انا طالبة ميداني وبسوي درس ريادي ( الابلات عموما وخاصة ابلات العربي ابتدائي ) حياكم

[أم فهد88]

شلونكم ابلات .. بعد اسبوع عندي ريادي

والناظره بتدش وبتعطيني تقييمي بو عشر درجات لان للحين ما دشت علينت ولا مره


وبالسبة للدرس راح يكون اعلام بلادي ... عن 3 شخصيات العجيري و الجناعي و الابابطين


بداية الدرس قررت بحط النشيد الوطني الكويتي .. وبوقفهم كلهم كنوع من التمهيد .... يعني شنو عطتنا الكويت ؟ وشنو. واجبنا

وتالي بقولهم شوفو هذيله الاعلام شسوو لبلدنا ...حلو التمهيد ؟؟

قلت للبنات يجيبون اعلام ويلبسون كابات الكويت و بروشات الكويت ...


و وبقولكم كل شي عالبور بوينت .... حتى الملخص السبوري والعنوان والتريخ ..

اول شريحه ترحيب بالحضور ؟

والثانيه الملخص السبوري فقققط اسئلة وهم ينقول وتالي الالتمهيد صور طيارات وراسمة علم الكويت عالسما والنشيد الوطني يعزززف


تالي نقرى الدرس ... وبحط الدرس على بور بوينت بسويله مسح وانزله بشريحه. و ويقرون من بليزر لان لازم تتبع البنت بمسطره ومع الداتا شو ما يصير عشان الظل !!!


وتالي حل الملخص السبوري

كل سؤال و اجبة بشريحة بروح واخر شريحة التدوين. ..

اجمع كل الاسئلة معع بعض واقولهم انقلوا


وتالي بحط كل شريحة سؤال

 

[شويمه]

حبيبتي التمهيد اللي حاطته حده مستهلك ومافيه شي جديد طلعي بنت وحطي داخل مريولها شرايط مربوطة مع بعض الشرايط بالوان علم الكويت وخليها تقول عندي بقلبي شغله معلقة وتسحب الخيط كأنها تطلعه من قلبها وتسأل البنات شنو تذكركم فيه هالالوان وناقشيهم ماذا أعطتنا دولتنا الحبيبة ؟ماواجبك نحو بلادك؟
والتقويم استخدمي مسرح عرايس أو لوحة الجيوب الملونة والنرد اللي تحذفه البنت وبحسب اللون يطلع لها السؤال
وحطي أغنية ترحيبية حفظيها البنات ياضيوفنا نحييكم اهلا هلا فيكم والحين نبدي حصتنا وعسى ربي يوفقنا وسلامتج معلمة لغة عربية ههههههه

 

[الامينة]

أبلة أم فهد، ممكن أقترح عليج فكرة بسيطة لكنها جديدة تماما و مبدعة

طالعي الموضوع التالي على المنتدى

http://www.q8yat.com/t842696.html

ممكن تحولين فكرة المسابقة إلى عنوان من سيربج مع الكويت مثلا ، أو من سيربح مع الاجتماعيات ،، الخ

موفجة يا رب

 

[(كويتيه عسل)]

وين مشرفتج ماتتكلم ؟!!

الميداني مايسوون دروس شكوووو قاعدين يستغلون ويقصون عليج

يبون يحطون درسج انجاز للقسم وانجاز للمدرسة يبون يترززون بمجهودج وعلى حسابج ويقصون عليج يقولونج نعطيج 10 درجات


أصلا 10 درجات اللي بايد الناظره ملوت الحصوز والتاخير والتزامج بالدوام فقط

وباجي الدرجات بايد مشرفج اللي من الكلية
90 درجه بايد مشرفة الكلية اهيا اللي تقيمج ومسؤله عنج
والناظره بس بايدها 10 ملوت الحضور والتاخير فقط

فهمتي لا تسوين لو فيهم خير خل ابلات المدرسة يسوون مويقصون عليج علبونه انتي بالميداني

 

[أثير88]

صــح كــلام كويتية عسل مية على مية
الميداني ما يسووون دروس على مستوى المدرسة
الابلات اللي عندهم يسووون أنتي مالج شغل
والعشر درجــات بس للحضور والغياااب
أنا كنت ميداني وما طلبوا مننا لا انا ولا البناات اللي كانوا معاااي
حـــــــــرااام يستغلونــج،،

 

[يامطوله صبري]

