انا زوجه اولى والا ثانيه?

[عيني عليه]

بنات ادري الألم الليي انا بتكلم لكم عنه ماله حل. .. لاني وصلت مرحله الاستسلام للقدررر بعد ماجربت كل الحلول. ..

باختصار مشكلتي اني تزوجت مطلق عنده بنتين وانا كنت بنت وصغيره عمري 23 سنه بس وماناقصني شي ابد ..حتى الكل لمن سمع بموافقتي عليه اعتبرها تهور ..بس انا كنت حابته وشايفته قمه في المثاليه ومستعده اتحمل كل شي مقابل انه يعيشني بسعاده. . بس للاسف لاانا اللي قدرت اتحمل وضعه النفسي وضروفه الاجتماعيه ولا اهو اللي قدر يعطيني ويقدملي عطاااء مقابل اني اتحمل واقدم له تضحيات ...

مع اني كنت احبه حيييل وابي اعيش معاه الحياه بكل تفاصيلها. . بس اهو كان غرقان في حزنه ومضطرب نفسيا من وضعه ووضع بناته. لدرجه اني صرت احس اني عالم واهو عالم. .

كان يقولي احبببج وللحين يحلف انه يحبني. . بس شفايده الحب اذا النتيجه اللي قاعده اعيشه?

اللي قاعده اعيشه انه زوجي رجع طليقته ع ذمته. . وصرت اعيش مع ضرره. .

طلبت الطلااااق ورحت بيت اهلي كم مررره. . كان عندي منه ولد قبل يرجعها.. وبعد مارجعها ووسط المشاكل والهذره حملت ببنتي. . مادري ليش قررت احمل فيها. . اهي غيره والا عشان امسك نفسي لاااتهور واتطلق والا عشان البيبي يسليني وانسى والا عشان اخلي علاقتي بزوجي اقوى بالعيال. .. مااادري

بس بعد حملي اكتشفت انه الوضع صعب علي وغيرتي قويه وبتعذبني. . بس اهو رفض الطلاق قطعا وقالي تبين الطلاق عيالي اخذهم عندي. . رجعت غصبا عننني.

اهووو حييل قااعد يحاول يعوضني وكل شي ماكان يسويه لي قبل قاعد يسويه وكل اسباب مشاكلنا قبل قاعد يصالحها .. غير اعصابه اللي هدت ومزاجه اللي تعدل ونفسيته اللي صارت احسن.

بس انا اللي الحين صارت نفسيتي في الارض. . ولاني قادره استمتع بشي. . وافتقد وجوده واجد بما انه الايام صارت مقسومه. . واحس نفسي ظلمت عمري بهالزواج وكله اقول شفرق بيني وبين خواتي وربعي .. ليش كلهم يعيشون حياه طبيعيه مع ازواجهم الا انا ... انا مب ناقصني شي عنهم ليش انا غييير ??

والله لاناقصني جمال ولا نسب ولا تعليم ولا وضيفه. . كل غلطي اني استهترت بوضع زوجي لمن خطبني وكنت اتخيل انه اسهل بواااااجدددد من اللي شفته. .

زووجي مو فاهم انه هاللي صااار ذبحني ذبح وقضى علي ودمرني .. يقولي خليني ارتاح عشان اريحج. شتستفيدين لمن انا لج بروحج وانتي مو سعيده .. انا الحين انطفت فرحتي في كل شي. .

اقوول خلاص خلني اعافه بيني وبين نفسي واعيش لعيالي. . بس اشوف نفسي احتاجه نفسيا وعاطفيا. . ولمن ارجع له الغيره تاكلني اكللل تذبحني تدهور يومي كله. ..

اللي خلاني اكتب لكم اني نفاااس الحين وبيت اهلي. . والغيره ذابحتني لدرجه اني قاعده اصيييح .. لاني بعد ماولدت بنتي اقتنعت انه هذا زوجي ابو عيالي وحبيبي ليش اخلي وحده تفرق بيني وبينه ... بس والله مو بيدي والله الشعووور صعبببب ماني قادره اتحمللللله. .. وهم شرهتي ع زوجي شكبرررهااا. . اقوله شلووون تقولي تحبني وتعذبني هالعذااااب.. دام. ماتتحمل انك تطلق وتشوف بناتم مشتتين ليش الحين توك تستوعب يوم تزوجتني. .. حيييل تعباااااانه حييييل. ..
مادري الوم نفسي والا الومه والا الوم الظروف والا القدررر? ?

