انا والالتهابات اللي ماترووووح مني :( ساعدوني

[ice box]

مرحباااااا


انا اعاني من التهابات من فتره طويـــــــــــــــــــله
رحت المستشفى من زماااااااااااااااااااااااااان وحللت قالتلي عندج التهاب وصديد شديد في البول وعندي فطريات يعني اعاني من افرازات مزمنه (التهابات)
قلت بروح اتعالج في مستشفى ثاني يمكن يفيد وياي
الحين عاد نسيت لما رحت عشان احلل للبول , فهل لازم اكون شاربه كميه ماي وايد واكون حصرانه والا بدون مااشرب واكون حصرانه؟ عشان التحاليل تبان واضحه؟
سوري كلامي يضحك وغبي اشوي بس شسوي تحملوني
لاني كلما ااتصل عالمستشفى عشان استشير الدكتوره عشان اعرف اتخد الاحتياطات قبل لااروح ماترد علي
فمالي غير الله ثم انتو


نسيت ماذكرت نقطه مهمه : انا بنت مش متزوجه

 

[كويتية ورديه]

دايما لمن يحللون اكثر شي الصبح عشان يكون البول مركز .وعاددي يعطونج مضاد حيوي وتحامميل وغسول .واذا استمرر معاج اكثر يسوون لج كوي من جذور الرحم مثل ماصار مع بنت عمتي لمن سوت كوي ارتاحت بس اهي مسكينه سنه والتهاب يروح ويرد عليها وماينفع معاها لا مضاد ولا تحاميل ولاغيره.. والله يشفيج

 

[كويتية ورديه]

او ياخذون منج مسحه من عنق الرحم ...

 

[*ماي الورد*]

رد : انا والالتهابات اللي ماترووووح مني ساعدوني

لااااااااااااااااازم زوجج يتعالج معاج و لا ماكو فايدة

 

[ice box]

رد : رد: انا والالتهابات اللي ماترووووح مني ساعدوني

دايما لمن يحللون اكثر شي الصبح عشان يكون البول مركز

مشكوره حبيبتي

يعني لما اصحى من النوم ماادش الحمام؟والا اشرب ماي وايد واروح؟

 

[ice box]

رد : انا والالتهابات اللي ماترووووح مني ساعدوني

ماي ورد
انا لسه بنت

 

[eman84]

لا ماياخذون منها مسحه اهيا مو متزوجه

اتوقع غسول فقط !

وروحي الصبح بس عاد مادري اذا لازم البول (مرشوش على ويوهكم كلكم ماي ورد ) يكون اول مره او عادي عقب !!

 

[ice box]

رد : انا والالتهابات اللي ماترووووح مني ساعدوني

لازم يعني اروح الصبح؟؟؟ لان ابوي واخواني يكون عندهم شغل الصبح
شسوي بهالبلوه

 

[بنت^النور]

السلام عليكم
حبيبتي الله يعينج انا قبل لا اتزوج كان دايمن معاي التهابات وانا من طبعي وسواسيه من حاية النظافه يعني ابدل الاندر وير ثلاث مرات غير الكيرف البسها وغير الغسول
ماكو طبيب مارحتله فريت المستشفيات وكلامهم واحد التهابات فطريات مانقدر نسويلج شي عطوني اللي اتنقع فيه البودر وكريم خارجي
بس ماكة ماكو فايده
لين عرفت السبب النظافه الزايده وهذا كله بسبت الغسول اللي استخدمه مرتين اة ثلالث باليوم
هديت الغسول والكيرف بعد الدوره اغسل بالغسول والحمدالللللللله عقبها مافينب التهابات ترا مرات النظافه الزايده تسبب التهابات لان في بكتيريا تحمي عنق الرحم ومن كثر مانظفها تخف واي شي اياثر فينا

 

[مناوووي]

ان شاااء الله ترووووووووووووح

 

[حرم راشد الماجد]

حبيبتي التهابات البول مالها حل الا ( cran berry ( ممتاااااااااااااااااااااااااااااااااااااااااااااااااااااااااااازه

