انا سليمه وزوجي سليم هل ينفع التلقيح الصناعي؟؟

[tbola]

السلام عليكم ورحمة الله وبركاته

اشلووونكوم خواتي


الموضوع واضح من عنوانه الحمدالله انا سليمه وزوجي سليم ينفع نسوي تلقيح صناعي صارلي 8 شهور احاول احمل بس ماكوو ما الله كاتب تتوقعون يسير اسويها اذا احنا سليمين وهل نتايج مضمونه

والله انا وزوجي اشتقنا حق الضنا :yaaaaaarb:


وشكران

 

[قاهره عذالي]

رد : انا سليمه وزوجي سليم هل ينفع التلقيح الصناعي؟؟

اي يصير

يمدحون التلقيح عند السكينه كلينك عند د دميانه سعيد بالفروانيه

 

[@ام يوسف@]

رد : انا سليمه وزوجي سليم هل ينفع التلقيح الصناعي؟؟

الله يرزقكم الذريه الصالحه يارب

 

[i'am THE ONE]

حبوبه التلقيح رح يخلونك تنطرين سنه من زواجك وان شاء الله تحملين طبيعي

جربي المسك الاسود ( الغزال ) بعد الغسيل من الدوره جربتها وحده اعرفها عدلللللل و الحمدلله حملت

 

[tbola]

رد : انا سليمه وزوجي سليم هل ينفع التلقيح الصناعي؟؟

مشكورين خواتي عل افااده

 

[يا عيون سمي]

حبيبتي انتي شلون حكمتي انج انتي وريلج سليمين يعني سويتي كل التحاليل

 

[tbola]

رد : انا سليمه وزوجي سليم هل ينفع التلقيح الصناعي؟؟

اي يا عيون سمي انا سويت اشعه الصبغه الملونه وكل شي تمام ودكتوره اكشفت على رحمي وكل شي تمام واخذت منشطات وصار حجم البويضه زين بس همن مالله كتب الحمل

وزوجي مرتين خليته يحلل وكل مره يقولون لي مافي شي وودي تحاليله عند كتوره تقول كل شي اوكيه وانا من 9 شهور كنت حامل وطيحت وبعدين حاولت 7 شهور بس ماكو

 

[دلوعت مودها]

اخاف فيج هرمون حليب؟؟؟

 

[فرحه عمر]

اختي اي عادي ممكن وممكن بعد اذا سويتي كذا مره تلقيح صناعي ومانفع معاج ممكن تسوين اطفال انابيب
ولا تتخسرين بعيادات وسوالف الخاص اذا مراجعه من قبل بالخاص خليها تسويلج تقرير وروحي للصباح وايد يسونه ببلاش ومو بس كويتين حتى وافدين
الله يعز الكويت ياااااااااااارب ولا يغير علينا

 

[بنت السعوديه 1]

الله يفرحنا يارب

 

[استغفار]

سوي انا اعرف وحده 7 سنين ما حملت من التلقيح الصناعي حملت
كله بامر ربج وا نشاءالله ربي يرزقج ,,

 

[(أم نونو)]

رد : انا سليمه وزوجي سليم هل ينفع التلقيح الصناعي؟؟

الله يرزقج بالذريه الصالحه

 

[سعودية بالكويت]

الله يجبر بخواطرنا ويرزقنا الذرية

ويحقق حلم الأمومة عند كل محرومة

بالمنتدى وخارج المنتدى ..

عاد زوجي كان يبي نسوي التلقيح الشهر اللي فات

بس قلت له خلنا ننتظر شوية ونشوف أنا لي 11 شهر متزوجة

بس التكيسات مرتفعة حيل والدورة لازم حبوب عشان تنزل

وربكم كريم ..

اللهم كما رحمتنا بنزول الغيث أرحمنا وأجب دعائنا​

 

[tbola]

رد : انا سليمه وزوجي سليم هل ينفع التلقيح الصناعي؟؟

مشكورين خواتي عل حجي الي يبرد الجبد وسعوديه بالكويت انشالله مايعدي هالشهر الا تبشرينا اب حمالج

دلوعة مودها والله مادري اليوم سوولي تحليل يبون يجيكون على هرمون الحليب

 

[bint_looda]

اي يصير باذن الله ربي يرزقكم ويرزقنا الذريه الصالحه يارب