 

[qoot]

تحملي نتيجة موافقتج على ريال متزوج وعنده بنات
الومج انتي
الحين صار اللي صار
المفروض تحملين العيشه معاه خص انه اهو مومقصررر معاج بس الغيره اهي اللي ذابحتج
الحياة ماشيه والهم والنكد مراح يقدم ولا يأخر
اللي عليج انج تأقلمبن مع الحياة
لاتنسين انه اللي مريتي فيه جربته مرته الاولى واكثر منج بعد ف الشيء اللي ماترضينه على نفسج لاترضينه على الناس
وعسى الله يصبرررج كثري من الاستغفااااار

 

[randomy]

الله يعينج

هذا نصيبج.....انتي تزوجتي وتدرين عنده طليقه وبنتين


عيشي حياتج ...واستانسي

 

[ام اريج 22]

نصيبج انتي اخترت مطلق وعنده من طليقته اطفال كان حسبتيها من اول

 

[حشمه]

الله يعينج ويصبرج على الغيره

اخذتي مطلق وهذا نصيب عيشي الواقع

الحين انتي متاثره وايد نفسيا خاصه مع النفاس

حاولي تستغلين وقتج بالاذكار والاستغفار

قسمي وقتج بين نفسج واعيالج يوم يروح لها

خصصي وقت لج انتي بس شي تحبينه سويه

الاشياء اللي لما موجود ماتقدرين تسوينها

خلطات ولا غيره نظمي وقتج عشان لما يروح لها

تسلين نفسج لاتحرقين نفسج بالغيره والتفكير

الحين خلاص هذا الواقع

 

[قلب طفـــله]

ليش يردها يتعذر باليهال ولاحن لها !

اذا اهو يبيها ليش يتزوج ويبهدلج معاه اي حب هذا اللي يعرفه

قوليله اذا ع البنات خل تاخذهم امهم وتربيهم شالمشكله مافي احن من امهم عليهم وبتتحمل مسؤوليتهم

ماله داعي ترد خلاص ريلج تزوجج

الله يريح قلبج وان شاء الله تنحل مشكلتج

 

[فيلسوفة قلبي]

هذآ الواقع والنصيب إللي أنتي أخترتيه ..

كنتي مخيرة وأخترتي وعمر الزوآج ما يكون أجبار ..

الله يكون بعونج أرضي بقدرج والله يعوضج في عيآلج ..

 

[انت حب حياتي]

حبيبتي ما رح الومك واحكي الك ليش وليش لكن قدر الله وما شاء فعل هلا اللي صار صار لكن انتي فيكي تحسني وضعك مو علشان حد لكن علشان نفسك مثل ما قالوا الك الاخوات الفاضلات انو اشغلي وقتك بالعبادة وبتعلم هوايه جديدة وخصصي وقت الك في اعادة ترتيب حياتك صح اكيد رح يكون شي صعب في البداية لكن لو حطيتي هالشي براسك صدقيني رح تتغير نظرتك للحياة ... خصصي ايام تطلعي فيها السوق تروحين صالون تغيري لون شعرك حمام زيت والقصص هي ... اعملي ديكورات جديدة بايديك صقدقيني رح تسمتعي وتحسي نفسك بدك اياه يروح ويرجع الك مشتاق بايديك انتي كمان تجذبيه الك وبدل ما تخليه يهرب منك خصوصا انو عم يحاول يصلح من اخطاءه فلا تظلميه ولا تظلمي زوجته ولا تظلمي نفسك هي خطوات لو عملتيها رح تغير حياتك وعيشي الواقع ولونيه بالوان فرح والله يمسح على قلبك ويكون بعونك

 

[عيني عليه]

ليش يردها يتعذر باليهال ولاحن لها !

