انا غلط ولاهو جذاب؟؟؟؟

[أغلى أمنياته]

مرحبا











مرحبا يا بنات،،،
بغيت اسالكم سؤال وابي ردودكم عليه ،،،،
الريال لمن يقول للمره احبج،،يقولها صادق ولا لا،،
لان المره من تقولها تحسها بالقول والفعل اما الرجال لا،،
انا كان يقولي كلام كنت احس اني ملكه،،
بس لمن صارت مشكله بيني وبينه ـــ
حسيت اني غبيه شلووون صدقته ،،،
مادري نا اما اقول للي جدامي احبك اكون صادقه ،ماحب اجذب بمشاعري
[طبعا انا قصدي الزوج]:bbbiu:

 

[زوجة عزيز]

اكيد صادق شلي يجبره يجذب !!! ولو مايحبج ليش تزوجج وليش يخليج على ذمته وكل حياة زوجية فيها مشاكل ولازم يصير بينهم زعل عادي يعني بس بالاخير اتصافى القلوب والحمدلله

 

[أحلى عروس 2012]

ع حسب حياتو
تعرفينه من تعاملج معاه

ولا الكلام ماعليه جمرك

 

[qswa]

هالشي بيدج انتي اذا حسيتي انه من قلبه ولا لا

 

[Al-RoRo77]

اي صادق مو مجبور الريال يقولها لمرته لو اهيا مو غاليه عنده ولو مايحبها جان ماقالها وعموما افعاله تثبت حبه اكثر من الكلام
الكل يصير بينهم زعل بس مو معنى هذا يكرهج بيوم وليله اغلبنا لمن نعصب نقول كلام مو من قلبنا بس ساعتها من كثر ماانتنرفز ودنا نبرد حرتنا ونقهر الطرف الثاني !

 

[أغلى أمنياته]

يا بنات انا مشكلتي انصدمت من موقف صارلي معاه ،انا الحين انفصلت منه ودي افضف لكم بس سالفتي طويله ،،
معاي يا بنات؟؟؟؟

 

[مولاي الفرج]

عسى ماشر

 

[أغلى أمنياته]

انا بقول سالفتي،،
انا تزوجت من سنه ونص ،للامانه الرجال مو مقصر معاي وطاير فيني،ـبس كانت عندي مشكله كبيره كانت مأزمتني حيل ومخليه نفسيتي زفت،،انا مشكلتي يا بنات أثناء الجماعكانت رجولي تشد حيل،صار الدخول بس بصعوبه،،انا عبالي من الخوف وهو بعد،،بس المشكله اسنمرت 6شهور،،،
قبل العيد الاضحى بليله يا بنات كنا نسولف ومرتاحين مافينا الا العافيه،،بالليل اشوف الريال متعومس ،،سكت لين اخته طلعت من شقتي وجيته قلتله عسى ما شر شفيك جان يقب بوجهي ،،يقول انا بعرف انتي ماتبين تحملين قوليلي،،انا اشتريلج حبوب بدال هالحركات،هو عباله اني مابي احمل منه،،جان اروح غرفتي لانه هو قاعد بالصاله،،جان يجي الغرفه قال انتي تبين تزعلين ازعلي عند اهلج،،،وادخل على اهلي ليله العيد،،قعد لي 3يوم وردني،،
بس انا ما رديت الا لمن رحت عند دكتوره عشان تكشف علي،،رحت معاه عند الكتوره من رابع يو رديتله،،
الرجال انقلب علي مره وحده عقب كلام الظبيبه لانها قالتله غشاءها سميك لازم عمليه،،
ولمن رديت البيت ظول اليوم مايكلمني،،بعدين جيته قلت له انت ليش منضايق اذا تبيني اسوي العمليه بسويها،،قال شنو انا مو رجال والدم اللي طلع شنو ،قلت انا عارفه بس والله انا قصدي القا حل،،قال روحي ريحي عند اهلج يومين،،قلتله صج ما تستحي ماتحشم ابوي اللي ما صارلك اسبوع من رديتني،،واطلع لمن طلعت رحت عند اهلي ،،وايوم الثاني حرقني مسجات بالمحاضره انا احبج وابيج انتي وينج بالبيت ولا الجامعه؟

 

[sosa_23]

الله يكون بعونج وبعدين ؟

 

[أغلى أمنياته]