لا حبايبي خبركم عتييج

اغلب بنات الميداني مطالبين يا ورشة يا درس ريادي

انا ورفيجاتي كللهم سوينا درس ريادي ومن زمان هالكلام ومازال مستمر

ومنو قال المديرة بيدها بس١٠ ومشرفة الجامعة٩٠

اساسا الجامعة كلللش مالهم شغل ولايقيمون بس جذي اسم

الادارة بيدها ٢٠ والموجهة بيدها٤٠ ورئيسة القسم٤٠


وبالعكس تجربة حلوة وخصوصا وانتي ميداني

لان ماتكونين مضغوطة وتكونين فررش وافكارج حلوة

وعلى فكرة مايفرق الدرس الريادي عن برزنتيشن نسويه بالجامعة

ع الاقل الميداني تضمنين ال ايه وعن ٤ موااد

مو نفس الجامعة تقطعين عمرج ببرزنتيشن وفي النهاية مايعجب الدكتور وماتطلعين الا ب٥ درجات والمشكلة المقرر بكبره ٣ وحدات

<<<< بالهداوة شعندج شطحتي

بالتوفيق حبيبتي

 

[كل شيء عادي]

حبيبتي ممكن تخلين التمهيد عباره عن صندوق الكنز
وتجيبين صندوق بقفل وتحطين داخله مثلا علم الكويت
وتقولين لهم داخل هذا الصندوق كنز عظيم جدا نحبه جدا ياترى ماهو ؟!
وتخبين مفتاح القفل في حقائب البنات أو تلزقينه تحت كراسيهم
وتقولين لهم الصندوق مقفل ياترى اين المفتاح وتقولين لهم إنك خبيتيه في حقائبهم كل وحده تدورعليه
وتشغلين أنشوده مثل أنشودة هيا لنعمل وبعدين البنت تطلع الكنز وتخلين الصف كله يغني أي اغنيه عن الكويت وتعلقين العلم جنب الصبوره وتبدين الدرس
وبما أنك تدرسين ابتدائي خلي عرض البور بوينت مشيق للبنات حطي صور كرتونيه حلوه تتحرك عشان البنات يتحمسون وينتظرون كل شريحه
سويتها لطالباتي والبنات أنبسطو من الحصه والموجهه تقول عروضك ممتعه
الله يوفقك ياااارب
وهذي بعض الصور المتحركه

 

[أم فهد88]

كل شي عادي يعطيييج العافيه ....


افكارج تهبل و صورج اروع بس الفلاش ما يشتغل ان حطيته بالبور بونت ....


والميداني مو مطالبين بالريادي

انا سائله قسم الميداني بالتربيه الاساسية بس انا بسويه حشمه وقدر لمشرفتي لان

وحده من مشرفاتي الثنتين هي رئيسة القسم والثانيه من التربيه

ويستاهلووون خوش مشرفات لو يبون عيوني ترخص لهم ...

 

[أم فهد88]

وعلى فكره التقسيمه لبنات التربيه ١٠ ناظره

٤٥ لكل مشرفة التوتل ١٠٠
د

 

[أم فهد88]

=يامطوله صبري;24072359]لا حبايبي خبركم عتييج

اغلب بنات الميداني مطالبين يا ورشة يا درس ريادي

انا ورفيجاتي كللهم سوينا درس ريادي ومن زمان هالكلام ومازال مستمر

ومنو قال المديرة بيدها بس10 ومشرفة الجامعة90

اساسا الجامعة كلللش مالهم شغل ولايقيمون بس جذي اسم

الادارة بيدها 20 والموجهة بيدها40 ورئيسة القسم40


وبالعكس تجربة حلوة وخصوصا وانتي ميداني

لان ماتكونين مضغوطة وتكونين فررش وافكارج حلوة

وعلى فكرة مايفرق الدرس الريادي عن برزنتيشن نسويه بالجامعة




صح كلامج و عين العقل .. ومهو متعبني هالكثر اهو ريادي مو نموذجي

انزين اقولج رفيجتي ميداني و بتسوي نموذجي على مستوى المنطقه ؟؟ ورئاسة القسم الميداني بكليتنا بيجي و ما ادري منو بعد حةووووسه

والناظره وكلله

ع الاقل الميداني تضمنين ال ايه وعن 4 موااد

مو نفس الجامعة تقطعين عمرج ببرزنتيشن وفي النهاية مايعجب الدكتور وماتطلعين الا ب5 درجات والمشكلة المقرر بكبره 3 وحدات

<<<< بالهداوة شعندج شطحتي

بالتوفيق حبيبتي[/quote]

 

[عصير ليمون]

