انا واخواني مو على قلب واحد :(

[FUSHIA-GIRL]

شلونكم يا قميلات :*
حبيباتي انا عندي مشكله عويصه
اول شغله انا متزوجه توني وماشاء الله لاحول ولا قوة الا بالله
اهل زوجي وخوانهم على قلب واحد الاخوان والخوات على طول تلفونات وسوالف
ويولهون على بعض
وزوجي لما دخل بيتنا انصدم من الوضع شاف علاقتي بخواني الشباب حيل رسمية وجافه وبارده
ولو تمر سنه عادي ما نسأل عن بعض ؟؟؟
تخيلو لو اشوفهم ما اسلم ونفس الشي اهمه مادري
تعودنا على الجفوة وانا يوم تزوجت صج حسيت انه الاخوان عز وابي اغير من الوضع
ساعدوني شنو اسوى ؟؟ وانا نوعي استحي من خواني واستحي من انهم يردوني والا يفشلوني ؟؟ اخاف يقولون باجر يوم تزوجت تبي تسوي علاقه معانا علشان جدام ريلها بس انا صج توني حسيت بهالشي اني ابى خواني ... وصج حسيت بهالشي يوم امي مرضت !!
ساعدوني ؟؟؟؟؟

 

[™〓 تۈڷيـــטּ~»❀]

حبيبتي عادي انتي بادريهم بالشي الزين
لا تطلبين منهم مثلا يسالون عنج لا
انتي اتصلي كل يوم او كل يومين سالي عنهم وجوفين محتاجين شي ناقصهم شي ؟
واذا عندهم عيال سالي عن عيالهم بكثره
.
.
قولي لهم ان ودج تطلعين وياهم في الاسبوع مره تتغدون وجذي يعني
.
.
اهم بعدين بيتعودون ان يسالون عنج ووويجوفونج اذا مرتاحه او محتاجه شي
انتي عوديهم وانتي بادري عشان اهم بعد يردون لج نفس الشي
اذا انتي بتمين رسميه اهم بعد بضلون رسمين
ان شاء الله تتعدل علاقتكم ببعض ​

 

[ملوكة الامورة]

لية والله مافي احلا من الاخوان
ولازم تصير علاقتك معهم قوية
هم سندك وقوتك في الحياة
سلمي عليهم وسولفي معهم
وسالي عنهم
ان شالله يتقبلون وحتى لو صدووك مررة مرتين لاتياسين
ومع الايام يتغيرون
الله يوفقك حبوبة وعلمينا وش يصير عليكم

 

[FUSHIA-GIRL]

حبيبتي ماقصرتي
بس انا نوعي استحي من خواني وزوجي يبي يساعدني
اشرايج ؟؟؟ اعزمهم على عشى بره ونحاول نسولف ؟؟

 

[FUSHIA-GIRL]

ملوكة الامورة
انا والله ودي بس مو عارفه شلون
ادعي لى

 

[سمو ذاااتي]

الله يصلح الحال

بس دام جذي من زماان ليش ماحولتي من قبل ..؟

اخاف اقولج بادري و احد يدقرج منهم ..؟ عموما حاولي ولو احد دقرج طنشي وربج كريم واهم شي علاقتج مع ريلج تكون اوكي وترى عاادي الاخوان من يتزوجوون غسلي ايدج منهم بانزين : )

 

[FUSHIA-GIRL]

سمو ذاتي انا احيانا اتصل اسال عن شغلات تخص الوالده عندهم يكلموني عادى
بس استحي ابين لهم ان الوضع تغير وابي اغير العلاقه
وخواني توهم شباب ما تزوجو

 

[زهره الجلنار]

عادي حبيبتي تقدرين ان شاء الله بس انتي كل ماتروحين بيت اهلج واتشوفينهم سلمي عليهم وبوسيهم وحاولي اتسولفين عن اي شي معاهم وقوليلهم مثلا انا ودي اطلع معاكم طلعه عائليه اشرايكم نطلع كلنا بس احنا الاخوان واشوي اشوي تتعدل علاقتج بينج وبين اخوانج

 

[الرأي الآخر]

