انا حامل وبنفس الوقت فيني كيس مبيض ثاني بدون جنين .. عادي ..؟

[ام القمرالمطيري]

السلام عليكم

انا حامل وبالشهر الثالث .. بالشهر الثاني سويت سونار وقالتلي الدكتوره سكينه عباس فرمن

انه فيني كيس مبيض بدون جنين .. شفته بالسونار وكان حجمه اكبر من حجم الكيس الي فيه الجنين

قالتلي لاتحاتين وان شاالله يروح طبيعي ولي موعدج الثاني بنشوف .. وموعدي بهالاسبوع

وسالتني هل اخذتي منشط مبايض قلت لأ

ووحامي بهالحمل اقشر ومختلف حيل عن حملي ببناتي

لدرجه اني مرات مااقوم من السرير ومرات باليوم الواحد كل الي اكله ارجعه .. ومااحب اشرب سوائل

وهالشي اثر ع دوامي بس مايحسون ولايرحمون

انا ودي افهم شنو اسباب الكيس .. واشلون يروح وهل يضر الجنين او يضرني

الدكتوره كانت مستعجله ماحسها شرحت لي بشكل وافي

وجزاكم الله كل خير

 

[sunny side]

رد : انا حامل وبنفس الوقت فيني كيس مبيض ثاني بدون جنين .. عادي ..؟

وعليكم السلام

والله ماعندي فكرة حبيبتي .. ان شاء الله البنات يفيدونج

عسى الله يقومج بالسلامه وان شاء الله مافي الا العافيه لاتحاتين

 

[مناوووي]

رد : انا حامل وبنفس الوقت فيني كيس مبيض ثاني بدون جنين .. عادي ..؟

ان شاااااااااااء الله خير


والله يتمم عليج

 

[يستاهلكـ الـورد]

انن شاء الله مافيه الا العافيه


يمكن توئم؟؟

 

[ام القمرالمطيري]

جزاكم الله كل خير

لأ مو توأم الكيس الثاني فاضي واكبر من الكيس الي فيه الجنين

تسلموون ياارب

 

[الحنــونــة]

يمكن موو فاااضي تووج بالثالث
ان شاء الله تؤؤم بس مو مبين الثاااني
بيسووويلج مفاااجاءة لوووووووووول
الله يهوون عليج
رووحي لمستشفى ثاني

 

[ام القمرالمطيري]

هههههههههه هذا كلام امي وزوجي

تهقين بديت اشك

بروح لمستشفى السلام

جزاج الله كل خير

 

[دانة بعين بحاري]

رد : انا حامل وبنفس الوقت فيني كيس مبيض ثاني بدون جنين .. عادي ..؟

اذا بخاطرج توم ربي يرزقك
شوفي حبيبتي أنا كان عندي كيس عالمبيض وانا حامل والدكتوره قالت لي عادي راح يروح بروحه وفعلا راح وانا الحين بالخامس

 

[ام القمرالمطيري]

زوجي يتمنى توأم صبيان

انا اقول الي من الله حياه الله

مع انه بقلبي ودي بولد بس

دامه فاضي الكيس ان شاالله يروح لانه مخوفني لاني بحثت بالنت وقريت مرات مايروح الا بعمليه

جزاج الله كل خير وربي يسهل عليج

 

[sweet fashion]

ام قمر حبيبتي
انا كان فيني جذي قبل لااجهض قالت لي انيتا انتي فيج جيس ماي على المبيض وورتنياه
وقالت مافي منه خوف يروح من نفسها ينفجر وماياثر على البيبي وينزل
واذا ماانفجر وكبر بحزة الولاده نسوي لج قيصريه ونشيله عادي مامنه خوف ان شاءالله
بس انتي تابعي مع دكتور متخصص اكثر
والله يسهل عليج ان شاءالله

 

[ام القمرالمطيري]

جزاج الله كل خير شكلي جد بشوف اختصاصيه افضل

والله يفرج همج ياقلبي

 

[&موناليزا&]

رد : انا حامل وبنفس الوقت فيني كيس مبيض ثاني بدون جنين .. عادي ..؟

هلاوالله حبيبتي

حبوبه هذا كيس ماي عاااااااااااادي يروح بالشهر الرابع

موووووووو توأم

التفسير العلمي لها :
ان طلعت منج بويضتين ماشالله ووحده منهم ما اكتمل نموها وضمرت وصار فيها ماي والثانية تلقحت

وراح ينفجر بالشهر الرابع من غير ماتحسين فيه

 

[ام سعيد]

قوة حبيبتى انا نفس حالتج بالضبط وكنت عند سكينة بعد وقالتلى عادى ينزل من نفسة وفعلا تم حمالى ولدت ولادة طبيعية والكيس مالة اثر لاتحاتين ولاتكرين فية واللة وضع طبيعى واتمنى اكون افدتج:eh_s(8):

 

[أنفاسي دخون]

ان شاء الله ما فيش الا العافيه بس لا تحاتين

انا وحده من رفيقاتي كان فيها كيس ماي اكبر من كيس الجنين وقالت لها دكتورتها بالشهر الخامس اسوي لش عمليه صغرى نشيل فيها الكيس وسبحان الله يوم راجعت عشان تبلش بالاجراءات وسوت سونار والا الكيس مختفي وماله وجود

وزميلتي بالدوام حامل وكل شي سليم وتمام التمام بوقت الولاده نزل كيس صغير لجنين ما اكتمل وما كان يبين بالسونار كلش والحمدلله ما اثر على البيبي

انتي خلي ايمانش بالله قوي وما يصير الا كل خير

وطمنينا عليش حبيبتي

 

[سنفورة24]

رد : انا حامل وبنفس الوقت فيني كيس مبيض ثاني بدون جنين .. عادي ..؟

لا تحاتين عادي انا كل ما احمل يطلعلي وهالمرة اثنين مو واحد بس الحمدالله صغر حجمهم بس انتي الحين بالثالث وضعج يختلف اذا وايد كبير لازم يشيلونه بمنظار غيري دكتورتج لان بعدين يضايق الياهل

 

[ام القمرالمطيري]

جزاكم الله كل خير وربي يوفقكم ويسعدكم ويسخر لكل وحده زوجها لكل من ردة علي فديتكم

انا لي 15 يوم ويمكن اقل شوي بالثالث

كنت براجع الدكتوره معصومه مبارك بمستشفى دار الشفا ( دكتوره سعوديه مو عضوة المجلس )

بس مواعيداها بعيده المواعيد الفاضيه لشهر ا11

المهم رحت لسكينه وسويت سونار والحمدلله صغر حجمه حيل لدرجه اني مالاحظت الكيس عدل


وقالت مثل كلامكم بيختفي من نفسه

جزاكم الله كل خير

 

[Miss-_-Fl0wer]

الحمدلله انشالله يختفي تماما حبيبتي

 

[ام القمرالمطيري]

ان شاالله ياقلبي

جزاج الله كل خير وربي يوفقج