الميداني يسوون دروس رياديه ،، مو الكل لكن يطالبون وحده تكون مميزه شوي
تسوي ميداني ،، اهوا مو غصب ،، لكن اختياري
وحلو إنها تسوي وإهيا في البدايه ،،
ليش التحبيط وكسر المجاديف ،، خلو البنت تجتهد
وبعدين الناظره صح ما لها غير 10 درجات للحضور والانصراف وإهيا ما لها شغل بالميداني
يا رئيسة القسم أو الموجهه من الجامعه أو المعهد
وموفقه إن شاء الله

 

[أم فهد88]

عصير ليموون هههه ايه والله كسرو ميجاديييفي

الدرس الريادي درسي العادي ... اذا انا قادره اكسب فيه شغلات شكثر فليش العناد ؟؟؟

تبقى مرؤوستي ومفروض اطيعها و اذا اولها عناد واجي اقولها القوانين ... اجل شتاليتها ؟؟


هدو يا ابلات. ترى بعض المدرسات همي بالمنتدى تقدر تملك كل شيء بشغلات بسيطه ما اتعب ولا تاخذ من وقتها ابببد


بس ما يبون و كله مطنقرين ويتاففون

ولكم مني احلى ورده لكل اللي مرو علي موضوعي وشرفوني بردهم

 

[أم فهد88]

كل شي عادي

قولي أمين .. عسالله يوسعلج دنيا وأخررره أميييييييييين


الصور ركبتهم على بور بوينتي ...يجنننوووووووووون .. يلصفووووووووووون لصف ... خخخخ

أنا من قبيلة نحب البرقة و موجهاتي نفس قبيلتي خخخخ من حضي الحلو وأكيد بيستانسون عاالصور .. طلعو يشتغلون وبونهم روووووووعه

ومشووووووووووووووووووووق



يسلموووووووووووووووو

الأثنين درسي بخلص وبدش الموضوع أبشركم ...

يسلمووووووووو

 

[بنات حواء2]

يعطيكم العافيه البنات كفو ووفوا ودشي اخذيلج فره بموضوعي المثبت راح تحصلين فيه مجموعة افكار تساعدج

 

[درة أهل الطولات]

فكرة النشيد حلوة

انا اقول لا تحطين كل شغلج على البروربوينت بس الصور

وخلي باقي شغلج على السبورة

اذا خطج حلو​

 

[بنوتة طموحة]

الله يوفقج أختي أم فهد

أنا بعد ميداني عربي

وسويت درس ريادي الأسبوع اللي طاف بهالدرس

لكن التناول الرابع ( السلامة اللغوية )

وفعلا الدرس الريادي نفس حصتج العادية إذا انتي مجتهدة بس زيادة شغل حبتين

واسمه شوي يخرع

بس دربي البنات ع الدرس وحتى بعض الأسئلة

بس انتي ما قلتي أي تناول بتقدمين

ومو جنكم متأخرين حنا يوم الأحد نبلش بآخر درس

ورفيجتي بمدرسة ثانية هالأسبوع خلصوا المنهج

والله يوفقج إن شاء الله وتبشرينا عنج يا قلبي

 

[أم فهد88]

أانا بالحصة الثالثه من الدرس أعلام من بلادي وهو أخر درس ياقلبي

لأن احنا جدمنا درس نشيد العلم و خلصناه قبل

والأحد عندي الحصة الرابعه عساس الاثنين الدرس الريادي بالثالثه بس بعيد عليهم الثالثة يوم عطيتهم الثالثه

يوم الخميس خذو نص البنات متفوقات لحفل التفوق والصفففف يجيب الهم كله كسالى خخخخخخخخخ

جاني اكتئاب بغيت ابجي خخخخخخخخخخ

وخلاص

انتي باي حلقة بحث أدبي ؟ اي دكتور يمكن وياي ؟

 

[بنوتة طموحة]

أم فهد أنا عند د. معدي العجمي

وانتي ؟

 

[أم فهد88]

يعطيييكم الف عافيه .. توني من ساعتين مخلصه درسي الريادي


كنتت توووووووب وقالولي خذيت المركز الاول ... بين البنات ..... واااي حدي مستانسه ....



ما تقصرون يا كويتيات بنزل درسي ريادي


قالتلي يصلح نموذجي مو ريادي بس خخخخخ

 

[أثير88]

الف الف الف الف مبرووووووكــ
(أم فهد88)
ومنهااا للاعلــى وعقبااال التخرج والفرحـــة بالوظيفــة،،،
وعلى فكــرة يا ليت تنزلين الدرس خلينا نشوووفه ونستفيد منج،،،