قوه حبايبي اشلونكم شخباركم
والله مادري شلون افتح الموضوع و من وين
في البدايه بنات هذا مو نكي هذا نك بنت خالتي
اظطريت اني استخدمه لانه كل الناس يعرفوني بنكي الاصلي و لانه السالفه نفسها محرجه وتفشل
راح اظطر اغير في تفاصيلها سمحولي عشان اكون مطمئنه
صايره معاي سالفه ودي اقولها صارلي 3 ايام من الصدمه ماطب شي ابطني وكله ساكته وسرحانه فكره تييبني وفكره توديني
بنات انا متزوجه وريلي ماعنده وايد ربع قليل و اكثر الناس قرب له هو خاله اخو امه اهمه بعمر بعض يعني حتا مايقوله خالي طايحه الميانه بينهم اهمه ربع اصلن
المهم اول ماتزوجت قبل سنه ونص من الحين خاله كان يحب وحده وماقدر ياخذها لاختلاف المذاهب انا ماكنت ادري بهسالفه ريلي قالها لي
ولمن اروح الزواره اشوفه قاعد بروحه وصاكه فيه الدنيا من يشوفني يبتسم واشوي شوي لين طاحت الميانه وقام يي ويسولف وياي انا بطبعي استحي و ما اختلط برياييل بس اهمه عندهم الاختلاط عادي كلهم وي بعض يعني مو مفصلوين الحريم عن الرياييل المهم كنت قاعده وريلي راح مع اخته العوده الجمعيه بييبون كيكه عيد ميلاد ولدها يعني ولد حماتي هذي السالفه اول ماتزوجت بثلاث اشهر وكنت مستحيه لاني مو ماخذه عليهم المهم اشوي يه خاله وقعد يمي قالي اشفيه الحلو مستحي نزلت راسي و سكت قالي الحين يي لا تخافين مايقدر يخليج المهم سكت قالي قالج عن سالفتي قتله اي سالفه قالي عن الي احبها قتله اي قالي قالي شسوي ابيها ومن هلحجي قتله هذا نصيب و انت ماتدري وين نصيبك بس حاول و الي فيه الخير بصير و بنهايه احنه كلنه مسلمين و الحين السنس ياخذ الشيعيه و الشيعيه تاخذ السني و العكس صحيح يعني هلعقليه العتيجه اندثرت ومن هلحجي قالي وايد ارتحت من كلامج بس انا ابيها و اهلها مو راضين يعني انا مقتنع بقضية المذاهب بس اهلها الله يهداهم محنجين قتله اهلها وادرا بمصلحتها و انت المفروض تكون حاسب حساب هشغله قبل لا تحبها و تتعلق فيها وهي نفس الشي المهم قعد يسولف ويقولي شغلات و احداث كانت بينهم و انا مادري شنو الي خلاه يفتح قلبه ويسولف لي انا بذات
المهم راحت ويت الايام وصار خاله يومين عندنه يعني يي يتغدا معانه و يتعشا حتى بطلعه يطلع ويانه تخيلوا انا تعودت عليه وصار بحسبت اخوي
المهم بديت الاحظ عليه نظرات غريبه يعني مرات اقوم بروح المطبخ اشوفه سرحان فيني
قمت الاحظ انه واااايد يكثر سوالف وياي
يدق علي وايد يتشكى
ومره طلب مني اكلم حبيبته و اقعد معاها المهم شفتها وتعرفت عليها هي معاي بنفس الكليه و لبنيه حبوبه و صارت رفيجتي بس هي تركته من زمان قالتلي ماقدر استمر معاه احنه علاقتنه غلط وراحت بحال سبيلها و تزوجت المهم اول مره شافتني كلمته وقالتله انه مرت ولد اختك حلوه ومادري شنو هو يه يقولي هلكلام يقولي قالت عنج حلوه و طيبه انا ابتسمت وسكت
بنات تخيلوا يدزلي برودكاست كله عن الحب من طرف واحد و العشق و مادري شنو
و انا كل هذا ماظلمته ولا حطيت ظن السوء في بالي بس هذا مايمنع اني اخذ حذري و اتجنبه
بما اني حسيت انه في شي غلط الاحساس هذا بروحه نعمه من الله و كافي اني حسيت بهشي حتى لو كان سوء ظن فيه على الاقل اني اتجنبه شي يريحني نفسيا
