انا متكدرة واييد

[dalo0oa121]

انا كتبت حلمي عند مفسرة احلام وقالت لي انتي يمكن تتزوجين بسن 30
وانا توني ببداية العشرين و يوم قريت هالشي تعذبت ماتتصورون شقد
انا عندي مشاكل نفسية ومشاكل بالبيت ودايما هلي حابسيني ومافي حرية
واذا ماتزوجت بتم معقدة ببيتنا والناس بيقولون لي عانس .
عندي بحياتي قاعدة اذا ابي شي ابيه يصير بسرعه ماحب انتظر
اذا جاني بعد مذلة وبعد مانتظر واشقى اتعب وانفجر وارفض هالشي
يعني اذا ابي شي يجيني من بدايته يا لايجي كلش والله انه هاي طبيعتي
ومب متغيرة .

 

[Tom ♥ Jerry]

.

الي كاتبه الله بيصير
عليج بالدعاء

 

[am faisal]

حبيبتى اللة اعلم
تحاتين شى بالغيب
عيشى حياتج مايصير فرفوشة ومتكدرة

 

[Patcholli]

محد يعلم الغيب ومو شرط تفسير حلمج يكون صحيح وحتى لو كان صحيح لاتنسين انه لايرد القضاء الا الدعاء

 

[Patcholli]

بعدين اختي ترى مو شرط كل حلم لازم يكون له تفسير ساعات عقلج الباطن وساعات شي نفسي

 

[سـمـو الآمـجـاد]

مو شرط الحلم صدقالحلم صدق في حالة انه تكرر

ما يمنع انك تلتزمين و تدعين الله يعجل بنصبيج

وكل شي قسمة ونصيب

 

[Bloom]

عليج بالدعاء وتقربي من رب العباد

 

[om MaRyooM]

الحكم الشرعي بهالشي طبعا محد مو عارفة


بس الشي النفسي بيدج ..لازم تتخلصين من هالوساوس
وكل شي مكتوب بيد رب العالمين حبيبتي



واقري دعاء تيسير الزواج بعد كل صلاة

 

[•» عزتے تهينگ «]

العلم عند الله

 

[جسر الزمن]

حبيبتي تري الحلم اللي تحلمينه مو شرط يكون حلم حققي يمكن تفكير او عقل باطن

بعدين وكلي امرج لله لا تخلين هالشي عائق جدامج وربج اللي كاتبه بيصير وكلي امرج لله

 

[dalo0oa121]

ماادري يعني ليش يتاخر
انا كل شي بحياتي معقد وصعب
مادري متى بفرح كل البنات اللي بسني
مخطوبات واللي عندها عيال وانا
بتزوج لما يصير عمري 30
تعبت من البجي والله كل يوم ابجي دم

 

[Belle de Jour]

مو شرط حبيبتي ابدا ابدا..
لاتاخذين ع كلامها..
ادعي ربك والله كريم

 

[Patcholli]

ماادري يعني ليش يتاخر
انا كل شي بحياتي معقد وصعب
مادري متى بفرح كل البنات اللي بسني
مخطوبات واللي عندها عيال وانا
بتزوج لما يصير عمري 30
تعبت من البجي والله كل يوم ابجي دم

كبري عقلج اختي واستغفري ربج ..!!
اشدراج انج بتتزوجين بهالعمر ؟؟ محد يعلم الغيب ويمكن الاخت فسرتلج الحلم غلط ..!!
ويمكن الحلم اساسا مجرد عقل باطن ماله تفسير ..!!
على طول قعدتي تندبين روحج وتشتكين وتعترضين ..!! يايبه الفقر حق روحج بيدج ..!!
امبيه مو صج حبيبتي تعوذي من ابليس وكبري عقلج شالكلام الي تقولينه من صجج تتكلمين..!!

