انا فاشــــــــــلة بكل شي كل شي ><

[بنوتة_الامارات]

السلام عليكم ورحمة الله وبركاته

ماعرف كيف ابدي لكن بقول اللي بقلبي واللي احس انه مظايقني مووت

انا بنت عمري 24 سنة فاشلة بحياتي من كل الجهات

ماعندي ارادة ولااعندي عزم لشي ..كسولة لأبعد درجة.. كل شي بحياتي مايمشي

لا اهل ولاا ربع ولاا حياة شخصية ولا انسان حبيته وراح ولاا حت اقدر اهتم بنفسي

كل ما اجرب شي واحاول مرة مرتين ثلاث افشل مثلن

- ماقدر اهتم بنفسي (شخصيا رجيم وغيره ) كل ماحط لي جدول بهتم بس يوم واحد بعدين خلاص ماشي ارادة ابدا

- ماعندي ربع والسبب ؟؟ انه كل اللي الااقيهم حقودات وانانيات يحبون يتكلمون عن نفسهم واسمعهم وبسسسس اما انا لا .. والله شكثر حاولت ابي ربع نسولف ونظحك ونهتم فبعض بس مااااااشي كل مابدا بصداقة بعد تفشل

اهلي كلهم يا كبار كبار يا صغار صغار .. ماعندي غير هالام حبيبتي واداريها

حب .. اهلي ربي يسامحهم حطموني لمن ردوا على اللي كنت احبه انهم غير موافقين والمشكلة اهل اللي احبه جربوا مرة ومرتين وثلاث بس اهلي معارضين موت لأسباب قبلية طبعن ( من بعد حب ست سنين )

ثقتي بنفسي زيرو

كل شي بحياتي يفشل والله تعبت حيل ماقمت حت اعرف شخصيتي ماعرف كيف اتعامل مع نفسي .. يقولون التجربة طريق النجاح انزين واااااااايد جربت فاشيا وايد بس مافي

وحيدة والوحدة ذبحتني..محطمة نفسيا .. حت لمن قلت بلتزم بصلي وجذيه احس روحي صادة مش قادرة اسوي اي شي ابد

والمشكلة اني بويه كل حد اظحك وابتسم وعبالهم خالية الهم ونا من داخلي ظااايقة موووت

في حد مثلي بنات

ماعرف شنو ابي بس حبيت افضفض .


باي

 

[cutecherry11]

حبيبتي كلنا نمر بضروف ومشاكل انتي تقريبا نفسي بس اول شي التزمي بصلاتج ححتى لو انج تصلين وتقطعين التزمي بالصلا ة وحطي ابالج ان هذي اخر صلاة تصلينها عشان تلتزمين وحاولي تصلين الفجر وماتتركينها وكتبي اهدافج وشوي شوي مو تضغطين ع عمرج كل ماتخلصين من شغله كافئي نفسج بشغله وكثري من الاستغفار والله يكتب اللي فيه الخير ويوفقج ان شاءالله
ولا تضايقين عمرج لان الدنيا ماتسوا وشيلي هالفكرة انج فاشلة بكل شي وتاملي بنفسج عدل انا كنت جذي اقول انا فاشلة ويليتني نفس فلانة بس لما كتبت اللي ابيه بورقة لقيت نفسي اني التزمت فيها وتغيرت فيني اشياء والحمدالله مستمرة قاعده اتحدا نفسي والصلاة والله انها اهم شي انا ماكنت ملتزمة وكله اقطع بس حطيت حد لنفسي والحمدالله احس براحه والمشاكل مش ولا بد منها ماتدرين وين حكمة الله فيها ويمكن تكون ابتلاء واختبار ويمكن عقاب
موفقة حبوبة

 

[مصدومة.]

برجك الحوت؟

 

[وسن الوجد]

حبيبتي
لازم الكل يمر بكبوات و لازم الانسان يضعف و يمر بحالة ضعف
ولازم نفشل مليون مرة .. محد يطلع من بطن أمه عالم
والحياة تجاروب كلها و اختبارات من الله

اما الرجيم فاكيد يبيله ارااااااااااااااااااده و صبر و تححححححححممممممل
شهر شهرين ثلاث اربع خمس سنة سنتين

الصبر حلووووو لكن طعمه مر



اما الي تقدم لج ورفضوه اهلج ماتدرين وين موجوده الخخخيخره
يمكن الله صرفج عنه يمكن في شخص احسن منه


لا تيئيسين حبيبتي ابدا لا تئسين


_ ابني علاقتج مع ربج صح
خخخخخخلي قلبج مع ربج صلاااااااااتج صلااااااااااااااااااااااااااااتج

هالله هالله بالاستغفااااااااااااااااار اكثري منه


هالله هالله بصلاة الضحى و الوتر





هالاشيااااااء راح تريحج عدددددددل و تثقين بنفسج حيل

اعرفي ما يصيبج الا كل خيرررررررررر





و الاخت الي تقول برجج الحوت
يا حبيبتي لا تهتمين بالابراج السخيفة هذي
ما يجوزززز





و حياتجج كاتبه لج ربج من قبل لا تولدين
و الدعاء و العبادات و الصلاة كلها تريح


​

 

[M!SS.LOBY]

