انا مالجة وصار لي موقف شوفو ردة فعله ؟

[عذوٍق الوٍرٍد]

السلام عليكم

شلونكم بنات شخباركم

انا مالجه توني من جم شهر

وقبل امس صار لي موقف ويا خطيبي ..

انا كنت اسولف عن رفيجتي جان يقولي منو بنته هذي
قتله بنت محمد الـ... < غلطت بإسم العايلة
بعدين قلت ويييه مو محمد الـ.. لا بنت محمد الـ...
اهو احسه سكت وبعدها يسولف وهو متوتر واايد

جان يقول شسالفة هذا محمد الـ.. < اسم العايلة الي غلطت فيها
انا تفاجأت قلت شنو أي سالفة ؟
قال هالعايلة هذي كررتيها مرتين شسالفه @@
ومرة شفتي صورة واحد وقلتي لي شكله من هالعايلة...
لان صج هالعايلة كلهم اشكالهم طقه وحده سبحان الله يعني الي يشوفهم يعرف انهم من العايلة الفلانيه

انا حدي تفاجأت قلت بقلبي شكوووو صدفه والله
بعدين من زود التوتر قلت له هذا شيخ معروف هههههههههههههههههههههههههه
شكووووووووووو واااي غبيه

قال اها اول مره اسمع فيه
يافشلتي لو يكتشف ان ماكو شيخ بهالإسم
المهم..

راح بيتهم ورسلت له حبيبي عندي سؤال ومارد لان اتوقع نام
الحين هني سؤالي شرايكم بنات ودي اسأله هالسؤال ( ليش توترت يوم قلت اسم هالعايلة واسم هالشخص) ؟

ولا مايحتاج ؟

ساااااعدووووووني بناااات

 

[Tom ♥ Jerry]

,



سئليه مع السوالف مو بمسج !
و طوفي السالفه .. يعني لا تركزين عليها

 

[لآلئ وردية]

الله يجمع بينكم على خير

و يوضع المـوده بقلبكـم

و ان شاءالله البنات يساعدونج

​

 

[هناء - Hana]

طنششي السالفة..ولاعاد تفتحينها ليش متوترة شفيج عادي مافيها شيء.ممكن الريال غللللط او شيء ليش خاااايفةوبعدين انتي غللطتي والواحد يعني مايغللللللللط يعني قصصدج زعل او شيء لاتحاتين مافي شيء..؛*

 

[black rose BH]

لاتدققين على كل شي
لان بتتعبين
خلاص سالفة وصارت وموقف بسيط وايد
لاتكبرينه وتسألين ومادري شنو
طنشي وعيشي حياتج

 

[دلال و غلا]

لا ما انصحج ابد
انسي السالفه ولا كأنها صااارت و بهالفتره يا قلبي ضروري تخففون سوالف اغلب البنات اللي تواصلو مع ازواجهم قبل العرس يخرب اللي بينهم بسبب كلمه او موضوع عااادي بس ينفهم غلط ،، انتي طوفي
ربي يوفقج ويسعدج

 

[كنوشة 2009]

ما في داعي تسالينه الا اذا اهو فتح الموضوع مرة ثانية

 

[دلوعة أبوهآ]

ماينفع الكلام بمسجآت ..
اساليه وتكلمي قدآمه أو انسي الموضوع وإذا تكرر الموقف مره ثانيه اسأليه

 

[saraahh]

طنشي وانسي السالفه

 

[محلله ماليــه]

نصيــــــــحه من اخت !


انسي الموضوع وصكريه نهائيا ً .. لا تسألينه شي خلاص !


لانه الموضوع يمكن يكبر

 

[عاشقه رويشد]

لا تركزين عليه لانه ان سالتي بيحس وبيستغرب اهتماج بسوال فطنشي ولي فتح وياج الموضوع كلميه والله يهدي سركم ويوفقكم

 

[وش تبي]

اول شي مبين عليه انه يغار
وثاني شي نصيحه انسي الموضوع ولاتقولين له
يمكن اذا قلتي له بتصير مشكله كبيره
انسي الموضوع &#55357;&#56842;

 

[امـ خــزامـى]

انسي السالفه ولاتفكرين فيها

ولاتدققين شكله توتر ومادري كيف

لالالا هالاسلوب يتعععععب


موفقه حبيبتي

 

[english muffin]

حتى انا حسيته غار مب توتر

 

[الجذابـة2022]

حبيبتـــي /

ماانصحـج تسالين ولا تفكريـن بالموضوع,,,

ولا حتى ادزين له مسـج ،، لا تقعدين ادققين علي كلشي ,,, لان فعلا راح تتعبين,,وانا كنت من النوع

اللي واجد ادقق على كل كلمــة وفعلا تعبت بالحيـل

واذا سال ممكن اتكلمين وانا اشوف الموضوع عادي الواحد لازم بغلط...​

 

[جذابه بنت ذيابه]

لا تصيرين دقيقه .. ولا تنبشين السالفه خلاص انسيها عشان ما يشك اكثر
ترا اغلب الرياجيل جذي!

 

[VET-Nour]

اصلا انتي شكو تسولفين عن رفيجتج ؟؟؟
تخربين بيتج بيدج ؟؟؟؟
هذا وانتي مالجه ماجا عرسج لي الحين ؟؟؟
سولفي عن رفيجاتج احسن خل يرسم ع وحده فيهم و يتزوجها عليج

لا تسولفين عن رفيجاتج و لا تقولينله كل شيء يصير @@

 

[miss.unique]

ما لا داعي تفتحين السالفة مرة ثانية

 

[popa]

ماكو سالفه وين المشكله ؟

 

[عويتقة]

لا تسألين ولا شي انسي السالفة