انا متحطمة مولية كلاش سلوليت ومتن تعالي اشكيلكم بنات

[afaf]

سلام عليكم بنات اخباركم.


بنات انا من ولدت بنتي عمرها الحين 4 اشهر وانا متنانة غير عن قبل لا احمل فيها وزني الحين 80 وسولوليت
تحت مؤخرة محطم نفسيتي حت ملابس انوم ماتقيسني افتشل من ريلي من هلكرش كل يوم احاول. اخففف بس
ماكو فايدها ارد اكل ابي حل يابنات منو استخدمت حبوب اعشاب تدليني او تقولي اسمهم بلامانة يابنات انا اتكلم جذي
حت ريلي يطنز علي يقولي ليش ماتضعفين قبل احلا. بليززززززز بنات فيدوني الله يخليكم كل غالي
والسوليت محطمني منو استخدمت اكريم يشيله وتذكرلي اسمها


ومنو استخدمت حبوب وفادتها مابي فيهم ضرارة وشن. اسمهم



اسف هدرت وايد بس من حرت قلبي يااارب اضعف

 

[سندريلا الجهرا]

مساء الخير .. إن شاء الله افيدج يااختي

اولا على الريق ماي دافي مايل للسخونه حطي معه قفشه صغيره كمون مطحون واعصري نص ليمونه خليه ينقع من ٥ لي ١٠ دقايق بعدين اشربيه

وبعد نص ساعه او ساعه تريقي ( يفضل تشربين على الاقل بطل ماي قبل كل وجبه )

وقت الضحى عندج الخلطه الخطيره اللي ضعفت نص البنات اللي اعرفهم اللي هي ملعقة زنجبيل وشاي اخضر وملعقة دارسين ونعناع بعد ماتغلين الماي حطيهم واصبري عليهم شوي تقريبا ١٠ دقايق واشربي باليوم قلاصين او ثلاث

وترى الزنجبيل بروحه مع الماي يضعف حيل بس هذي الخلطه حلوه
باليل قوطي روب مع بذرة الكتان تكون مطحونه ملعقه وحده بس


كثر ماتقدرين اشربي ماي
انا اخوي ضعف ونزل نص وزنه خلال ١٠ ايام من الماي بس


وحاولي تمشين على الاقل نص ساعه او صعدي الدرج وانزلي ل٨ مرات


وشكرا

 

[دجه بس محترمه]

اهلين اختي هذي وصفه خبيرالاعشاب رضاالعواد وكثيراستخدموها ونحفو(تخلط الزنجبيل وقشرالقهوه )مع بعض وتغلينهاغلي خفيف ثم تشرب بعد الوجبه بساعه او ساعتين مرتين باليوم .....وان شاالله بتنحفين ولاتنسين لازم يكون اكلك صحي ابتعدي عن الدهون...

 

[سندريلا الجهرا]

وشغلة ثانية على الريق تقدرين تضيفين ملعقة خل التفاح بدل الليمون


اختي قالت لي انها ضعفت خلال اسبوعين من هذي الخلطه لاحظت بملابس الدوام صارت واسعه عليها

 

[سندريلا الجهرا]

وشغلة ثالثه ����

في بنت هنا بالمنتدى كانت منزله موضوع انها ضعفت خلال ايام من القهوه والليمون والخل تدهن الجسم فيها




1 تاخذين كوب فاضي

2 تضيفين 3 ملاعق خل تفاح الى 4 كيفج حسب ماتبين

3- تعصرين ليمونه كامله على الخل بالكوب*

4 تضيفين ملعقة قهوه تخلطينها بمزيج الخل والليمون

تظلين تضيفين كل شويه ملعقه قهوه وتخلطينها تمتزج بالخليط

وتضيفين وهكذا ليما يمتلأ الكوب كامل قهوه*

تاخذين الكوب معاج الشور بتكون اغلب القهوه ناشفه لانها اكثر من كمية الخل والليمون

تبللين جسمج بماي دافي تشغلين الماي الحار توقفين برا يم البخار

تحطين بكف ايدج قهوه اشويه وتمسحين على جسمج بحراره عشان تلصق

وتفركين بشكل دائري كل مكان لما جسمج كامل يصير قهوه

وتظلين تفركين فوق لتحت وتحت لفوق بحركات ناعمه*

تضغطين على اماكن السمنه مع تدليك عميق ليما تمر 10 دقايق

دلكي الجسم كله واستمتعي بتحسين لون بشرتج صار ابيض

دلكي ربع ساعه بعدين دخلي تحت الشور ليما تنزل كل القهوه*

واخذي شور عادي وغسلي بصابون*

وخلاص شور الهنا يارب


منقوووووووووووووووووووووووووووول

 

[سندريلا الجهرا]

وشغله رابعه ههههههه الحين تذبحني

كمان قريت لبنت في المنتدى تقول انها انزلت بالاسبوع ٥ كيلو من

روب اكتيفيا وبذرة الكتان ملعة وحده مطحونه على الريج


وشكراً������������

 

[afaf]

سندريلا الجهراء ياقلبي انت عسي ربي يجزيك الجنة لا اخدي راحتج راح اسوي كل شئ قلتيه ياغالييية فديتك وجزكي الله ااالف هير


طيب اختي القهوه اللي تقولي عنها اي قهوه العربس ام قهوة النسكفية ??????

