انا ضعيفة الشخصيه جدام اهل زوجي ابي الحل

[ام عبدالله 76]

السلام عليكم بنات ابي منكم الحل انا ضعيفة الشخصيه جدام اهل زوجي واحس اني تعبانه حيييييييييييييييييل يقطون نغزات مااقدر ارد عليهم من ام زوجي والابو والحريم الحموان والحمات دايما اضحك ويوم تكون يمعتنا كل الشغل مو الطباخ لا انا احط الشاي والقهوا وووووو وحريم الحموان كلهم قاعدين وريلي مايقول شي اتهاوش معا يقول دافعي عن نفسج قاعده اقوله مااقدر ليش ماادري تعبت حتي قمت اهمل روحي حيل ترا انا عايشه معاهم واذا بغيت اطلع بيوم اليمعه يسووولي سوالف وحريم حمواني لو بغو يطلعون ولا احد كلمهم انا تعبانه ليش ماارد ولاادافع عن نفسي وريلي متضايق من جذي علشان مااعندي شخصيه

 

[عـيّــآره]

زين انه ريلج بس متضايق لانه لو ماتغيرتي مع الوقت بتلوع جبده منج

الريال مايحب يتزوج عشان يحس انه اللي معاه خدامه تخدمه 24 ساعه وتخدم اهله والظيوف

يحبون المره بعد لها شخصيتها واسلوبها وكشختها

محتاجه شويه كبرياء وعزة نفس باليمعه مو لازم انتي تنقزين اول وحده ترا مايقولون عنج سنعه يضحكو عليج

الزمن تغير الطيب

يدوسونه ويستغلونه ويشفطوون كل طاقته حطي في بالج انتي مو مهرج اليمعه اللي تطنز عليج ردي عليها

احترمي ام زوجج والكبار بالسن يقولون اللي

يبونه بحدود المعقول يعني الحنه الزايده وانه مايعبجهم شي هذا شي طبيعي اما اذا تقصدين فيه سب وتجريح كلميهم

بكل ادب انه هالشي يجرحج مع بوسة راس بتفتكين من نغزاتهم الكبار بالسن تكسبينهم بالحب

انا متاكده انه يوم تسمعين كلام يزعجج يكون فيه رد بينج وبين نفسج بس تخافين تقولينه بصوت عالي

مافي احد ينجرح وماتكون له ردة فعل

اللي بخاطرج قوليه وتكلمي لاتخافين اللي قدامج ناس طبيعين مثلج من طين مو ملايكه ولا رسل ​

 

[دلوعةمآمآ]

وعليكم السلام ورحمة الله وبركاته

الحمدلله مشكلتك مو مرره كبييره ،لكن علاجها عندك انتي

حطي شيء ببالك إن ضعف الشخصيه والطيبه ب هالزمن ماتنفع

يمكن انتي تربيتي ببيئه هاديه ومو حقين مشاكل ونغزات وجيتي عند ناس عكس اهلك

لاتسكتين عن حقك ابدا واللي يحرجك ردي عليه إذا مارديتي عليهم راح يطيحون فيك
عودي نفسك شوي شوي انك تردين
ومع الوقت بتتعودين إن شاءالله
قوة الشخصيه ضروريه في هالزمن
والله أنا مستحييل حد يتجرأ عليه ﻷنهم يعرفوني اعطي بالوجهه ولا يهمني الحمدلله

موفقه

 

[زوجة حياتي]

حبيبتي الحل سهل دشي غرفتج سكري عليج الباب اقعدي برووحج وفكري عدل شنو استفذتي من ورا طيبتج شنو استفذتي من انعدام الشخصية جدام أهل زوجج طبعا استفذتي وايد شغلات عوار قلب وحزن واستغلال وحاكرينج وغيره من السلبيات حبيبتي اصحي حق نفسج الي مايستحي منج لاتستحين منه ومايطلع فوق ظهرج غير الي انحنى ظهرج له لازم تتغيرين خليج قوية والي تغلط عليج لا تسكتين لها قولي الي بنفسج دائماً عبري عن شعورج الداخلي لا تكبتين مشاعرج وفصلاتج ادعي ربج انج تصيرين قوية الشخصية الله يسر امورج ياارب

 

[smo0o]

عياره أنتي كذا:eh_s(15):

دائماً تعجبني ردودج

و أنتي يا أم عبدالله لازم تصير لج شخصيه و هيبه
ترى الرجال ما يحب المره اللي شخصيتها ضعيفه
الله يعينك

 

[شادن33]