اذا اهو يبيها ليش يتزوج ويبهدلج معاه اي حب هذا اللي يعرفه

قوليله اذا ع البنات خل تاخذهم امهم وتربيهم شالمشكله مافي احن من امهم عليهم وبتتحمل مسؤوليتهم

ماله داعي ترد خلاص ريلج تزوجج

الله يريح قلبج وان شاء الله تنحل مشكلتج

والله الكلام اللي تقولينه اهو اللي يعووور. .عشان البنات عشان حن لها ربه اعلم باللي في قلببه. .بس اصلا شاللي يفرق دام دخلت زوجه ثانيه غيري حياته?

اهي بترجع لانها اصلا ماكانت تبي الطلاق .. وحده ع باب الله وحيده امها وابوها لاشهاده ولا وضيفه وحتى امها توفت في الفتره الاخيره .. وعندها منه بنات مابتقدر تتزوج غيره وبناتها بينوخذون منها اذا تزوجت. . يمكن ضروفها ذي اهي سبب قلقه انه بناته مالهم احد غيره الله اعلللللم.

انا وافقت عليه لان من عايله قريبه لنا ومن اول ماتزوجها يقول ماحبيتها مغصوب عليها لانها بنت عمته وبين كل فتره تصير سالفه ويقول بطلق ويرجعون لمن صار الطلاق في النهايه ..

السالفه فيها تفاصيل واجد ماقدر اسردها. .بس سبحان الله كان الله مرتب الاموور لرجعتها وكان كل شي كان ماشي عشان نوصل لهالنتيجه. .

انا غلطت لمن وافقت ع مطلق عنده عيال. . بس شلووون لازم ادفع ثمن هالغلطه طول حياتي?

 

[Royof]

حبيبتي

تعوذي من ابليس وهذا قضاء ربج تحملي و اصبري بتنفرج لا تقولين شلون لااا ادعي عليج بالدعااااء و الاستغفار والله بتغير حياتج للاحسن. بس التزمي فيهم

وتصدقي وترا الدنيا فانيه ليش قلبي تعورين قلبج وحالتج حاله عيشي دنيتج مثل ماهي واقبلي بواقعج وقولي هالدنيا ماراح اتم والالم ماراح يدوم و حاولي

تتقبلين وجود مرا ثانيه بحياتج ادري صعبه بس ربي بيهونها عليج ان شاءالله وعيشي لبنتج وولدج لا تخربين حياتهم مثل ما خربت حياتج وجيبي عيال وترا اهم

بيعوضونج لا كبرو وزعلتي ودمعت عينج بتلقين عيالج يمسحون الدمعه يعوضونج واااجد حريم نفس حالتج معاهم شريكه مو بس انتي

يا اختي والله مشكلتج ولا شي عند المشاكل الثانيه اصبري ان الله مع الصابرين وارجعي لربي وصلي الوتر محد من العالم بيده حل لحياتج غير ربج سبحانه

يفرجها من دون لا الانسان يعرف شلون ... الله يهون عليج ويرزقج راحه بال وقلبي

 

[mnor]

مشكلج الغيرة مو شي ثاني

ترا الغيرة شي بالبنت طبيعي

الحمدلله عندج ولد وبنت وهذي نعمه كبيرة وزوجج يحبج وهذي والله نعمه

عيشي حياااااتج ولاتفكرين بشي عشان عيالج يهون كل شي

ونصيحه مني اشغلي وقتج

 

[أدعج غنج]

حزنت على حالج يا وخيتي ...
والبنات اللي يقولون ان الغلطه غلطتج...ليش إن شاء الله ؟!!
وحده نصيبها مطلق عادي مافي اختيارها غلط...الغلط منه اهو من ساسه لي راسه ...اهي شدراها انه ما منه امان؟ وخذها على اساس اهي الحب والقلب والوحيده ...وعقب يغدر ويرجع طليقته !! ليش؟ بنات الحمايل لعبه عنده .؟ ولا هم لازم تتحمل وتسكت !!

ترا وضعها وضع اي وحده تزوج عليها زوجها ...سواء خذ طليقته ولا خذ وحده ثانيه

ماقول غير الله يعينج ,,ويمسح على قلبج .

يا تصبرين وتوجدين لنفسج حدود لمحبته يعني ما يكون كل تفكيرج بالشريجه بحيث انه الغيره ما تهدم حياتج معاه
يا تبتعدين عاطفيا عنه وتعيشين لعيالج واهو عطيه حقوقه ولا كأنه يعنيلج...مع انها صعبه جدا لأنج تحبينه. لكن تجربتج ذكرتني برفيجتي ..وكان خيارها الابتعاد العاطفي ..