ورديت معاه يالينتي مارديت ،،قام يطقني طق وقت الجماع ،،احيان اقفل على نفسي باب الحمام،،والمشكله يقوم ثاني يوم ويتاسف،واسامح هو تمادى صار الطق يومي هو عباله جذي بتنحل المشكله،،والله يا بنات اني اقعد ابجي بجي وكنت مهاره،،
المشكله موبس هو حتى اهله قلبو علي لمن رديت له،،نزلن يوم جمعتهم وسلمت عليهم كلهم وجيت بحب راس خالتي ام ريلي جان تدزني بالغصب حبيت راسها قلتلها تعالي خن اكلمج برا قالت مو الحين يالله،،انا تفشلت وقلتلها على راحنج واصعد شقتي ،،لمن صعدت جا ريلي ونشبلي ليش ماتعشين خواتي كلهم تحت فشله ،،دان اقوله الموضوع وهوسكت ماقال شي،،وصارلي اسبوع على هالحاله،،مو راضي يوديني عند اهلي مدري ليش،،قعدت ابجي عنده جني جاهل عشان يوديني قال خلاص حبيبتي باجر لمن تطلعين من الجامعه اوديج تتغدين عندهم،،بس مابيج تنامين ،،وحلفته قال والله راح اوديج،اليوم الثاني بعدماطلعت من المحاضره الا هو موديني طريج بيتهم مو بيت اهلي قلت له هاذا مو طريجنا قال لا بس ناسي بوكي ولازم اعطيج فلوس وصدقته،،وقفنا عند باب بيتهم والا يقولي انزلي قلت شنو انزل الغدا عند اهلي اليوم،قال مافي روحه نزلي انا انهرت يابنات قمت ابجي بصوت عالي انجنيت والله احس نفسي مضغوطه حيل انا مشكلتي مجننتني ولاني عارفه السبب،،وهو جن وقعد معنه ماكان جذي،،واهله امه وخواته حاقريني عشان انا قلتله جدام امه انت ماحشمت ابوي،،باسبوع واحد قاطني مرتين،،وانزل من السياره واصعد شقتي منهاره ،،دقت امي قالت وينج ننجب الغدا قلتلها ابي ابوي يجيني بسرعه والا والله اطلع بالشارع يابنات شي نقزني من البيت ،،تخيلو علي عباتي ماقطيتها ابي اطلع مو عارفه شلون وابجي واصرخ جني مجنونه،،لما جا ابوي شافني اخترع قال انتي شفيج قلن طلعني انا بموت مني قادره اقعد اكثر من جذي‘‘نزلت انا وابوي جان ابوي يزفه قاله مو عيب تقول لعمك تبيها تعال اخذها لان ابوي دق عليه مابغا يجي علا ابونه بيستحي منه،،جان تنقز خالتي ام ريلي عند ابوي قالت شوف بنتك منو تبي صاكه رجولها عن الرجال انا يا بنات انهرت قمت ابجي واصرخ اطالعه ابيه ينكلم منزل راسه،،قلت انت مو رجال مرتك ينقال عنها الكلام هاذا وانت ساكت واطلع اروح السياره وابوي كلم الولد وامه،،ورديت البيت،،ابوي قاللي الولد يقولي ان رجولج تشد لازم اوديج عتد مطاوعه ،ولمن ودوني اثنين منهم قالو ربط،،، اكمل السالفه ولا لا؟؟؟؟

 

[كويتيه شماليه]

حبيبتي الرجال اذا عصب ابعدي عنه يقول بلاوي وينكر كل شي زين فيج
والله انا قايمه في بيتي وعيالي وماكان عندي خدامه وكل يوم اطبخ وشاطه عمري بس ابي رضاه
ويوم من الايام ماطبخت غدا كنت تعبانه والله عصب علي ويقول كل يوم مطاعم وانتي ماعمرج طبختي اصلاً كله اطلب مطاعم

انا فتحت حلجي انصدمت يعني نسى طبخي كل يوم واتعبي وبدون خدامه اخ اخ والله جرحني
وحسسني اني مقصره بس لمن هدا شوي قلت له قام يمدح والله كلهم جذي

وبالنسبه اذا تبين تعرفين انه يحبج تعرفين حتى من نظراته لج مو شرط يتكلم ويعبر

 

[MissChoco]

الله يعينج والله ,, بس اهوا ليش يقول حق امه المفروض هالشي بينج وبينه ماله داعي يقعد ويتحجى عيب هالشي حتى لو كانت امه لانه الحريم يمشون ويتكلمون ,,

حبيبتي كملي .. وشنو الربط مافهمت؟

 

[كويتيه شماليه]

كملي كملي حبيبتي والله توني اقرا ردودج الله يكون في عونج يارب

 

[أغلى أمنياته]

