انا منهارة ومنصدمة في بنتي !!! الحقوني دخيل الله

[طيفك اقبالي]

باختصار وعلشان مااطول عليكم عندي بنت في الصف السادس الابتدائي اكتشفت انها تكلم اولاد من خلال لعبة تدخلها بالنت اون لاين وفيها اولاد وبنات وتكلمهم كلهم وتلعب معهم بس مقدرت اعرف اكثر من كذا بس لمن شكيت فيها وقعدت احقق معها خافت وتغير وجهها واحمر , قلبي قرصني وقلت اكيد فيه شي بس مقدرت اعرف اكثر من كذا بس منصدمة فيها كثير مع اني مع بنتي ومدخلتها مدرسة متدينة , قالتلي انو زميلتها مشجعتنها على هااللعبة , ف دخلتها , المشكلة انو ابوها اللي هو زوجي عصبي والله لو دراا ليذبحها والله مايخليها لانو شكاك جدا , ارجوكم مو عارفة كيف اتعامل معها ؟ مرة اشد وابين شكي فيها ومرة اطنش واهدى بس تعبانه مو عارفة ايش الحل !!!!!

 

[أم معاذ الكندري]

أختي خلج هاديه وحاولي تكسبين بنتج صوبج
والله يبعد عنها عيال الحرام
وحسبي الله ونعم الوكيل الي خلو عيالنا يلعبون ها لألعاب
أنا أقول امنعي عنها الألعاب الي فيها أون لين

 

[Om.hsoone]

حبيبتي الله يستر عليها و يهديها و يصلحها بيني لها زعلج عليها و انج متضايقه من اللي سوته
و لازم تكلمينها قولي انتي ما تعرفين انه هاللي سويتيه حراام و ما يجوز و عييب و من هالكلام و بعدين بنتج صغييره من صجج تخلينها تدخل العاب اون لاين و الله هالسوالف تخرررب انا اللي اكلمج ما صار عندي تلفون الا يوم داومت فا اضطريت استخدم تلفون نقال ع شان اكلم اهلي واطمنهم علي وانا بالدوام
و النت دخلته بعد ما توظفت ع شان شغلي كله ع الكمبيوتر
و هذا اللي ناويه اسويه مع عيالي ان الله احياني

المهم ادعي لها و لا تطنشين الموضوع وبيني لها انج متضايقه لانه ممكن يكبر و خوفيهااا
*

 

[كتالونيه]

كلميها وحاسبيها اول باول
وشوفي رفيجاتها وحذريها منهم
واهم شي خليج مراقبتها وهدديها بابوها
علشان تخاف وتحسب حساب لكل خطوه
حرام تراها صغيره وترى عيالنا بذمتنا نتحاسب
عليهم

 

[رزه وكشيخه]

يا حبيبتي لا تنهارين ولا شيء

هاذي مجرد لعبه احذفيها وينتهي الموضوع

يعني ما طلعت مع شباب ولا تغزلت فيهم وطفله وغلطت , لا تصيرين قاسيه عليها وتمدين يدج عمر الطق ما كان حل ! تفاهمي معاها وخوفيها من الله وان أبوها لو عرف راح يطقها , خلي بنتج تفتح قلبها لج وما تخاف منج
وقولي لها تبتعد عن الصديقات اللي يعلمونها هالسوالف

وامنعي الانترنت عن عيالج الصغار

لا تكبرين الموضوع وتكدرين عمرج وبنيتج

 

[&هند&]

لا تتعبين ولا تضايقين نفسج عادي احذفي الالعاب الي اون لاين ووحطي للشبكة النت رقم سري وزفيها وبيني لها انج ما ترضين على هالخرابيط وحرام ومو كل شي يقولونه تسويه وان في بنات مو متربيات لازم ما تسمع كلامهم وبس

عادي ترا الموضوع جدا ولا عاد وراقبيها من بعيد بدون لا تبينين لها انج تراقبينها وانا لو اني منج والله اعطيها كم ساعه تلعب واخذه منها

 

[حنين الفرح]

اول شي احذفي النت من جهازها لانه والله دماااار ثاني شي خرعيها قولي راح يعرف عنوان بيتنا وقصي عليها قصص ولازم تعرف انه الي سوته غلط وخليها تعلمج بكل شي والله يحفظها ويهدي بناتنا

 

[Q6RYA]

مع كلام هند ترا البنت صغيره وماخذه السالفه لعب نبهيها وعلميها وحطي رقابه علي اجهزتهم ماله داعي تنهارين هي مب مراهقه وتغازل

 

[حروف من ذهب*]

خاصه الي عندهم نت ضروري تراقبونهم موبس البنات حتي الأولاد والله يصلحهم

 

[طيبة83]

ترا توها صغيره انك تشكين فيها او حتى تشوهين سمعتها حتى ولو بالمنتدى

انتي قعدي معاها قوليلها انتي كبرتي الحين ولازم تحاسبين ع تصرفاتج

البنت المادبة لازم ما تكلم اولاد ومن هل كلام

 

[Rooz Aziz]

حبيبتي اذا اللعبه مافيها محادثات ولاتكلمهم خليها تلعب ماشوف في تواصل بينهم


اما اذا تتكلم ومحادثات باللعبه
اول شي خليها وانصحيها تلعب مع بنات بسسس
وعقب قوليلها انا اخاف عليج من اللعبه لعبي شي ثاني مافيه محادثات
قوليلها خليفه عليج من البنات باللعبه مو بس الصبيان



نصيحه لاتقطعين اللعبه عليها مرا وحدا اهي بمرحله تبي تعرف كل شي
ولاتنسين كل ممنوع مرغوب



بالتدريج اقطعي اللعبه عنهاا


ودوري لها العاب ثانيه تامنين عليها فيها من غير ناس

 

[Rooz Aziz]

اقطعي اللعبه عنها بالتدريج

 

[اذوب بكلامه]

لا تكبرين السالفه خليها تحذف اللعبه وبس
وبعدين المفروض ماتخلين النت من غير رقابه لسه البنت صغيره
ونصيحه عززي عندها الخوف من الله مو من الاب