 

[البابانه توته]

حبيبتي الله يمسح ويشرح لج صدرج

لاتزعلين من كلامي الغلط منج لانج وافقتي من البدايه
المهم صاار الي صاار

بس سالي نفسج زوجته موو ميته غيره منج !!

طبعااا بس متحمله وساكته عشان تعيش

عيشي حياتج وابتعدي عن كل شي يسبب لج الغيره

 

[عيني عليه]

ادري انه الغيره شي طبيعي. . بس هالشعور معكرر علي حياتي ومخلي ع قلبي مثل الهم اللي مخيم علي ومو مخليني استانس بشي. ..

اصلا وجوود انسانه تغار علي من زوجي شعور يجيب لي الغبنه. . استغفر الله يااارب. . ياليييت واحد من الاطراف الثلاثه يموت والله هذا الحل الوحييد.. ياانا اموت والا اهي والا اهوووو وافتتتك وافك غيري

 

[عيني عليه]

ادري انه الغيره شي طبيعي. . بس هالشعور معكرر علي حياتي ومخلي ع قلبي مثل الهم اللي مخيم علي ومو مخليني استانس بشي. ..

اصلا وجوود انسانه تغار علي من زوجي شعور يجيب لي الغبنه. . استغفر الله يااارب. . ياليييت واحد من الاطراف الثلاثه يموت والله هذا الحل الوحييد.. ياانا اموت والا اهي والا اهوووو وافتتتك وافك غيري

 

[عيني عليه]

اللي قالت لي انفصلي عاطفيا عنه. .. جرررربببت .. بس اهو قاعد يتقرب مني ويخليني ارجع له. .. واذا رجعت له تعبببببتت... لا اقدر اقوله ابتعد عني عشان اضل بعيده عنك. . لانه هم اني اشوفه يتغير علي او يقلب علي دماااار نفسي. ..

كل شي صعببب. .

والله يابناااات لو متوقعه رجوعه لو بنسبه بسيطه ماوافقت. .. حتى اهو اذا جا يبي يقنعني انه رجوعه عشان البنات يقولي انتي تدرين شلون تزوجت هالانسانه وتشوفيني ماقط طريت اني برجعها لا من قريب ولا بعيد. .وعشت معاج ماقط حسيتي اني عايش مع مره غيرج. . صدمنني بقوووه

 

[البـنـدري]

الله يعنيج ياقلبي

 

[N.o.d]

قربيه صوبج تكسبين قلبه وعقله

الله يجعلج مخرج ♡

 

[نـعـومـه]

شوفي عندج حلين

يا تسلمين امرج وتعيشين مع شريحة وتستحملين لان قرارج

او تهدينه ولو ان ماايد هالسالفه

وكلي امرج لربج وادعي الله يوخر عنج الغيره

وانا عندي شعور الثانية اهون لان الأولى ياب على راسها مرا

 

[عويتقة]

انتي ودك تعجزين ويبان الهم عليك انتي نفساء يعني اهتمي بروووحك وبنفاسك واستغلي الوقت بالاستغفار والاذكار والدعاء انتي مو اول وحدة ولا اخر وحدة خلاص اهتمي بروحك وكوني لامبالية مشان ما تعجزين قبل الوقت ارضي بنصيبك انتي مالك دخل هاذا نصيب من عند الله قولي الحمد لله وعيشي حياتك انتي بس فكري يعني بشو راح يفيدك الحزن بولا شي بس راح يعطي فرصة لضرتك انها تبرز مهاراتها في جدب الزوج لها يعني راه يجي عندك يلاقي الحزن والاسى ويمشي عندها يلاقي الابتسامة والعيون الي تلمع لا والله مايكمل مرادها خلاص يا عمري انسي واهتمي بروحك وبجمالك وخللي حياته خارج بيتك ماتهتمين حاولي انك ماتهتمين ماتخلي تفكيرة يكون لها وهو عندك لا ايااااك والله يطفي نار قلبك ويتلطف فيك يااارب