انا تصرفاته كلها كانت تدل انه يحبني ،،بس عقب حالتي مع المطاوعه،،قالو فيني ربط ،وامه دقت على جدتي اللي هي ام ابوي قالت بنتكم لا تقول في ولدنا انه مو رجال هي اللي ماتبيه،،وسالفه الربط امه مو مصدقتها عبالها احنا نجذب،،اقل من شهر جاب ورقتي،،
حزتها حسيت اني غبيه حيل يوم اني صدقته ،،شلون يتخلى عني بهالموقف،،انا ما قلت عنه انه مو رجال،،وانا كنت مضغوطه حيل ،،ظروفي الله العلم فيها،،بعز مشكلتي تخلى عني،،علا ابو اني قلت انه مو رجال ،،انا ماكان قصدي من هالناحيه،انا كنت اقصد شلون امك تقول هالكلام وانت ساكت هو ما يعرفني انا مو زوجنه؟؟؟
انا صاينه نفسي ما استاهل هالكلام ينقالي احسه ظلم / اللي يحب ما ياخذ قرار بوقت الزعل ما يقط اذنه للناس ما يتخلى،،
انصدمت صدمه الله لايوريها احد كل اهلي انصدمو منه،،قالو ماهقينا منه اللي صار،لانه تعامله وياي حيل زين،
انا مو زعلانه عليه لا والله،،انا متحسفه يوم اني صدقته بالمرتين اللي رديتله فيهم،،لاني صدقتته،انا كنت صادقه معاه،،ماكنت اقول شي الا واثقه منه ،،،بس من هالموقف خلاني اسال هالسؤال ليش يقول احبج؟؟؟
​

 

[كويتيه شماليه]

اهو من كلامج يحبج بس باختصار اللي خرب عليكم تدخلات امه شكو تتكلم وتقط حجي يمكن الرجال شكى لامه يبي يعرف يمكن اول مره جديده هالسالفه عليه بس امه ما استرت عليه وافضحته وهو منزل راسه منصدم من امه شلون تقول جذي

وحتى الطلاق ماتدرين هو قراره والا قرار اهله لان كثر الدق يفك الحام وانتي بعيده عنه ولا تكلمينه
*وبعيد عن العين بعيد عن القلب وقولي الله حسبي الله ونعم الوكيل والله يعوضج باللي احسن واخير منه ومن هالعايله

بشرينا انتي الحين ان شاء الله زينه

 

[أغلى أمنياته]

الربط انواع ،،اللي تنزف لمن يقرب منها ريلها وااللي تصكر رجولها ،،مثلي والله يا بنات من دون مبالغه جنها حديد ما يقدر عليها،،
والموضوع انا ادري انه حساس لانه اخوه ماخذ وحده من قرايبي،،واخوه فيه بلا ما جا مرته الا اول يوم بس وتطلقت عقب اربع سنين،،وامه خافت اني اقول ان في ولدها شي،،
واللي اكدلي انه سحر ،،اول يوم بعرسي يقول تدرين اني مانمت امس كللش قلتله ليش،،قاللي انه امج عقب ما حطت اغراضج عطت امي المفتاح وعلقته،،يقول ندوره مالقيناه،،وعقب شهرين من عرسي لقيناه بحوض الزرع اللي عند باب البيت،،​

 

[كويتيه شماليه]

الله يعينج حبيبتي الله العالم يمكن السحر ينحط لعيالها مو لج وانتي اثر فيج الله يعوضج خير واقري سورة البقره باستمرار والله نتائجها عجيبه الله يوفقج

 

[أغلى أمنياته]

امين يا عمري،،
انشالله الله يبعد البلا ولا يوري احد اللي شفته​

 

[miss swan]

الصراحه خالتج ماتستحي عيب عليها المفروض يوم صار فيج جذي تنصح ولدها يوديج الطبيب مو تكلم ابوج الريال عيب المفروض تتفاهم مع امج
بعدين شكو ربط السالفه غشاء البكاره عندج سميك
وهو ليش متضايق من نفسه وشاك بروجولته شالتخلف
هذا ماله شغل بالرجوله بصراحه اظلموج بس حقج محفوظ عند ربج انشالله​

 

[أغلى أمنياته]

انا اول شي ما طرا على بالي انه سحر ،،عبالي انه فيني شي طبي،،
قلت خليني اروح عند هالطبيبه مادحينها وايد يمكن تساعدني اثاريها تبي الفلوس،،
قالت اسويلها العمليه وتطلع ثاني يوم هو عيا،،وبعدين انا شكيت فيها شلون الغشاء سميك وطلع مني دم واجد موشوي،،
وامه خليها على الله الله بياخذ حقي منها وجهي صار احمر لمن قالت لابوي هالكلام حيل انحرجت من ابوي،،
اخر شي اتوقعه ان ابوي يكلمني بهالموضوع،،
بس ان لم تستحي فافعل ماشئت،،
الله يعوضني خير ،،
وينصرني على كل من تكلم فيني او ظلمني ياااارررب/​