انا قصتي قصه ادخلو واسمعوا معاناتي :(

[Madrideya ~]

السلام بنات







انا سالفتي سالفه انا قصيره طولي 153 سم حيل متعقده من طولي
حابه أطول 4-5 سم بس مؤ وايد لأني ما احب الطول الإوفر اللي فوق 160
أبي طريقه مجربه حبوب فيتامينات أي شئ يزيد الطول حتى لو يبيله وقت طويل على ما تبين
النتيجه مؤ مشكله راضيه بس المهم فيه نتيجه ... ما أبي تمارين لأني اعرف نفسي ما التزم فيها يومين وإزهاق
انقذوني جد زهقت من الكعابه أبي أطول :eh_s(2): متعقده من طولي .. ريولي تكسرت من الكعابه واذا طولت وانا لابستها اعرج لوول شكلي يصير يفشل اللي جربت شئ وتحس نفسها طالت خل تقولي وتكسب فيني اجر .. احنا وراثه بيتنا قصار بس مؤ ذاك القصر اللي نفسي
يعني خواتي كلهم حتى اللي أصغر مني طولهم بحدود ١٥٨ وأطول وحده فينا طولها ١٦٥
والله جد تعقدت أختي اللي أصغر مني بسنتين أطول مني


شنو الحل !!! :eh_s(2):

همسه ما عرفت وين أحط الموضوع بأي قسم إذا مكانه غلط أنقوله للقسم المناسب.

 

[fatma A]

لا تتعقدين ولا شي القصر حلو كاهي اختي طولها يمكن 154 بس حلو ويا الكعب وانا طولي 161 صج يبين اني قزمه بس حلو علي ترا القصر نعمه حق البنت

 

[MiSs.Fshla=pP]

لوووول ترا انتي مو قصيره عادي لا تتعقدين

انا خواتي الكبار طولهم ١٤٧ وانا طولي ١٥٢ وعملاقه عندهم ينادوني الطويله لووول

فا والله حلو طولج؛*
واذا انتي اقل من ١٨ سنه

شربي حليب ويقولون النط يطول عاد مادري صج او لا xd

 

[ايمان الغساني]

لعبي كره سله كذا سمعت بس اذا وراثه معكم مااظن تطولي

 

[BubbLe87]

يا حلو القصر و الحجم البتيت
انا طولي ١٥٦ و لا متعقدة و لا شي كيوت و عنونة
ابين نتفة يم ريلي معنه مو وايد طويل هههههه
الطول هذا بالكويت يعتبر average
فاستانسييييي

 

[ΒŖǾĶĚŅ 02]

حلاتهم ...سلم قلبهم الكتاكيت


بالعكس والله .. حلات البنيه قصيره

وعادي أنا أخواني أصغر مني بس أطول مني ! الحياه جميله



أنا قبل فتره يتني هالحاله وكنت أبي أطوول شوي

أعتقد قريت عن الحليب أنه يطول

وتلعبين كرة سله

النط .. قعدي ناقزي فالبيت

الحديده اللي تتعلق عالطوفه أو الباب < ميته إلا أبيها بس ما حصلتها

والحبوب ما فكرت أروح صوبها . أكيد مو زينه

والعمليات خطيره وايد


وبس بالأخير الحمدلله أقتنعت بطولي .. والفال لج



ودام الكعب مأذيج خلاص لا تلسبينه !

ترا مو زين حق ظهرج وريولج

شفت وايد بنات قصار يمشون بدون كعب !

عادي محد بيعيب عليج خو ! واللي يعيب شقي حلجه



وسمعت معلومه أن الطول يوقف عند عمر 22 !

نطري ما وراج شي .. وإذا ما طال خلاص أرضي بالأمر الواقع !

ووووبس أنتهى النقاش

 

[modern]

ما اعتقد ان في شي يطول ...
بس انتي ليه مخليتيه عقده الموضوع... اذا جسمك حلو ما تفرق

 

[شربـــات لـــوز]

مااااااااااااااكو شي ماجربته عشان اطوووووووول وللاسف للحيني قزمه
ههههههههههههههههههههههههههههههه
يبه استانسي واقتنعي بطولج وحلات البنت قصيره
مو من طول رياييلنا هههههههههه
طولج حلوو ترا

 

[Combat]

هذا الشي متعلق بالورثة بس اقتنعي بطولج احسن شي وعدلي وزنج عشان تطلعين رشيقة

 

[Mrs_Efron]

ana 162 2de lw a9eer 6oolch bs y3ni petit w '63efa ow a9eer 6ool model w 39la ayaaabaa wanasaa haahahahaha

 

[قطوووة]

جم عمرج !

 

[Madrideya ~]

مشكورين بنات انا ودي أخذ فيتامينات نمو لأني بمرحله نمو !
عموما طولي قبل الرجيم من ٤ اشهر كان ١٥٢ وبعد ما نزلت فوق ١٠ كيلو امس أخذت طولي بالجيم طلع ١٥٤ مؤ ١٥٣
يعني طلت صج شويه بس المهم طلت .. قطوه عمري شهر ٢ أتم ١٦ سنهً

 

[قطوووة]

جسمج للحين في مرحلة النمو

لاتخربطين ماكو شي يخليج اطول لا حبوب ولا شي

سوي فحص هرمون النمو اذا شاكة بشي

 

[متجر جنات عدن]

ربي يكون بعونج

 

[TheTeacher-Mash]

لاعبين ولاعبات كره السله الي تشوفونهم يعطونهم هرومنات في مرحله النمو علشان جذي طوال فلا تربطون كره السله بالطول ولكن في عمليه اطولج اتوقع 5 سانتين بس عمليه مولمه لانه التطويل يكون عن طريق ادخال نوع من الحديد في الريول ويخلون يولج بنفس الجبس بس من حدايد مغروزه بالريول يشيلونها بعد جم شهرها دشي يوتيوب شوفي هل النوع من العمليات

 

[حنانو 89]

انتي لين الحين في مرحله نمو راح تطولين زياده ان شاء الله وكثري حليب وسوي مثل ماقالت قطوه فحص لهرمون النمو ولو في خلل اكييييد بيعطونج الدكاتره حبوب للخلل بس كثري حليب ولعبي نط الحبل وان شاء الله تطولين زياده وترا توج صغيره حيييل مااكتمل نموج اصلاا

 

[طريق السعاده]

ههههههههههههههههههههههههههه

يشيخه احمدي ربك طولك حلو انا 147 وعاجبني طولي صح ودي اوصل لل150 بس ترا مو مسبب لي عقده مع اني اكبر وحده بالبيت وكل اخواني وخواتي اطول مني خخخ
الحياه حلوه واقتنعي فيها وحبي نفسك بكل حالاتك

اي وبعد انتي ترا للحين جسمك ينمو لاتحوسين عمرك بالحبوب والخرابيط تغذي زين وكلي وجبات متكامله وكالسيوم الحليب كل يوم شربي كاسه اقل شي وخلاص

بعد العشرين يتوقف النمو اساسا البنت بعد البلوغ ماتطول واجد يعني لو زادت يكون زياده بسيطه وكمان هالشيء مو قاعده


وفي شغله ترا ميصير تعيشين ع الكعب طول عمرك لا كوني واثقه والبسي الكعب باوقات والبسي فلاتات وشوزات بدون كعب ابد

لاتصيرين متعقده من هالشيء ولين احد علق وقال قصيره قولي انووووثه فدييتني وحسي بانوثتك لاتحسين انك ناقصه :/