شوفي حطي خفيف انا قبل نفسج بس قعدت اخبص صرت اعرف احط خفيف ويعجبني :
1- غسلي ويهج عدل
2- رطبيــــــــــــــــــــه بمرطب خفيف اذا ويهج دهني احرصي ما يكون دهني علشان لا يصير خشمج يبرق
3- حطي كونسيلر تحت عيونج واذا عندج اثار خفيفه مسحي مسحه خفيفه عليهم
4- عندج مو عجينه الحواجب لا انا عندي كريم ثقيل ماركه مكياج حق الحواجب احطه تحتهم
5- اخذي كريم اساسج وافضل يكون نظام ماكس فاكتور لانه استخدام يومي خاصه اللي ما يعرف
وحطي نقط نفس ما قالت اخت خالتهم
6- وزعي باسفنجه وايد احسن ترى دخلي بوز الاسفنجه صوب خشمج تحت عيونج علشان يوصل كل مكان
7- اذا بالبيت اكتفي بالكريم
8- الحين تعالي للعين ابدي حطي شادو لون لحمي خفيف على الجفن وفوق صوب العظمه حطي لحمي مع لمعه او لون فاتح ابيض خفففففففففيف غطي فيه الكريم اللي تحت الحاجب
9- حطي كحل عاد
10- رسمي حواجبج باي قلم تاتو عندج مال ماك يهبل اختي ما تعرف وصارت تحط فيه مع ريشته
عندج بعد يمدحون مال ماركه بوبا
11- حطي مسكرا وايد وتنشف وردي حطي بس قبل مشطي رموشج علشان لا يلصقون ببعض وانتي تحطين مسكار لفيها يعني ابرميها على قولتهم
12- تعالي حق البلاشر احمر الخدود اخذي لون لحمي على وردي هاااااااااااادي او مشمشي
واخذي بالريشه بعدين نفخي على الريشه علشان يكون لمسه بس وطالعي المرايه وابتسمي وحطي على الخدود البارزه من أعلى لأسفل خفايف
حطي لمسه خفيفه على حنجج وجبهتج علشان لا يصيرون فارقين باللون
13- في لمسات بالالوان انتي تقدرين تضيفينها
اتمنى ما نسيت شي وترى هذا ابســــــــــــــــــــــــــــــــــــــــــــــــط مكياج تقدرين تحطينه على طول
اذا تبين تخطين عينج خطه خفيفه انصحج بايلاينر ريميل عندهم ايلاينر بين القلم والريشه ثابت
علشان تتحكمين فيها
وحاولي تسوين سحبات خفيفه لا تكثرين علشان لا تصير تعرجات
-------------------- كل اللي قلته لج اشياء انا مريت فيها دايم وبعدني مو بروفشنال
بس قا عده اتعلم واشوف وبسوي وقت اطالع فيه يوتيوبات علشان اضبط شغلي
حالنا من حالج كل ابووووووووووووووووونا\\
موفقه