 

[afaf]

دجة مشكوورا ياغاللييية اي سامعها عنها بس ماجررتها

 

[زوراروسا]

بالنسبه لنصايح البنات وايد زينه اذا طبقتيها بالنسبه لي ازيد انه حاولي من عقب الساعه 6 المساء ما تاكلين لليوم الثاني ابدا غير سوايل وماي هاي الطريقه بروحها تنزل الوزن بشكل حلو
وحاولي اتيبين اوبتراك وتلعبين عليه اقل شي 20 دقيقه يوميا صدقيني المشكله اللي تعانين منها بتروح خاصه الارداف والفخوذ تنمسح مسح
ثالثا : خلطه القهوه انا مجربتها حلوه للسلوليت بس مع اضافه سكر شوي عشان يساعد بالتقشير وتحريك الدوره الدمويه ويوم بتخلصين منها وتغسلينها سوي صابون عادي بجسمج ودلكي جسمج باداة السليوليت دائريه تلاقينها في بدي شوب خذي 5 دقايق وانتي تفركين جسمج فيها روعه توخر السليوليت بسرعه وتحرك الدم بجسمج وتساعد ع التخسيس بدون ترهل ..
ويوم بتخلصين حمامج بالهنا ادهني الكرش والارداف والزنود بكريم الزنجبيل اذا ما عندج شوفي طريقته بالمنتدى كيف يسونه وياريت تلبسين مشد ع البطن اكبر فتره ممكنه لانه يساعد ع انقباض عضلات البطن بالتالي يشد شوي شوي

 

[أعشقه]

والله كل من سمعنى عن شي جربناه بس ماندري وش الي يناسب لنا وش الي مايناسب
بذرة الكتان كثير يذمونها مايمدحونها لانها تخربط هرمونات الجسم
يعني نبي كلام سليم علشان نسوي وحنا متطمنين

 

[سندريلا الجهرا]

هذه قهوة البنت
وهذا كلامها انا ناسخته


اسمها بن الصافي ( قهوه تركيه )

اتصلي على 9584165

راح يوفر لج منها وانتي طلبي تبين بالكيلو او اكثر حسب ماتبين يحط لج ويوصله للبيت*

والقهوووه هذي فظيييعه ما افكر اغيرها جربت ادلك فيها وعجبتني وايد

ولما غسلت تنزل مع الماي مايطبع لونها عالجسم*

 

[گنت أحبگ]

انا اليوم بديت بحبوب تسد الشهيه بعد ما يئست تماااما لان شهيتي حييل مفتووحه مع ان قبل كنت اقدر اتحكم الحين ماقدر كلش مادري ليش ع اخر اليوم اخرب

فاخذت حبوب ماغريت دايت تخيلي ماشالله ماشالله لا احسد نفسي امس طول اليوم بلعه ،، اليوم اكلت الحبه وطول اليوم ما اكلت الا تفاحه ومو حاسه بيوع بالمره

صراحه مادري عن اضراها او شبيصير بعدين بس مضطره انا

انتي سالي عنهم وشوفي

واذا ترضعين لا تاخذين شي

 

[afaf]

يابهد عمري والله يابنات مشكووورين ويا كمت احبك عسي ربي يبشركم بالجنه ويخلي لكم ويحفظ لكم كل غالي يااارب

بجرب واستخدم خلطه القهووه

ويا اختي الغاليه كنت احبك انا رضع خاف تضر بنتي ياغالييييةة

وينكم ياغاليااات فيدوني

 

[free SpiriT]

السلام عليكم

الأسئلة اللي سألتيها : تعرفون حبوب ,خلطات وأعشاب تضعف؟

تدل انج تدورين على الاشياء الغلط

هالاشياء (ممكن) تساعد لكن لو بتعمدين عليها عشان تضعفين أقولج من الحين انها بتكون مضيعة وقت

خففي أكل لو بس توخرين عن الحلويات والخرابيط و تستبدلين المقلي بالمشوي و تمشين مع قليل وخالي الدسم وكميات معتدلة بتضعفين

و الرررياضة أهم شي للسيليولايت مفعولها مثل السحر

+ وخرررري عن الحبووووووب

والله يعطيج اللي في خاطررج : )