المهم
قمت ماقعد لي يه اروح انام ماطلع وياهم اقول حق ريلي طلعوا بروحكم انتو رياييل واخذوا راحتكم و انا صاكه عليكم ريلي يضيق خلقه يبيني معاه بس شسوي مالي الا جذي
ريلي ياني قالي فيج شي مع خالي قتله لا شنو بكون فيني قالي عييل ليش ماتبين تطلعين معانه و لمن يي تدشين تنامين تعذرتله باشياء وايد لاني ماقدر افرق بينهم اهمه اهل بنهياه و مابي ريلي ينصدم من خاله ورفيج عمره و بعدين كل شكوكي كانت محتمله يعني مو اكيده مجرد احساس قد يخطأ وقد يصيب فمو من حقي اني اتكلم بهلموضوع مع ريلي
قلت حق امي السالفه وقالتلي تجنبيه و الرياييل يخرعون ولاتبطلين هلموضوع مع ريلج انتي مرته وشرفه و ماتدرين شنو بيصير لوريلج يدري انتي تجنبيه وقطعي الشك باليقين
المهم صارلي على هلموال تقريبن شهر ما اشوفه الا باليمعه حتى اليمعه قمت ماروح الا بالشهر مره او مرتين ولمن يشوفني يطالعني مثل الي مضايق مثل الي عيونه تقولي ليش و انا اسوي نفسي ماطالعه و اسلم عادي و اقعد و اقوم عادي و اقعد يم الحريم نسولف بس لمن الف ويهي اشوفه قاعد يطالعني و لمن اقوم الحمام يلحقني يقولي اي كبر راسج قتله لا ماكبر راسي بس والله لاهيه
بنات حتى علغدا يقولي قومي حطيلي عيش و صحن العيش جدامه اقوله حط لنفسك خو كاهو يمك يقولي لا ابي من ايدج شنو يعني ريلج احسن مني
بنات و الله لو اسولف من الحين لي باجر ما اخلص قلبي متروس و علامات الاستغراب مخليتني مصدومه و موعارفه اعيش حياتي صح وي ريلي والله حيل متأثره
بنات مره كنه قاعدين بالجمعه وريلي يمي وقاعدين نسولف ونضحك ويابو طاري فلم اجنبي وانه اشلون الريال يبوس مرته بشارع و من هلحجي قمنه نضحك ريلي قال عادي بعد مرته يبوسها بس مو بالشارع انتو يالحريم من كلشي تغارون قولوا غيره قولوا وقاموا يضحكون جان يقوم ريلي يبوسني على خدودي جدامهم انا ويهي صار طماطه وهمه ضحكوا وقالوله انت قد التحدي المهم انا لفيت ويهي والا اشوف خاله يطالعني و خشمه محمر من الاعصاب و منزل راسه بنات متخيلين هنظره الي منزل راسه بس عينه عليج و خشمه احمر من الاعصاب وقام طلع من غير حتى مع السلامه
لي هني انتو بتقولون شك او يمكن هو طبعه جذي او او او انا لي هلموقف و انا اجذب عيوني و اذوني و اقول لا مو صج لاكن الي صار قبل 3 ايام حول الشك عندي الى يقين
قمت الصبح بدلت و طلعت رحت الكليه خلصت محاضرتي رديت البيت ريحت قمت من النوم قلت حق ريلي بروح السوق قالي اي سوق قتله السوق الفلاني بالسالميه قالي روحي ديري بالج على نفسج انا بروح الدوانيه قتله اوكي مع منو قالي مع خالي قتله الله معاكم
رحت السوق دقيت على ريلي قتله انا وصلت ها وينك قالي رايح الديوانيه بطريج قتله اوكي قالي خالي مايه معاي عنده شغل قتله اوكي
