها مع الياهل لازم احد يراقبها

حتى بعدين لي ولدت خايفه والله .. ماعرف شي عن اليهال وماعندي احد يعلمني :eh_s(2):


ساعدوني بنات الله يخليكم عطوني افكار ؟؟ وين اقدر اودي البيبي بعدين ؟؟ وشنو اسوي ؟؟

بنات ادعو حق امي حبيبتيالله يقومها بالسلامه ويشفيها باقرب وقت

ومشكورين :eh_s(21):

 

[GiRLiTa]

الله يساعدج ويهون عليج وتقومين بالسلامه
والله يشاافي امج يارب
ودي القالج حل راح افكر واسالج
up up

 

[Sugar Bunny]

حبيبتي الله يعينج و يشافي امج و يخليها لج

و انتي انشالله ماعليج قاصر قدها و قدود غيرج مو احسن منج و لازم تيبين خادمه عالاقل تساعدج و خلي زوجج يساعدج شوي
و اذا بتروحين الكليه ودي البيبي مع الخادمه عند امج و لا خالتج تخليها جدام عيونهاا

و الله يعينج و يوفقج بدراستج ياارب

 

[hano0oda]

حبيبتي مالج الا الحضانه شتسوين بعد الله يهون عليج انشاءالله

 

[ام اغلى الناس]

تو الناس على الحضانه
يقولون احسن عمر للحضانه سنتين و فوق
فترة النفاس .. فيه ناس يجيبون سستر ... تساعدج لين تشدين حيلج
و حتى لو جبتي خدامه لا تقطين البيبي عليها .. ديري بالج
خلي بنات خالتج و بنات عمج يساعدونج فترة النفاس و يقهون الحريم

 

[ريماا]

لله يشافى امج ويردها بالسلامة
ماافى غير خاالتج علمى الخدامة عالبيبى وقولى لخالتج انتى بس شرفى عليها
ودايما استودعى ولدج او بنتج عشان ربى يحفظة لج وصدقينى هالسنة بتعدى بغمضة عين بس شدى حليج عشان تخلصين بسرعة واخذى محاضرات مبجر عشان تردين بسرعة

 

[آهات الليل]

الحضااااااااااااااانه
او تيبين خدامه وتحطينها مع البيبي لا رحتي الكليه عند خالتج الله يعينج
ظروفج نفس ظروفي بس انا ماداوم وعندي بنتين والثالثه بالطريج الله يفرجها علينا ويسهلها علينا

 

[عاشقة^زوجها]

حبايبي والله ماقصرتوو عالردود :*

ومشكورين والله

الله يعينكم ويعيني يارب ونقدر نربيهم صح ياربي يا كريم

 

[عاشقة^زوجها]

حبايبي والله ماقصرتوو عالردود :*

ومشكورين والله

الله يعينكم ويعيني يارب ونقدر نربيهم صح ياربي يا كريم

 

[meen_ana]

حبووبه يبي خدامه ودربيها على ايدج وقت للي انتى بالمعهد او الكليه وديه بيت اخالتج تحت اشرافها بعد البيبي حفيدهم اكيد بخافوون عليه

 

[د.مشمش]

حبيبتي الله يقومك بالسلامة
البنات ماقصروا
فعلا لازم خدامه تساعدك خلي البيت عليها والطبخ والغسيل وانتي اهتمي بالبيبي
انا ظروفي مثل ظروفك
ربك كريم

 

[عروس الدنيا]

رد : انا والبيبي المنتظر ..!!

حلفي ؟؟؟ لا والله ؟؟ و احنا مو خواتج ؟؟؟ قلبي ويهج بصكج بلوك

 

[shai5at al3arab]

ييبي خدامة بسس حق الياهل

وتمسكه وقت محاضراتج بس عند خالتج يعني تحت عينها ..

خالتج ما تسوي شي ما تبدل الياهل ولا تمسكه ولا شي بس انه الخدامة تحت عينها .

انا امي جذي تعبانة ومرة عودة وما فيه شدة مجابل يهال بس مرت اخوي تقط الياهل ببيتنا بس امي ما تسوي له شي كل الخدامة .. بس انه الخدامة ما تتجرأ تسوي شي حق الياهل لانها تحت عين امي .

والله يقومج بالسلامة يارب ويسهل حملج

 

[مساء مونترو]

انا بعد كنت ادرس بالجامعة...
بس الحمدالله ..
الحين انا خريجة صيفي ...
وراح اخلص من هالمعاناة..
والحمدالله مرة عند امي ومرة عندي ام ريلي..

 

[نوونوو_20]

الله يسهل عليج يارب

 

[om Firas]

البنات ماقصروا معاج بالحلول
الله يسهل عليج يااارب

 

[% HoooR %]

حبيبتي احسن حل طلبي خدامه من الحين
وعلميها على شغل البيت
وبعد ولادتج تتعلم للياهل تحت نظرج
ولا رحتي للكليه خليها مع ولدج عند امج
ولا رديتي مسكي انتي الياهل وخليها هي تجابل شغل البيت
وانتي اهتمي بالبيبي عشان ما يتعود عليها أكثر منج

والله يعينج ويعدي هالسنه على خير
توني متخرجه ونفس حالتج لما جبت ولدي كان باقي لي سنه
الحمدلله عدت

 

[جووان]

اطلبي خدامة من اللحين
أنا نفس حالتج بس أنا موظفة
وبولد ومدري وين احطة وهو صغير وأم زوجي ماتبي الجاهل من اللحين تقول انا مالي شغل وامي مره مريضة
بس بسوي نفس خواتي من أروح الدوام تنزل تحت وتاخذ الجاهل واكون حاطة له سرير متنقل
وجنطتة فيها كل شغله اللي يحتاجه باليوم
حتى الحليب أحطة بمقادير
والغسيل ماتغسلة تمسحه لما اجي
وأنا اشطفة وأنظفة عدلا
وبجذي محد يشيلة ولا يهتم فيه الا خدامتج وتكون خالتج بس حسها بالبيت كافي
حق الطوارئ
واذا بيصير شي راح يصير سواء انتي موجوده ولا بالدوام
بس من اللحين دبري خدامه ودربيها على شغلج
وبس ياقلبي
الله يتمم عليج
وادعيلي بالولاده التامة والمعافاة

 

[فطومه الحلوة]

في شركات اييبولج ممرضه للبيبي تكون فاهمه و متعلمه و مثقفه و احسن من الخدامه بالف مره بس حسابها بالساعه اعرف جم وحده من رفيجاتي مسوين جذي