انا صار عندي العكس.. لما تزوجنا بعدنا عن بعض .. للاسف و الله!
بادري معاهم لان صج العلاقه الاسريه القويه تعطيج قوه بنفسج و تحسين ان في عندج سند ..
للاسف مو كل الاسر قراب من بعض .. زوجج ماعرف الا القرب مع اخوانه و انتو للاسف عرفتوا الجفى .. عشان جذي كل واحد مستغرب من عايلة الثاني ..
بادري بالسؤال و الاحسان .. يمكن بالبدايه يقولون اي تبي علاقه عشان زوجها و اهله ما يستغربون بس مع الوقت راح يصدقون انج فعلا تبين تتقربين منهم مو عشان ترضين زوجج و اهله لا و لكن لان شوفتهم قراب من بعض جذي ذكرج بحاجتج للقرب من لحمج و دمج.

 

[فطووومة]

حبيبتي عادي كل انسان لازم يكون عنده اسرة تحبه وتسأل عنه

يمكن الحين حسيتي لان ابتعدتي عنهم وشفتي عايلة يديدة وناس يدد والعلاقه قوية بينهم بس تقدرين تسوين نفسهم

انتي زوري اهلج باستمرار ،،، وبيني شوقج لهم بما انج مو معاهم في البيت

ولا تييبين طاري ان تبنين علاقة يديدة او شي لا خليها تصير تلقائية انتي تزوجتي فتشتاقين لهم

دقي عليهم اعزميهم واول مرة خليها بدون زوجج يعني انتي واخوانج حتى لو تعزمينهم على عشا يوم زوارتج وتقعدون مع بعض

صدقيني انتي تحتاجين هالقعدة الحلوة واللحظات السعيدة ان شالله

يمكن ماحسيتوا فيها لان مع بعض كنتو لكن الحين تبين قيمة الاهل والاخوان



واللي تقول اهم شي ريلج طبعا غلطانه لان مهما صار الاخو غالي وعز للبنت

ومثل المقوله : الاخو مفقود والريل موجود والله يخليهم لج حبيبتي


اخوانج ما رح يقولون شي لان اهم للحين مو عارفين قيمة الاخوة

بالعكس فكرتج حلوة وسهله التطبيق بعد

وموفقه ان شالله طمنينا عنج

 

[الغاليه ام احمد]

حبيبتي انتي ابدي بالاول

اتصلي عليهم كل يومين وعقب اسبوعين عزميهم على عشا او غدا اذا زرتي اهلج

قولي اليوم انا بييب الغدا وابيكم كلكم موجودين

واذا دخلتي البيت سلمي اذا ما قاموا انتي دنقي عليهم وسلمي

سولفي سوالف حلوه قوليلهم مثلا يعلمونج شغلات بالاي فون حتى لو تعرفين

سوي نفسج ما تعرفين خليهم يحسون انج محتاجه لهم

والله يوفقكم ويخليكم لبعض

 

[كتكات احمر]

والله ماكو فايدة لا تتعبين نفسج ناس مو كفوووووووو

عزج الله ورسولج ثم زوجج وبس والعوض على الله

 

[دلوعه ناعمه]

مثـــل ماقالت الغاليه ام احــــمد بالظبط ضيفيهم بالواتس اب بعد وكل مره طرشيلهم شغلات دقي عليهم قوليلهم هالسنه تسااافرون عـمـره اووووتســـون قطيه وتروحون الشاااليه والله يحنننكم ع بعـــض يارب

 

[دلوعه ناعمه]

اييي او اذا تستحين تطرشين مسجات طرشيلهم يوم الجمعه مثل جمعه مباركه وجذي وبعدين كل مناسبه طرشيلهم اذا نجح وااحد بمدرسه اوجامعه اي شي دقي وباركيله وقولي اليوم عازمتكم ع كيييكه وجذي انتي تلزقي فيهم عادي اساليهم عن شغلات الايفون اي شي

 

[فـــخـــر]

بادري انتي شدراج يمكن اهم بعد ودهم بهالشي

او قولي لأمج تجمعكم دايماً او تقولهم بنتجمع بمكان او سفره

وعسى الله ييجمعكم ولا يفرقكم