المهم نزلت السوق تسوقت خلصت تسوقي رحت سيارتي و الا صبي قاعد يدور مسفط بالمسافط شافني خاطره بروح سيارتي يه يمي جان يقولي انتي تطيحين كواسكو بعد مو طيور من السما انا مشيت و لمن وصلت سايرتي ذكرت كلمته هزيت راسي وضحكت بس لصبي راح بطلت باب سيارتي بركب جان اسمع بريك قوي يوم لفيت ويهي ولا خال ريلي سفط ورا سيارتي و نزل يركض صوبي انا مو مستوبعه قالي ركبي قتله وين والله من الرخعه قتله ريلي في شي قولي عليك الله تقول قالي ركبي سيارتج قتله شفيك قالي الحيوان شفيه شنو قالج عن لصبي الي قط الكلمه و مشا انا نصدمت قتله منو الحيوان عبالي يقصد ريلي قالي بعد ماترضين عليه قتله منو اكيد ريلي مارضى عليه قالي تستعبطين قتله شفيك فيك شي قالي راعي التاهو هني استوعبت انه يقصد لصبي الي قط الكلمه و مشا قتله اي الله يلعن بليسك قتله قالي انتي تطيحين كواسكو و ضحكت قالي صج دامج تعطين وي حق الشباب وتضحكين انا اولى من الغريب انا هني طلعت عيوني
وكل شكي صار حقيقه وواقع مافي مجالانكرها وهني قلت بقلبي بعد لي متى ساكته شنو ناطره
صرخت بويه وقتله وخر عن سيارتي يالنيس وصكيت الباب حيل و خفت وقفلت باب السياره وهو يطق الدريشه يقولي بطلي بحاجيج قتله و الله ادق على ريلي الحين و اقوله الي قلته قالي بطلي الدريشه و لاتعورين قلبي بقولج كلمتين و بمشي و انتي فكري
نسمت عدريشه وهو لزق حلجه بدريشه يقولي و الله امووووووووووووت فيج لاتقولين مرت ولد اختي و اخوي و حبيبي صج احبه وهو اخوي ورفيجي و كل شي بس قصبن علي حبيتج ادري عيب و حرام وغلط بس انا وصلت لدرجه ماني قادر افكر بعقلي عواطفي و مشاعري خذتني عندج محد وقف معاي لمن هدتني (حبيبته ) غيرج ماني قادر قوليلي شسوي قولي تحجي
هني ماقدرت اسمع اكثر من جذي
وماني عارفه اتصرف ماني عارفه شقول كلشي سود بعيني معقوله هذا الانسان الي فتحنه له بيتنه و عديناه واحد منه وفينه و يقوم و يقعد معانه وهو طول هلمده حاط عينه علي يقوم و يطلع مع ريلي و بالاخير هذي نيته تجاهي
صكيت الدريشه وقعدت بسياره ابجي لقيت مابقيت اضعف او ابينله اني ضعيفه عشان لايستقل ضعفي بس و الله مابجي على موقفي ابجي على ريلي اشلون انطعن بضهره من اقرب الناس له
هو قاعد يطق الجامه يقولي لا تبجين دموعج غاليه عندي و والله ريلج مايستاهلج
خله قلبي يطبخ ليش ريلي مايستاهلني شككني انه ريلي يسوي شي من وراي معنه و الله ريلي طيب وزين و مومخلي علي قصور بس احس كلمته مثل الوسواس بقلبي لي درجة اني يومها نمت فبيت اهلي ماقدرت اقعد فبيت واحد مع ريلي شكيت و بنفس الوقت طحت من عين نفسي لا تقولون شكو اي طحت من عين نفسي معني مالي ذنب بكل الي صار و الله مالي ذنب بس استحقرت نفسي
المهم قالي ماراح امشي لين تمسحين دموعج
سكت و مسحت دموعي بس ابيه يوخر السياره ابي ارجع البيت مسحت دموعي وسكت وهو مشا
و انا مشيت ويدق علي و ماارد رديت البيت تعبانه نفسين حتى صخونه صخنت
مادري شقول خق ريلي اخاف اقوله شفته ويطلع خاله مجذب عليه و يشك فيني
واخاف اقوله ماشفته ويسمع من خاله و همن يشك فيني
دشيت البيت بعدها بنص ساعه ريلي دش شافني تعبانه قالي شفيها عيونج قتله مادري ادمع وصايره حمره و انا مصخنه قالي امشي اوديج الهادي وداني و طلع صج فيني حراره مو مني و الله من الي شفته خذيت ادويتي و طلعت وريلي يقولي شفيج اقوله تعبانه ودني بيت اهلي بريح