خذيها حبه حبه حاولي تتدربين على الردود
يعني كل وحده تعرفين شخصيتها وسوالفها سولفي بسوالف تعجب الشخصيه اللي جدامج
واذا وحده قطت نغزات عليج ردي بمسخره عليها مع ضحك عشان اتبينين لها انج فاهمتها يعني وحده بوحده
الا ام ريلج وكبار السن هذولا تحترمينهم لو خربطوا

اما عن تقديم الاكل لاتنقزين انتي بالاول انشغلي باي شي عيالج تلفون اي شي كل مره جذي بس طوفي مرات
عشان يتعودون
وبعد حاولي اطلعين شغله بهاليوم وتكون ضروريه عشان تعودينهم ان موكل يمعه ملزومه تكونين موجوده الدنيا اشغاااال

وريلج لاتعطينه سوالف الحريم وجذي موحلوه

وموفقه

 

[Patcholli]

:|

حبيبتي مو شرط ضعف شخصيه يمكن لانج قديمه وحسبت بنتهم ويعتمدون عليج وام ريلج تشوفج مثل ماتشوف بنتها الكبيره

لاتاخذينها من باب الاهانه اخذيها من باب الموده ..

واذا انتي متظايقه لاتنزلينلهم يوم اليمعه خل يزعلون وخل يعصبون مايشوفون شر ..

 

[M!SS.LOBY]

زين انه ريلج بس متضايق لانه لو ماتغيرتي مع الوقت بتلوع جبده منج

الريال مايحب يتزوج عشان يحس انه اللي معاه خدامه تخدمه 24 ساعه وتخدم اهله والظيوف

يحبون المره بعد لها شخصيتها واسلوبها وكشختها

محتاجه شويه كبرياء وعزة نفس باليمعه مو لازم انتي تنقزين اول وحده ترا مايقولون عنج سنعه يضحكو عليج

الزمن تغير الطيب

يدوسونه ويستغلونه ويشفطوون كل طاقته حطي في بالج انتي مو مهرج اليمعه اللي تطنز عليج ردي عليها

احترمي ام زوجج والكبار بالسن يقولون اللي

يبونه بحدود المعقول يعني الحنه الزايده وانه مايعبجهم شي هذا شي طبيعي اما اذا تقصدين فيه سب وتجريح كلميهم

بكل ادب انه هالشي يجرحج مع بوسة راس بتفتكين من نغزاتهم الكبار بالسن تكسبينهم بالحب

انا متاكده انه يوم تسمعين كلام يزعجج يكون فيه رد بينج وبين نفسج بس تخافين تقولينه بصوت عالي

مافي احد ينجرح وماتكون له ردة فعل

اللي بخاطرج قوليه وتكلمي لاتخافين اللي قدامج ناس طبيعين مثلج من طين مو ملايكه ولا رسل ​

:eh_s(7):كلامها عدل

 

[شــــــــــــــوقــــه]

بالعكس انتي ما فيج شي طيبة و سنعة و مؤدبة

المشكلة ان هالشي ما ينفع وسط بيئة جذي

طولي لسانج بس بالحق و بدون سب

يبيلج وقت على ما تستقوين

 

[*E.B.D.A.3*]

كعلاج نفسي حق هالشغله ..
والكلام لكل الي يعاني من نفس مشكلتج سواء متزوجه او لا
حتى بالحياة الطبيعيه تقدرون تطبقون هالتمرين ...

لمه تصير عزيمة وهالعزيمة تصير فيها مواقف، يقطون قطات وراح تسكتين !!
نطري ليمه تخلص العزيمة وتردين البيت وقبل لا تنامين ، ردي شريط العزيمة من يديد
وبدال ما تسكتين ردي ..
هالتمرين سويه مرة ومرتين وثلاث ... بكل دقيقه وكل ثانية وكل ماصارت عندج فجة فراغ
ليمه تتعوديـــن...
راح تلقين نفسج تالي تردين اوتوماتيكيا .. لانج اخذتي على آلية الرد وطاحت رهبه الموقف جدامج من كثر ماتعودتي تردين عليهم بينج وبين نفسج ..

وهالتمرين ينطبق على كل اشكال الحياة الاجتماعية بشكل عام ..
سواء الي عندها رهبة من المحاضرة ، من لقاء الوظيفه ، من مطالبتها بحقها عند اي جهة حكومية إلـخ .