لا حول ولا قوة الا بالله العلي العظيم

 

[M!SS.LOBY]

الله يهديج ليش نسبة الاحباااااااااط مرتفعة وطاغيه عندج
خلي عندج شوية امل بالحياة
واهتمي بنفسج من ناحية الرجيم وحاولي تكثرين العلاقات الاجتماعية عندج
وشروط اهلج من ناحية امور القبليه ادعي رب العالمين يرزقج بالزوج الصالح

 

[مرتبة]

سوي لج اهداف يوميه مه ورقه واكتبي اهدافج
واذا ماقمتي فيها باليوم عاقبي نفسج بشيء تحبيه
شوي شوي تتغيرين


الرجيم مو بس انتي اكبرها واسمنها ماقدر لها
يعني ملاين نفسج

الحب ترى كله خير من الله انت تريد وانا اريد والله يفعل مايريد
والله كل اموره لنا خيره وحكمه

 

[الكتكوته]

قولي اللهم أني أعوذ بك من العجز والكسل

 

[M!SS.LOBY]

لا حول ولا قوة الا بالله

 

[نبض السعاده]

استغفرالله تري بتعيشين مره وحده بالعمر حبي نفسج اول كوني مع الله احسني الظن بالله
اهلج يعرفون مصلحتج الله يخليهم لج يهديج

 

[$كشوخه$]

انتي اساس مشكلتج والحاله اللي تمرين فيها هي حبيبج اللي ما تزوجتيه ومبين ان جآج احباط قوي من بعد الفراق

بس حبيبتي انسي او تناسي ! افتحي صفحه جديده مع نفسج وشوفي انتي بشنو مقصره ..

وآول شي حطي ببالج شي ،، آرضي ربج عشان ترضين ع نفسج .. عليج بالصلاه بآوقاتها .. آذكاز الصباح والمساد وقبل النوم لا تطوفينهم .. واستغفار .. حبيبتي التزمي وبترضين عن نفسج وبتتغيرين للآحسن صدقيني بتحسين براحه داخليه !!

و جيبي ورقه اكتبي الآشياء اللي مو عاجبتج فنفسج وحابه تغيرينها .. وزنج ؟ اهتمامج بنفسج ؟ اصدقاء ؟

سوي لج نشاطات يطلعج من الجو اللي انتي فيه واهم شي حبي نفسسسسج !

اذا حبيتي نفسج بيزيد اهتمامج لها .. انتي توج صغيره وعمرج ٢٤ ابدي بالريجيم عشان تتهنين باللبس والكشخه

 

[بيبي قيرل]

شكل الدوره متاخره عندج

 

[البارونـه]

بقولج شي
حبي نفسج وخلج حنونه عليها
كلنا فينا نواقص وعيوب فـ شخصيتنا فـ ليش نحطم نفسنا؟
انا من فتره كنت وايد قاسيه على نفسي والله والله كرهت عيشتي
يعني كنت اذا تصرفت تصرف غلط او أي شي اتم الوم واعاقب نفسي واتم اردد اني فاشله واني واني واني
وشنو استفدت؟ الحين صرت اوكي احاسب نفسي بس وايد اشياء اطنشها من زلاتي لاني لازم احب نفسي واكون حنونه معاها
ونصيحة ثانيه هي صلاتج لان اذا صلحتي صلاتج بتكونين مصلحه حياتج
حبي نفسج وعدلي صلاتج وخلج ايجابيه
وخلاص فتحي صفحه يديده بحياتج وصدقيني هاي من الفراغ ، كل ماقعدتي بروحج وحسيتي انج بتبدين تذمين وتنتقدين نفسج انشغلي باي شي، ومع الوقت خلاص بتنسين عيوبج وانج مثل ماتقولين فاشله ، يعني ماجذب عليج شقد العام كنت بكل مكان فالايفون اكتب لنفسي اني فاشله والحين خلاص قمت اقول اني ناجحه واذا سويت شي زين وايد استانس على نفسي وكلمة انا ناجحه ومدحج لنفسج باي صفه حتى لو كان خداع للنفس وماصار صج على الاقل هالكلام بيخليج تحبين نفسج
ومن ابقى لج وبيحس فيج كثر ربج ونفسج؟
اما عن كلامج عن البنات انا ابدا ماحب الي يقولون جي ان البنات تغيروا وصاروا مو زينين وحقودات
ترا كلنا فينا عيوب وكل وحده فالمنتدى قالت انها زينه بس ربعها حقودات ووو
والله انا اعيش بمحيط كبير الي هو محيط الجامعه واتعرف على بنات واييييد والصراحه كلنا فينا عيوب بس ماشوف ان الناس واحد
مب حلو اغرس ببالي ان الناس جي وايد قبيحه من داخل لان انا عايشه بينهم
مريت بـ تجارب تستاهل اني اعزل نفسي واسوي دراما واكرهه الناس
بس ليش؟ مايقولج الجنه بدون ناس ماتنداس؟
هالـ ناس انا منهم بعد ودام اني اشوف نفسي زينه اكيد في غيري
ليش انا ملاك وهم شياطين؟

تصالحي مع نفسج وحبيها بتحبين الي حولج وشوفي الحياه بنظره ايجابيه وابتعدي عن التشائم والاحباط