شك بعمره شفيج شنو الي مضايقج شايفه شي سامعه شي هلكلمه شككتني اكثر و تذكرت كلمت خاله هو مايستاهلج
قتله لا بس تعبانه و ابي اريح قالي تعالي ارتاحي فبيتج قتله لا ابي اروح بيت اهلي
دشيت بيتنه ويوم وصلت بيتنه جني مسجونه و فكو سجني رحت ركض غرفت امي ابجي اخواني و امي و ابوي اخترعوا ييو وراي شفيج قتلهم مافيني شي يقولولي ريلج طاقج قتلهم لا حبيبي هو مايسوي جذي شفيج يننتهم و لا عرفت افتح حلجي بكلمه شقول ياناس شقول
و لا استحي اقول
انا اكتب لكم وايدي ترجف و خايفه
خايفه خايفه و الله خايفه و ماني عارفه اشلون اتصرف
انا صارلي 3 ايام نايمه بيت اهلي و محد يدري بالموضوع الا انا و اختي وربي
ريلي ييني يقولي اشلونج اقوله بعدي تعبانه
ريلي ين وياي مو عارف شنو الي يصير وياي
والي خلاني اين و دفعني اني اكتب لكم
انه فوق قوات شينه قوات عينه
تخيلوا اليوم ياني ريلي يقولي فلان (خاله) يسأل عنج يقول بيطمن عليج ليش ماتردين عليه بس بقى يطمن ويقول هذي عين يمكن
تخيلوا يستعبط
يسوي فلم على ريلي يستعبط ياناس
لالا انا بموت قهر
هو عارف اني ماراح اتحجى هو يدري
اشلون اتحجا شقول
و الله قلبي من الخرعه يرقع و انا اكتب لكم
و الله منصدمه معقوله في ناس منحطه لي هدرجه معقوله تبيع ولد اختك عشان عواطف و مشاعر سخبفه المشكله انه كبيييير مو ياهل عمره 29 يعني ريال وفاهم
قولولي شسوي ابي حل ماينهدم بيتي من ورا
يافشلتي بس لو دروا بيت خالتي شبطلع بعيونهم بيطلعوني انا الغلطانه مايبون يغلطون ولدهم وبيطلقوني و بيطلعوني رايحه فيها و انا و الله طول هلمده ياغافلين لكم الله
شوروا علي
والله مادري شلون افتح الموضوع و من وين
في البدايه بنات هذا مو نكي هذا نك بنت خالتي
اظطريت اني استخدمه لانه كل الناس يعرفوني بنكي الاصلي و لانه السالفه نفسها محرجه وتفشل
راح اظطر اغير في تفاصيلها سمحولي عشان اكون مطمئنه
صايره معاي سالفه ودي اقولها صارلي 3 ايام من الصدمه ماطب شي ابطني وكله ساكته وسرحانه فكره تييبني وفكره توديني
بنات انا متزوجه وريلي ماعنده وايد ربع قليل و اكثر الناس قرب له هو خاله اخو امه اهمه بعمر بعض يعني حتا مايقوله خالي طايحه الميانه بينهم اهمه ربع اصلن
المهم اول ماتزوجت قبل سنه ونص من الحين خاله كان يحب وحده وماقدر ياخذها لاختلاف المذاهب انا ماكنت ادري بهسالفه ريلي قالها لي
ولمن اروح الزواره اشوفه قاعد بروحه وصاكه فيه الدنيا من يشوفني يبتسم واشوي شوي لين طاحت الميانه وقام يي ويسولف وياي انا بطبعي استحي و ما اختلط برياييل بس اهمه عندهم الاختلاط عادي كلهم وي بعض يعني مو مفصلوين الحريم عن الرياييل المهم كنت قاعده وريلي راح مع اخته العوده الجمعيه بييبون كيكه عيد ميلاد ولدها يعني ولد حماتي هذي السالفه اول ماتزوجت بثلاث اشهر وكنت مستحيه لاني مو ماخذه عليهم المهم اشوي يه خاله وقعد يمي قالي اشفيه الحلو مستحي نزلت راسي و سكت قالي الحين يي لا تخافين مايقدر يخليج المهم سكت قالي قالج عن سالفتي قتله اي سالفه قالي عن الي احبها قتله اي قالي قالي شسوي ابيها ومن هلحجي قتله هذا نصيب و انت ماتدري وين نصيبك بس حاول و الي فيه الخير بصير و بنهايه