 

[خوخة سمسم]

الله يحفظهم.
خل يزعلون ..يحشون فيج ..
شنو خسرانه..
اذا استمر الوضع الي انتي فيه بتخسرين ريلج ونفسج..
الثقه بالنفس تبدا من النفس..
قوي قلبج..
ومو لازم يمدحونج..
خليهم يفكرون باللي يبونه ويفسرون ع راحتهم..
واشتري راحة بالج

 

[شانيل 5]

شوفي يا قلبي لازم تغيرين شخصيتج عندج قسم تطوير الذات والله أعرف بنات نفسج تغيروا حيل وصارت شخصيتهم قويه

واسلوبهم روعة لا تقولين ما اقدر لا تقدرين إذا بغيتي

 

[Koko7taty]

الله يكتبلج اللي فيه الخير ويوفقج ويسعدج دنيا واخره

 

[ليدي بجد]

كلاام عياره. ملييييييييييييييييييييون بالميه سليم. ارجعي اقريه مليون مره وبطلييييي خدمه يابنت الناس

 

[انصاريه قمره]

الاحترام لام زوجج فقط ولا الباجي لا تسكتين عنهم خير انشالله ماخذينج مره حق ولدهم ولا خدامه مو عيب انج تدشين بيدج حلو ولا فطاير لكن العيب انج تخدمين وحريم الحموان قاعدين هذا اللي ناقص يا انكم اتساعدون يا بلاها واذا قطوا نغزات ضحكي وجنه مو عنج وقطي نغزات وين المشكله بالموضوع اذا اهم لسانهم متر انتي مترين بهالزمن الطيب ما ينفع الناس صاروا ذيابه يا كلون بعض والحريم مشالله خباثه وعوابه خلي لج هيبه ولا ترضين على نفسج انتي بنت ناس ماخذينج من بيت حموله لا اهم ولا اللي اكبر منهم يكسرونج ويكسرون شخصيتج وزوجج مشالله عليه مو نفس باجي الرياييل اللي يرضون على حريمهم مسكين متضايق ويقولج دافعي عن نفسج يعني اهو مو راضي عالوضع واهو ما يقدر يتدخل بينكم لانهم حريم وقوي شخصيتج انتي ام عيال باجر شلون بتمسكين بيتج وتربين عيالج وشخصيتج ضعفه مهزوزه من اليوم ورايح لا تسكتين ترا الريال ما يحب يشوف مرته ضعيفه الا جدامه

 

[انصاريه قمره]

كعلاج نفسي حق هالشغله ..
والكلام لكل الي يعاني من نفس مشكلتج سواء متزوجه او لا
حتى بالحياة الطبيعيه تقدرون تطبقون هالتمرين ...

لمه تصير عزيمة وهالعزيمة تصير فيها مواقف، يقطون قطات وراح تسكتين !!
نطري ليمه تخلص العزيمة وتردين البيت وقبل لا تنامين ، ردي شريط العزيمة من يديد
وبدال ما تسكتين ردي ..
هالتمرين سويه مرة ومرتين وثلاث ... بكل دقيقه وكل ثانية وكل ماصارت عندج فجة فراغ
ليمه تتعوديـــن...
راح تلقين نفسج تالي تردين اوتوماتيكيا .. لانج اخذتي على آلية الرد وطاحت رهبه الموقف جدامج من كثر ماتعودتي تردين عليهم بينج وبين نفسج ..

وهالتمرين ينطبق على كل اشكال الحياة الاجتماعية بشكل عام ..
سواء الي عندها رهبة من المحاضرة ، من لقاء الوظيفه ، من مطالبتها بحقها عند اي جهة حكومية إلـخ .

كلام سليم :rerrerek:

 

[ماكواسم2]

حبيبتي نظام الوضع عندكم يا ادوس يا انداس .طبعا ناس رديه

 

[نـعـومـه]

كلام عياره صح

والله والله والله الطيب الفقير ينداس صدقيني

يا انج تغيرين ويهج وتحطين حد

او ماتروحين يمعتهم كل اسبوع وصيري رسميه اذا موقادره عليهم

 

[ملوكة الامورة]

مو ضعف منك هذي طيبه كل واحد مايعرف يرد صار ضعيف لا
لازم تغيرين من نفسك
وطنشيهم واطلعي وادخلي
ولاتهتمين لكلام الناس
وحاولي تردين بالاول لو مزحه بس محرجه شوي
اكيد حفضتي الاشيا الي يحرجونك فيها
تدربي علي ردهم قبل ماتنزلين لهم ورردي بس بهدوء لاتعصبين
ولاعاد تقولين لزوجك شي
خليه يشوف تغيرك من غير ماتقوليله
واطلعي وادخلي علي كيفك واستمتعي بحياتك واذا قالوا شي قولي مشوار ضروري لازم اطلع
ومردهم يتعودون
الله يعينك

 

[متوترة]

لاتعيبين العوبا تعيبج وتخلي مافيها فيج

انتبهي قلبي طنشي والموقف الي يستاهل تردين ردي . وعقبه سولفي واضحكي
وخل يفهمون الي يفهون
وصكي دارج مو كل دقيقه قدام وجيههم الجمعه لاتنزلين روحي اهلك اطلعي اي احد لاتجلسين ببلبيت