انا حامل ومعااي ( ثواليل ) بالمنطقه الحساسه من قبل لا احمل

[مهايا]

السلام عليكم

بنات بإختصار ,, من قبل لا احمل بشهور , معاي ثواليل بالمكان الحساس على الجلد
كانت وحده وحسبتها حبه عاديه وبعدين صارت تتكاثر والحين تقريبا فيني ثمانيه
ومادري شنو السبب .. اول مره يصير معاي جذي

ادعولي بالشفاء الله يجزاكم خير

سؤالي يا بنات وين اراجع بهالحاله؟؟ الجلديه او امراض النسا او وين ؟؟
وظنكم يصير اسوي كوي وانا حامل ؟؟
او اللي تعرف له علاج تفيدني

شكرا

 

[مسك اسود]

اسال الله العظيم رب العرش العظيم ان يشفيج
ويشفي جميع مرى المسلمين
اللهم صلي على محمط واله وصحبه اجمعين

 

[مسك اسود]

اللهم صلي على محمد واله وصحبه اجمعين
وسوري على البدليه

 

[آخر حبيبة]

حبيبتي انصحج تروحين عند دكتورة نسا وولادة وتطمنين وان شالله ماكو الا العافية عادي الفواليل خارجية ما تاثر حتى لو سوولج كوي بس ان شالله ما تحتاجين يا قلبي

 

[اخت خالتهم]

مهايا انتي وينج عن التجمع
بخصوص الثواليل اذا بجسمج عندج ثالوله او عند ريلج و استخدم نفس الليفه بالحمام يمكن يعادي المنطقةاللي تحطينها فيها

ماعندي فكرة و ناطرينج بالتجمع

 

[ناتشوو]

اظن انها تكون عدوى من الزوج
ولا تحاتين راجعي طبيبة النسا وبتقول لج
كل شي سهالات
واذا فعلا عدوى حتى الزوج يراجع بعد جلدية

 

[RO0O7Y KUWAITYA]

الله يششششفيج يارب

 

[none2012]

أنا كان فيني 3 من برا صغار
وعطتني دكتورتي كريم اسمه الدارا كريم وحطيته لمدت 6 أيام يوم وترك وطاحو ؤماطلع مكانهم بس اكتشفت أن فيه 3 من داخل

وشافتهم بالمنظار قالت المنطقه ضيقه ؤماقدر أسوي لج كي وراح تولدين قيصري هالكلام كنت بالشهر 5
ودعيت الله بالرمضان وكنت أقوم الليل وادعي واغسل بمره كل مادخل الحمام عزج الله. وطاحو بروحهم وكشفو علي 3 دكاتره بعدها قالو مافي شيء المنطقه نظيفه وخلاص بتولدين طبيعي. والحمدلله أنا الحين بنهاية التاسع. والثواليل طاحو بالشهر السابع على نهايته

عليج بالدعاء وروحي دكتورتج واشرحي لها الوضع
ؤلاتستخدمين أي كريم إلا إذا قالت لج الدكتوره عنه

فيه كريمات تضر أنتبهي
وترى الثواليل تكون عدوه
خلي زوجج يفحص بعد

وإلله يشفيج

 

[none2012]

وترى سهالأت بإذن الله لاتحاتين
أنا يوم طلعو لي أحس الدنيا صارت سوده
و24 ساعه أفكر فيهم وأدور بقوقل
حيل كنت أحاتي

لاتحاتين كل شيء سهل بإذن الله

 

[قشطـــة]

الله يسهل عليج إن شاءالله ويشفيج

 

[ام*فيصل]

ما تشوفين شر وروحي لطبيبة نساء

 

[شوارفسكيه حمره]

أنا فيني وحده وخايفه تتكاثر الله يستر

 

[أم زايد ويزن]

الله يشفيج حبيبتي
راجعي دكتورة نسا وولاده

 

[مهايا]

الله يجزاكم خير حبيباتي
ان شاءالله براجع ...

الله كريم ..

 

[الجرووح]

لا لاجازفين تسوين كوي ترا يحمي طلق انا بالبدايه شكو فيني تواثيل وانا حامل. بسادس محد عارف شنو فيني ثواليل ولاحبوب عتديه كل دكتور اقولي شي وكنت اراجع عنذ دكتور محمود الاسطل والله اهو الوحيد اللي عرف لي وقالي شنو فيني - رحت صباح تخيلي اقولي دكتور يا اسوي فحص حق عنق الرحم عشان اخذ مسحه من عنق الرحم واعرف اذا فواليل ولا اسف مافخص قتله انا خامل شلون اخاف جيي الماي ينبط ونت تاخذ عينه اقول على مسؤليتك وتهاوشت معاه وطلعت لاجارفين تسوين كوي بعد الحمال ونصيحه اللي فيها ثواليل منطقه تناسليه لازم تولد قيصري لان اخافون على عيت الياهل

 

[الجرووح]

وسامحيني طولت عليج بس نقلت لج تجربتي وادعي لي جزاج الله خير. ان الله يشافي بنوتي

 

[شقآوه أنثى]

اسأل الله العلي العظيم الشفآء لكِ ولجميع مرضى المسلمين يــأ رب

 

[ظبية بوظبي]

وي @@
انتوا تخلون دكاتره يكشفون عليكم من تحت !!!!
حسبي الله عليكم

 

[none2012]

8

حبوبه شنو حسبي الله عليكم ؟

وهالامور مافيها غشمره أو تهاون
لأن إذا كانت حامل وفيها الثواليل لازم تتعالج
عشان البيبي ماينعدي

يعني ضروره حتى لو كشف عليها دكتور دام مإحصلت دكتوره تكشف عليها وتفهم بالأمور
خصوصا اللي يراجعون عند الحكومه الشي مو بيدها

أما الأمور الثانية مثل سونار ؤغيره من خياط ؤخرابيط أنا معاج مايكشف عليها دكتور

أتمنى تعدلين ردج
والضروره لها أحكام

مو معناتها كشف علي دكتور مأخاف ربي


بدال هالكلام ادعي لها مو تدعين عليها وعلى غيرها

 

[zain-alq8]

كانت عندج وحده قبل اكثروا لانج حامل ويسونلج كي اخر شي اذا مانفع العلاج بالكريمات والله يشافي الجميع