احنه كلنه مسلمين و الحين السنس ياخذ الشيعيه و الشيعيه تاخذ السني و العكس صحيح يعني هلعقليه العتيجه اندثرت ومن هلحجي قالي وايد ارتحت من كلامج بس انا ابيها و اهلها مو راضين يعني انا مقتنع بقضية المذاهب بس اهلها الله يهداهم محنجين قتله اهلها وادرا بمصلحتها و انت المفروض تكون حاسب حساب هشغله قبل لا تحبها و تتعلق فيها وهي نفس الشي المهم قعد يسولف ويقولي شغلات و احداث كانت بينهم و انا مادري شنو الي خلاه يفتح قلبه ويسولف لي انا بذات
المهم راحت ويت الايام وصار خاله يومين عندنه يعني يي يتغدا معانه و يتعشا حتى بطلعه يطلع ويانه تخيلوا انا تعودت عليه وصار بحسبت اخوي
المهم بديت الاحظ عليه نظرات غريبه يعني مرات اقوم بروح المطبخ اشوفه سرحان فيني
قمت الاحظ انه واااايد يكثر سوالف وياي
يدق علي وايد يتشكى
ومره طلب مني اكلم حبيبته و اقعد معاها المهم شفتها وتعرفت عليها هي معاي بنفس الكليه و لبنيه حبوبه و صارت رفيجتي بس هي تركته من زمان قالتلي ماقدر استمر معاه احنه علاقتنه غلط وراحت بحال سبيلها و تزوجت المهم اول مره شافتني كلمته وقالتله انه مرت ولد اختك حلوه ومادري شنو هو يه يقولي هلكلام يقولي قالت عنج حلوه و طيبه انا ابتسمت وسكت
بنات تخيلوا يدزلي برودكاست كله عن الحب من طرف واحد و العشق و مادري شنو
و انا كل هذا ماظلمته ولا حطيت ظن السوء في بالي بس هذا مايمنع اني اخذ حذري و اتجنبه
بما اني حسيت انه في شي غلط الاحساس هذا بروحه نعمه من الله و كافي اني حسيت بهشي حتى لو كان سوء ظن فيه على الاقل اني اتجنبه شي يريحني نفسيا
المهم
قمت ماقعد لي يه اروح انام ماطلع وياهم اقول حق ريلي طلعوا بروحكم انتو رياييل واخذوا راحتكم و انا صاكه عليكم ريلي يضيق خلقه يبيني معاه بس شسوي مالي الا جذي
ريلي ياني قالي فيج شي مع خالي قتله لا شنو بكون فيني قالي عييل ليش ماتبين تطلعين معانه و لمن يي تدشين تنامين تعذرتله باشياء وايد لاني ماقدر افرق بينهم اهمه اهل بنهياه و مابي ريلي ينصدم من خاله ورفيج عمره و بعدين كل شكوكي كانت محتمله يعني مو اكيده مجرد احساس قد يخطأ وقد يصيب فمو من حقي اني اتكلم بهلموضوع مع ريلي
قلت حق امي السالفه وقالتلي تجنبيه و الرياييل يخرعون ولاتبطلين هلموضوع مع ريلج انتي مرته وشرفه و ماتدرين شنو بيصير لوريلج يدري انتي تجنبيه وقطعي الشك باليقين
المهم صارلي على هلموال تقريبن شهر ما اشوفه الا باليمعه حتى اليمعه قمت ماروح الا بالشهر مره او مرتين ولمن يشوفني يطالعني مثل الي مضايق مثل الي عيونه تقولي ليش و انا اسوي نفسي ماطالعه و اسلم عادي و اقعد و اقوم عادي و اقعد يم الحريم نسولف بس لمن الف ويهي اشوفه قاعد يطالعني و لمن اقوم الحمام يلحقني يقولي اي كبر راسج قتله لا ماكبر راسي بس والله لاهيه
بنات حتى علغدا يقولي قومي حطيلي عيش و صحن العيش جدامه اقوله حط لنفسك خو كاهو يمك يقولي لا ابي من ايدج شنو يعني ريلج احسن مني
بنات و الله لو اسولف من الحين لي باجر ما اخلص قلبي متروس و علامات الاستغراب مخليتني مصدومه و موعارفه اعيش حياتي صح وي ريلي والله حيل متأثره