 

[معزوفة عشق&]

شوفي حبيبتي بريحك وبقولك من واقع تجربة صارت لي انا حلمت حلم وفسرته عند وحده وقالت انك بتتزوجين واحد عنده حرمه وانتي الثانيه وسبحان الله بعد فتره بسيطه تقدم لي واحد اعزب وتم الموضوع الحمد لله وملكتي عقب شهر ان شاء الله ..
الزززبده توكلي ع الله وفوضي كل امورك له ولاتعتمدين وتربطين قضاء الله بالاحلام .. وتذكري مافي انسان يموت ولا ورزقه كامل
ادعي الله بالزوج الصالح التقي النقي وتقربي من ربي اكثر.. وربي يسهلك ويوفقك

 

[ندى الذكرى]

استغفر الله ماحد يعلم الغيب الا الله
يعني مو لان وحده فسرتلك هالحلم قمت صدقتي وخلاص ماراح تتزوجين الا اذا صار عمرك ثلاثين هذا الشي يدخل في باب علم الغيب والغيب عند الله بس
استغفري ربك لا يعاقبك ويخلي تفسير هالحلم صدق
وبعدين مو اي احد تفسرين حلمك عنده
ويعني حتى التفسير ما يدخل العقل
ما عليك الا الدعاء الدعاء هو اللي يرد القضاء
ولا تنسين الاستغفار

 

[دآنة آلرشآيده]

عليج بالدعاء الله يرزق بولد الحلال

 

[فآنيلا]

علم تفسير الاحلام غزير حده
موب اي احد يقولج تفسير حلمج بالملي
وحبيبتي عليج بالصدقه والدعاء والله يبعد عنج الاكتئاب

 

[Môre N!Ce]

كل شيء بعلم الله ..

 

[برستيجي مآركة]

يؤيؤيؤ

من قالج ان كل اللي يفسرون الاحلام صادقين او موثوق من كلامهم خاصة اذا كانوا في النت
واصلا نادر على مانسمع من مفسرين الاحلام الثقة يحددون العمر او الفترة الزمنية اللي ممكن يتحقق فيها الحلم
لان هالشي مايعلم فيه الا الله وحده
وبعدين حتى لو كان هذا حلم ومو شرط كل حلم يتحقق مافي شي على ربي بعيد
ادعي ربج وعليج بالاستغفار في اليوم 1000 مرة بنية الزواج وان شاءالله تتيسر امورج
وتقربي من ربج
ليه عاد تبجين دم عشان حلم يمكن يصيب ويمكن يخيب

 

[كادياا]

يالغاليه
كلنا نحب نحصل على الشي بسرعه مانبي ننطر او نذل انفسنا

والزواج مو كل شي وبيتك والي انتي عايشته يمكن خيره لك انتي ماتدرين

قولي خيره خيره كرري هالكلمه صدقيني ترتاحين لا تخلين زواجك هو الحل


لا تشوفين العمر بالنسبه لك هم كبير عيشي حياتك انبسطي شوفي الجوانب الحلوه واتركي الشي الشين

اقري قصص الانبياء صدق ترتاحين

كل بنت عندها حلمودها يتحقق

يوسف عليه السلام لمن كان بالسجن كان الاحسن بشهادتهم

والله سبحانه وتعالي قال ( إن نراك من المحسنين )

لكن الله سبحانه وتعالى اخرج الي بالسجن قبله !

وظل هو بالسجن رغم كل مميزاته ظل سنيين سنين بالسجن !!!

بس تدرين وين الحكمه ؟ تدرين شنو حكمة ربي بالي صار !؟؟؟


اول واحد طلع من السجن ( صار خادم )

والثاني ( صار قاتل )

ويوسف اعظم سجييين ظل سنوات

طلع من السجن عشان يصير ( عزيز مصر )

سبحان الله






يالغاليه


حبيبتي لا تضايقين العمر واحد والحياة وحده افرحي وانبسطي مافي شي يسوى صدقيني

اشغلي نفسك وقولي عادي لو اتاخر بالزواج بس يكون خيره لي

مو يكون سجن ثاني لك

حطي العباره هذي بمخك ( لعله خير ) وخلي احلامنا تتزين اكثر واكثر مهما طولت وتكون لنا فال يوسسف عليه السلام

ان شاءالله اكون ريحتك لو بشي بسيط وسالفة حلمك لا تحطينها بالك دامها تتعبك ماتدذين باكر شنو يصير ؟

واصلي ع قراءة سورة البقره وقيام الليل وربي يريحك ويرزقك الزوج الي يسعدك *