انا محتارة...

[ود=الحب]

مساءالخير
ابي اسألكم شنو الافضل الحلقة ولا البالون
لان امي مو راضية اني اسوي عملية التكميم
مع اني حاطة موعد عند خالد العنزي عقب سنه
فماعندي الا واحد من الحلين هذول شنو تنصحوني
فيه؟؟؟؟ انا وزني 120 وطولي 165

 

[ود=الحب]

شدعوة بنات ١٤ بنت ولا وحدة ردت ولو بكلمه وحدة
ابيكم تساعدوني وتتطمشون علي

 

[نورالدنيا***]

سالي الدكتور احسن والله يوفقج ان شالله

 

[AF (&-&)]

التكميم افضل شي

دام امج مو راضيه حطي حلقه اهون من البالون يطلع ريحه مع الوقت

 

[فراولة وردية]

ابنصحج نصيحه لوجه الله
لاتسوين عملية سمنه ابدا اللهم ان كنت تعانين من مرض يهدد حياتج والسبب السمنه
غيره استعيني بالله وسوي رجيم مع شركات التغذيه والأخصائيين
وكسبي صحتج شوفي الي مسوين عمليات سمنه اشكثر يعانون من طيحة الشعر والترهل وغيره وغيره
لاااااااااا تقولين حاولت ومانفع ولا انقص وارد دبلات
اذا صج ابتضعفين تقدرين تضعفين والقرار لج

 

[MISS_LIZLIZ]

شوفي يا قلبي امشي و مارسي رياضة و كل شهر حددي لك هدف و قولي هالشهر
ابغى اركز على اساس اتخلص من 5 كجم و الشهر اللي بعده غير هدفك الى انك تتخلصين من 7 كجم
و كل مرة حددي لنفسك هدف و شوفي ماقطع يوتيوب لناس كانو يعانون من البدانة و صاروا نحاف

و الله راح تشد من عزيمتك و اصرارك و خلي في بالك ان الوقت يمشي مثل البرق صار و الله الشهر كأنه اسبوع
و ارجعي لهالموضوع بعد 3 اشهر لو مارستي اللي نصحناكي فيه يمكن تكتبين لنا رد انك اتخلصتي من 15 او 20 كيلو

اعتبري سمنتك اختبار لك لتحديك و إرادتك و قوة شخصيتك و ان شاء الله تكونين قوية و تجتازين هالمشكلة مع الوقت لكن عليكي بالدعاء و الصبر و راح تكون سمنتك مجرد ذكرى بحياتك

 

[sugar&spice]

بصراحه الحلقه ماتضبط مع الكل ،،، وبعض الدكاتره اعتبروهااا فاشله.

انا اعرف ثنتين حاطينهاا وحده ضعفت حيل كانت بالتسعين والثانيه نزلت بس مو وايد مع رياضه

والقرار لج لانه العمليه مو هينه والله يوفقج

 

[سـما]

الحلقة فيها اضرار جانبية اكثر من التكميم اللي هو قص المعدة الطولي
وكذلك البالون ,
والافضل انج تستشيرين دكتور مختص

وزنج كبير ,
يبي له وقت على ما تنزلين لكن مو بروحج ,
لازم مع اخصائيين تغذية ونادي
وعلى كم شهر تنزلين ان شاء الله

والاهم يا اختي وهي نصيحة اخت :
انك تصلين صلاة الاستخارة وتدعين الله ان يسخر لج الخير
واستعيني بالله
انتي في محنة ما راح يفكج الا رب العالمين
سواء برجيم والا عملية والا اي شي .. هو القادر على كل شي سبحانه

 

[اميره بكلمتي]

انصحج نصيحه لوجه انا الحين صارلي سنه وشهرين والحمدالله وضعي طبيعي