بنات مره كنه قاعدين بالجمعه وريلي يمي وقاعدين نسولف ونضحك ويابو طاري فلم اجنبي وانه اشلون الريال يبوس مرته بشارع و من هلحجي قمنه نضحك ريلي قال عادي بعد مرته يبوسها بس مو بالشارع انتو يالحريم من كلشي تغارون قولوا غيره قولوا وقاموا يضحكون جان يقوم ريلي يبوسني على خدودي جدامهم انا ويهي صار طماطه وهمه ضحكوا وقالوله انت قد التحدي المهم انا لفيت ويهي والا اشوف خاله يطالعني و خشمه محمر من الاعصاب و منزل راسه بنات متخيلين هنظره الي منزل راسه بس عينه عليج و خشمه احمر من الاعصاب وقام طلع من غير حتى مع السلامه
لي هني انتو بتقولون شك او يمكن هو طبعه جذي او او او انا لي هلموقف و انا اجذب عيوني و اذوني و اقول لا مو صج لاكن الي صار قبل 3 ايام حول الشك عندي الى يقين
قمت الصبح بدلت و طلعت رحت الكليه خلصت محاضرتي رديت البيت ريحت قمت من النوم قلت حق ريلي بروح السوق قالي اي سوق قتله السوق الفلاني بالسالميه قالي روحي ديري بالج على نفسج انا بروح الدوانيه قتله اوكي مع منو قالي مع خالي قتله الله معاكم
رحت السوق دقيت على ريلي قتله انا وصلت ها وينك قالي رايح الديوانيه بطريج قتله اوكي قالي خالي مايه معاي عنده شغل قتله اوكي
المهم نزلت السوق تسوقت خلصت تسوقي رحت سيارتي و الا صبي قاعد يدور مسفط بالمسافط شافني خاطره بروح سيارتي يه يمي جان يقولي انتي تطيحين كواسكو بعد مو طيور من السما انا مشيت و لمن وصلت سايرتي ذكرت كلمته هزيت راسي وضحكت بس لصبي راح بطلت باب سيارتي بركب جان اسمع بريك قوي يوم لفيت ويهي ولا خال ريلي سفط ورا سيارتي و نزل يركض صوبي انا مو مستوبعه قالي ركبي قتله وين والله من الرخعه قتله ريلي في شي قولي عليك الله تقول قالي ركبي سيارتج قتله شفيك قالي الحيوان شفيه شنو قالج عن لصبي الي قط الكلمه و مشا انا نصدمت قتله منو الحيوان عبالي يقصد ريلي قالي بعد ماترضين عليه قتله منو اكيد ريلي مارضى عليه قالي تستعبطين قتله شفيك فيك شي قالي راعي التاهو هني استوعبت انه يقصد لصبي الي قط الكلمه و مشا قتله اي الله يلعن بليسك قتله قالي انتي تطيحين كواسكو و ضحكت قالي صج دامج تعطين وي حق الشباب وتضحكين انا اولى من الغريب انا هني طلعت عيوني
وكل شكي صار حقيقه وواقع مافي مجالانكرها وهني قلت بقلبي بعد لي متى ساكته شنو ناطره
صرخت بويه وقتله وخر عن سيارتي يالنيس وصكيت الباب حيل و خفت وقفلت باب السياره وهو يطق الدريشه يقولي بطلي بحاجيج قتله و الله ادق على ريلي الحين و اقوله الي قلته قالي بطلي الدريشه و لاتعورين قلبي بقولج كلمتين و بمشي و انتي فكري
نسمت عدريشه وهو لزق حلجه بدريشه يقولي و الله امووووووووووووت فيج لاتقولين مرت ولد اختي و اخوي و حبيبي صج احبه وهو اخوي ورفيجي و كل شي بس قصبن علي حبيتج ادري عيب و حرام وغلط بس انا وصلت لدرجه ماني قادر افكر بعقلي عواطفي و مشاعري خذتني عندج محد وقف معاي لمن هدتني (حبيبته ) غيرج ماني قادر قوليلي شسوي قولي تحجي
هني ماقدرت اسمع اكثر من جذي
