انا حامل وبليز وابي تفسير حق حلمي

[برستيج دلوعه]

السلام عليكم ..



هالحلم قاعد يتكرر عندي بس مو كل الحلم ! لا بس (العيوزه) كل مره تيني وانا حامل بس !


حلمت اني بره عند الفريج بدش بيتنا ولا اشوف مره عيوووووووووووووز لابسه نفس عباية الراس قاعده تحت مظله وكرسي اللي ملوت الباصات وكان ظلمه وصخه وبليل و ويها ما يبين عدل ! ياتني جان اتقولي انتي حامل (بولد) !! فابتسمت وقلت لها لا صج !! ؟؟
معنى انا ادري اني فيني ولد بس سويت روحي ما ادري !! فمشيت عنها ورحت داخل البيت ..


وانا طالعه ... جان اشوفها موجوده بس هالمره كاشفه ويها وقاعده تقرب مني ! جان تقولي للمره الثانيه !!! انتي حامل (بولد) ! اهني ((انا عصبت وبنفس الوقت خفت منها لان قربت و لاني تذكرت ويها وكل ما احمل لازم احلم فيها)) معنى ما اعرفها بالصج بس تيلي بالاحلام !! جان افز بويها قلت لها انتي شتبين ليش كل مره تيين تقولين لي وخري عني .. من الخوف عبالي بتسوي شي او بتحسدني او تسحرني لان ما ارتحت منها هالمره !

جان تقوم تقرب مني حييل وتحمق بويهي وبققت عيونها حيل وتعابيرها مصدوومه مني !
ولا تقول : انا احسدج ؟؟؟ انا عيني عليج ؟؟؟ (مادري شلون درت اللي فقلبي) ولا تقضبني حيل من جتفي وتهزني حيل حيل وتصرخ وتردد نفس الكلام بصراخ اقلبت 180% !! حيل خفت وتضايقت منها !!


وبعدها قعدت من النوم تعوذت من الشيطان ... وقاعده اسمع اذان الفجر !!

-للعلم .. كل ما احمل بس تيي تبشرني وتقولي انتي حامل ب(بنت) او (ولد) وتروح !
بس هالحمال غير طولت معاي وعصبت علي ! وحيل حيل انا خايفه منها !



جزاكم الله خير ممكن تفسرون لي الحلم ؟؟؟

 

[دلع العتبان]

هلا حياتي



بالاول اتفلي على يسارج وتعوذي دووم من ابليس


ثاني شي عليج بالبقره طول ماانتي حامل والاذكار والمعوذات السحره ماتقدر على هالاشيا كلها


ثالث شي هالمره العيوز والله اعلم وادرى نفس شخص او نفس مره والاصح مره حاطه عينها عليج كل ماحملتي ومن تزوجتي والله اعلم وكيدها ضعيف لانها عجوز لو صج طلعتلي شابه العجوز دليل على انها ماتقدر تسوي شي ومافيها حييل معاج ومع اذكارج وقراءتج


الي ابيه منج حياتي انج ماتتركين البقره ابد والاذكار واعوذ بكلمات الله التامه كل مسا وصبح وماعليج شر ولاتخافين منها ابد وقبل لاتنامين توضي ونامي على طهاره وعلى الاذكار والله وياج حياتي والله اعلم وادرى



موفقه والله يقومج بسلامه