انا قررت ان شاءالله .. بس ابي نصايحكم؟

[أميره بطلتي]

السلام عليكم



بنت قررت اسوي مشروع على قدي وابتدي فيشوي شوي







باخذ لي غرفه من بيتنا مؤقتاااا اسويها مشغل

ابي اجيب لي خياطه ( بس من وين ؟؟؟ )

ومكينة خياطه ؟؟؟ من وين اشتريها وبكم سعرها؟؟؟

واداوات الخياطه كامله طبعا


ومانيكانات



وغرفة قياس بسويها مثل البارتشن وفي منظره


بعد شنو احتاج

وشنو ممكن تساعدوني فيه



الدعايه بالمنتدى ان شاءالله وبين زميلاتي وزميلات خواتي



وبعد شنو افكاركم


المشغل طبعا تصميم بدل استقبال وسهرة


خيالي واسع وتصاميمي حلوه ودايما افكر والف مويلات غريبه عجيبه


ومرات اقتبس افكار وازيد عليها




وراح اخلي مجال للي تبي تعرض بدلها الملبوسه مقابل مبلغ رمزي للعرض وتكون لي نسبة من البيع او الايجار بس النسبه اكيد بسيطه



شرايكم



ممكن تفيدوني اكثر؟؟



ابي دراسة جدوى وتخطيط اكثر من الفوضى واللويه اللي انا فيها
ا

ابي واحد اثنين ثلاثه



منو تساعدني:0bee2e8d89:​

 

[أميره بطلتي]

والقماش طبعا راح يكون قبل الموديل .. لان الافكر تجيني لما اشوف الخام


والخام بداية راح يكونبسيط ومن اسواق رخيصه نوعا ما

 

[أميره بطلتي]

شدعوووه بنات وين الردود


طيب دعوه تشجيع اي كلمه تطيب الخاطر

 

[ReeM ^ Style]

اميره حبيبتي قاعده اطرشلج رساله على الخاص مايستقبل مسحي الرسايل اللي عندج

 

[baby johnson]

حبيبتي الله يوووفقج
سامحيني والله عليميه بهالسواااااااااااااااااااااااااالف
بس فكرتج حلووووووووووووووووووه
واخذي مكان رااهي وكل ماكان المكان شووي كبير وراهي انتي نفسيا تبدعيييين
ولما تشوفين رووحج اووكي بلشي بالمعاااارض

 

[اسرار الغلا]

مووووووووفقة ان شاءالله

 

[متجولة *]

الله يوفقج انصحج سالي اقرب خباط عندج عن من وين تشترين ماكين وهالامووووووووووور

 

[بواسم]

بالتوفيق حبيبتي اول شي الماكينه اخذيها قويه تكد مثل ماركة سنجر موجودة الشركة بالبلوكات

وبالنسبه للملكان اخذي النوعيه الزينه ممكن عند ماجد وخماش بالشويخ او القفل الذهبي

وبالنسبه للخام يفضل تاخذين طاقه تطلع عليج ارخص وكل شي يخص الخياطة بتلاقينه بالبلوكات

في قسم بالجملة . ولاي مساعده انا حاظرة

 

[نسمة الجنوب]

موفقة ان شاء الله

 

[منيرة خالد]

اختي / الله يوفقج

بس بالبداية احسن شي انج تتعاملين مع خياط ، تعطينة الموديلات والخام ويكون الحساب بالجملة احسن لج من بالقطعة >> ارخصلج

وسوي ثلاث ايام بالشهر عرض للموديلات عندج بالبيت وبيعيهم وطبعا تأخذين القياس علشان التعديل ، واذا كونتي رأس المال والسمعة افتحي المشغل احسن لج كبداية >> لأنه صراحة حرام تتكلفين وبالأخير ما تقدرين تمشين او تواجهج مشاكل مع الخياطة والمكاين .

هذا اقتراحي وانتي اختاري الطريج اللي يناسبج

موفقة

 

[j.style]

الله يوفقج

 

[LoloBlueStyle]

ربي يوفقج يارب

 

[الحراير]

موووووووووفقه

 

[النويره]

اميره بطلتي والله انج تفكرين باللي افكر فيه قلت اشوي اساعد نفسي ظروف الحياه صعبه والله اعلم بعد اذنج تسمحين لي ادش موضوعج واتشارك واسال البنات منها تسفيدين وانا استفيد اهي افكار للحين ما تبلورالمشروع بس ما خاب من استشار وعسي ربي يرزق الجميع
منج فكره مني فكره وهكذاا