وماني عارفه اتصرف ماني عارفه شقول كلشي سود بعيني معقوله هذا الانسان الي فتحنه له بيتنه و عديناه واحد منه وفينه و يقوم و يقعد معانه وهو طول هلمده حاط عينه علي يقوم و يطلع مع ريلي و بالاخير هذي نيته تجاهي
صكيت الدريشه وقعدت بسياره ابجي لقيت مابقيت اضعف او ابينله اني ضعيفه عشان لايستقل ضعفي بس و الله مابجي على موقفي ابجي على ريلي اشلون انطعن بضهره من اقرب الناس له
هو قاعد يطق الجامه يقولي لا تبجين دموعج غاليه عندي و والله ريلج مايستاهلج
خله قلبي يطبخ ليش ريلي مايستاهلني شككني انه ريلي يسوي شي من وراي معنه و الله ريلي طيب وزين و مومخلي علي قصور بس احس كلمته مثل الوسواس بقلبي لي درجة اني يومها نمت فبيت اهلي ماقدرت اقعد فبيت واحد مع ريلي شكيت و بنفس الوقت طحت من عين نفسي لا تقولون شكو اي طحت من عين نفسي معني مالي ذنب بكل الي صار و الله مالي ذنب بس استحقرت نفسي
المهم قالي ماراح امشي لين تمسحين دموعج
سكت و مسحت دموعي بس ابيه يوخر السياره ابي ارجع البيت مسحت دموعي وسكت وهو مشا
و انا مشيت ويدق علي و ماارد رديت البيت تعبانه نفسين حتى صخونه صخنت
مادري شقول خق ريلي اخاف اقوله شفته ويطلع خاله مجذب عليه و يشك فيني
واخاف اقوله ماشفته ويسمع من خاله و همن يشك فيني
دشيت البيت بعدها بنص ساعه ريلي دش شافني تعبانه قالي شفيها عيونج قتله مادري ادمع وصايره حمره و انا مصخنه قالي امشي اوديج الهادي وداني و طلع صج فيني حراره مو مني و الله من الي شفته خذيت ادويتي و طلعت وريلي يقولي شفيج اقوله تعبانه ودني بيت اهلي بريح
شك بعمره شفيج شنو الي مضايقج شايفه شي سامعه شي هلكلمه شككتني اكثر و تذكرت كلمت خاله هو مايستاهلج
قتله لا بس تعبانه و ابي اريح قالي تعالي ارتاحي فبيتج قتله لا ابي اروح بيت اهلي
دشيت بيتنه ويوم وصلت بيتنه جني مسجونه و فكو سجني رحت ركض غرفت امي ابجي اخواني و امي و ابوي اخترعوا ييو وراي شفيج قتلهم مافيني شي يقولولي ريلج طاقج قتلهم لا حبيبي هو مايسوي جذي شفيج يننتهم و لا عرفت افتح حلجي بكلمه شقول ياناس شقول
و لا استحي اقول
انا اكتب لكم وايدي ترجف و خايفه
خايفه خايفه و الله خايفه و ماني عارفه اشلون اتصرف
انا صارلي 3 ايام نايمه بيت اهلي و محد يدري بالموضوع الا انا و اختي وربي
ريلي ييني يقولي اشلونج اقوله بعدي تعبانه
ريلي ين وياي مو عارف شنو الي يصير وياي
والي خلاني اين و دفعني اني اكتب لكم
انه فوق قوات شينه قوات عينه
تخيلوا اليوم ياني ريلي يقولي فلان (خاله) يسأل عنج يقول بيطمن عليج ليش ماتردين عليه بس بقى يطمن ويقول هذي عين يمكن
تخيلوا يستعبط
يسوي فلم على ريلي يستعبط ياناس
لالا انا بموت قهر
هو عارف اني ماراح اتحجى هو يدري
اشلون اتحجا شقول
و الله قلبي من الخرعه يرقع و انا اكتب لكم
و الله منصدمه معقوله في ناس منحطه لي هدرجه معقوله تبيع ولد اختك عشان عواطف و مشاعر سخبفه المشكله انه كبيييير مو ياهل عمره 29 يعني ريال وفاهم
قولولي شسوي ابي حل ماينهدم بيتي من ورا
يافشلتي بس لو دروا بيت خالتي شبطلع بعيونهم بيطلعوني انا الغلطانه مايبون يغلطون ولدهم وبيطلقوني و بيطلعوني رايحه فيها و انا و الله طول هلمده ياغافلين لكم الله
شوروا علي