روحي الصيدليه وقولي لهم ابي كران بيري حبوب وييعطونج اخذيه وادعي لي

واهم شي وقت الالتهاب انج تكثرين مااااااااي

وتكثرين بيربيكان الساده او بالكران بيري

لان الشعير والتوت البري الاثنين ديتو يقضون عالالتهابات بالبول

 

[**عذبة الروح**]

رد : انا والالتهابات اللي ماترووووح مني ساعدوني

انا كان معي التهابات مثلك
وكانو يعطوني علاجات بس ماتفيد
و وحده من قرايبي قالت لي عن وصفه هي مجربتها وناس واجد تعرفهم جربوها وبفضل من الله راحت الإلتهابات في 3 ايام
وجربتها والحمدلله
لما رحت المستشفى حللت قالوا مافي شي..
بس مادري اذا هالوصفه تنفع للي مش متزوجين؟!!
لأنها عباره عن تحاميل مره تدخلينها في الرحم
انا بقول الوصفه للفائدة
خذي ( مره ) حجمها صغير ونقعيها بماي اول ماتصحين من النوم عشان تلين
واذا جيتي تنامين خذي المره ودخليها داخل الرحم..
تسوينها 3 ايام
وبأذن الله رح تروح الإلتهابات

 

[الليلاس]

رد : انا والالتهابات اللي ماترووووح مني ساعدوني

مادري يالغاليه بس انصحج بالبابونج اغليه وحطيه فابريج وحطيه بالحمام وغسليه فيه

 

[**عذبة الروح**]

رد : انا والالتهابات اللي ماترووووح مني ساعدوني

انا ماتوقع ان تحاميل المره تنفع للبنات اللي ماتزوجو
لأنها يمكن تفتح الغشاء
والله اعلم

 

[خوااااطر]

لا

لا انتي بنت وينك ووين التحاميل ماتصلح لك حبيبتي

انا ام

وعندي بنت وتصير لها نفس سوالفك


اول شي الرطوبه هي سبب الالتهابات تقريبا سبعين بالميه


شوفي ياقلبي


ملابسك الداخليه الاندر وير لازم يكون قطني

ثانيا مغسول بعنايه يعني مايكون مغسول بمبيض ملابس عشان ماتهيج الالتهابات عندك

ثالثا فالحمام الله يعزك خلي عندك مناديل اول ماتخلصين من البول وتتشطفين بالماء امسحي


المكان بمناديل وخليه جاف قدر المستطاع


في غرفتك ومتاكده انك بروحك حاولي تلبسين مثلا بلوزه طويله اوقميص وتجلسين بدون اندر وير عشان المنطقه تتهوى شوي

يعني ماتكون مكتومه كل الوقت


خلي الدكتوره توصف لك غسول كويس وحطيه فالحمام وكمان فيه عصار كويس اوكريم للالتهابات خلي الدكتوره تكتبه لك


واستعمليهم فترة الالم والتعب ووقفيهم اذا خفيتي والله يشفيك يابنتي بس بليز النصايح الي عطيتك طبقيها

انا سويتها مع بنتي والحمدلله ماعاد صارت تشكي

الله يشفيك​

 

[روعه الأحساس]

رد : انا والالتهابات اللي ماترووووح مني ساعدوني

الله يعينك

 

[شيماء ام على]

رد : انا والالتهابات اللي ماترووووح مني ساعدوني

حبيبتي في مره اسمها ام كريم ترديد والدات وايد شاطرة وخطيرة واكيد كل بنات الكويت يعرفونها عدل اتصلي عليها وهي عندها الحل ليكواذا ماتعرفين رقمها يبي رقمها من الجريدة

 

[الأميرة جوري]

رد : انا والالتهابات اللي ماترووووح مني ساعدوني

علاجج اشربي ماي وااااااااااااااااايد ولبسي قطن ونشفي بعد كل دخول للحمام ......تكرمين ,,,,,

 

[ice box]

رد : انا والالتهابات اللي ماترووووح مني ساعدوني

مشكورين يزاكم الله خير
بس مشكلتي موبس في البول الا بعد عندي التهابات افرازات في المهبل
الله يعين

 

[جويـريه]

اعتقد انج نفس حالتي كانت فيني بكتيريا وفطريات انا عالجت عن منى الفارس
هي جلديه بس تخصص فطريات دقي عليها وشوفي شنو تقولج