انا حامل واعظامي ذابحتني احسها قاعد تقطع وتتفتت من الالم

[*وردة نرجيسية*]

صباااااااااااااااااااااااااااااااااااااااااااااااااااااااااااااااح الخير
بنات انا توني داخلة الثامن وصارلي اسبوعين وداخلة بثالث
وانل احس بتقطع بعظام قفصي الصدري وظهري مع شد بالفخذ لين وروكي عذاب احس
عظامي تعبت مت مت ماقدر اقعد سجاجين بعظامي بس ابي انسدح ولو انسدح وما ارتاح بعد
الحمدلله علي كل حال بس بنات تكفون منو نفسي تساعدني انا ماشرب
حليب ماحبة وماكل شي مفيد بس عيش وبطاط وحلويات هذي عيشتي
الدكتور قالي اكلي حبتين كالسيوم ياربي انا اكل كالسيوم
بس ماكو فايدة تكفون منو صارلها نفسي تفيدني الله يزاها الجنة​

 

[*وردة نرجيسية*]

شدعوة 29 وحدة ادخلت ولا وحدة ردة
وينكم بناااااااااااااااااااات

 

[_Pure_]

مادري انا نفسج بنص الثامن بس مافيني ذاك العوار اللي يذبح اتعب اي بس مو لي هالدرجه

بس انا اغصب روحي اكل اكل مفيد من اول ماحملت بس ما اشرب حليب بس على حبة الكالسيوم

اخاف ليش وزنج زايد و لا ليش بطنج وايد كبير؟ و مسوي ضغط عالعظام يمكن

الله يسهل عليج و عليي

 

[miss-winter]

الله يعينج يارب بس ماعندي فكره الله يهون عليج

 

[غنوة ستايل]

شربي لبن او روب او موز
عشان الكالسيوووم
ترا مو زين والله يصير فيج هشاشه بالعظام
الياهل ماخذ كفايته ماخذتها سبحان الله بس انتي اللي بتاكلينها بعدين وضروسج اطيح ..

 

[دآنة آلرشآيده]

الله يعينج
هذا نقص كالسيوم
حاولي تشربين حليب كاكاو او موز او فراوله
مو شرط الحليب العادي

 

[أحلى الألماس]

نفسي بموت من العوار وودي انسدح واذا انسدحت
هم ماارتاح عذااب وانا ما اشرب حليب وحبة الكالسيوم
مو كل يوم اعتقد نقص كالسيوم

 

[Jinan]

نقص كالسيوم

سوي تحليل دم وتاكدي من نسبه الكالسيوم

يمكن محتاجه لحبوب كالسيوم فواره مو حبوب عادي

 

[لوكي 22]

مافيج كالسيوم الله يهديج ماتشربين حليب وتبينه مايعورج
اي شي فيه كالسيوم حيلج فيه

 

[*وردة نرجيسية*]

مادري انا نفسج بنص الثامن بس مافيني ذاك العوار اللي يذبح اتعب اي بس مو لي هالدرجه

بس انا اغصب روحي اكل اكل مفيد من اول ماحملت بس ما اشرب حليب بس على حبة الكالسيوم

اخاف ليش وزنج زايد و لا ليش بطنج وايد كبير؟ و مسوي ضغط عالعظام يمكن

الله يسهل عليج و عليي

الله يتمم عليج بالصحة والعافية ويسهل علينا وعليج
لا والله يختي لاني متينة ولا لي بطن جني بالخامس موبثامن​

 

[*وردة نرجيسية*]

الله يعينج يارب بس ماعندي فكره الله يهون عليج

الله يزاج خير:aha:

 

[*وردة نرجيسية*]

شربي لبن او روب او موز
عشان الكالسيوووم
ترا مو زين والله يصير فيج هشاشه بالعظام
الياهل ماخذ كفايته ماخذتها سبحان الله بس انتي اللي بتاكلينها بعدين وضروسج اطيح ..

بس ياربي الموز يجيب المساك وما ودي اكلة لان حبوب الفيتامينات والحديد عزالله لسامع تيب الامساك وعصر بالخروخ
بحول اقصب عمري علي الروب والحليب معن رمضان والنفس مسدودة مالنة نفس للأكل معن الخير وايد اللهم لك الحمد النفس وماتشتهي​

 

[*وردة نرجيسية*]

الله يعينج
هذا نقص كالسيوم
حاولي تشربين حليب كاكاو او موز او فراوله
مو شرط الحليب العادي

اي والله ذكرتيني الله يذكرج بالخير عاد انا احب شي اسمة حليب بالموز لازم اشتري وافترسة لوووووووووووول​

 

[*وردة نرجيسية*]

مافيج كالسيوم الله يهديج ماتشربين حليب وتبينه مايعورج
اي شي فيه كالسيوم حيلج فيه

اي والله الظاهر مافيني كالسيوم لان قبل حملتي كنت من الخامس وانا امووووت موت من اعظامي وصحتي كانت تعبانة ماقدر امشي وتحرك واعيش يومي كلش هلكانة وماكنت اعرف شي اسمة نقص كالسيوم معن كل يوم بالليل تييني تشنجات بعظم فخذي واصيح منها وانا نايمة وبعد الولادة راح كل شي بس هم اعظامي ماعادت نفس قبل قلت قوتها حيل والحين بهالحمال تو ياني هالعوار من 3 اسابيع وكل مالة يزيد الله يستر​

 

[*وردة نرجيسية*]

نفسي بموت من العوار وودي انسدح واذا انسدحت
هم ماارتاح عذااب وانا ما اشرب حليب وحبة الكالسيوم
مو كل يوم اعتقد نقص كالسيوم

يا عمري الله يشافيني ويشافيج لا لا خلاص لازم مانسكنت انا بحاول اشرب حليب بالموز واكل 2حبة كالسيوم وبنشوووف ردود البنات الي نفسنا ان شاء الله نستفيد من تجاربهم​

 

[*وردة نرجيسية*]

نقص كالسيوم

سوي تحليل دم وتاكدي من نسبه الكالسيوم

يمكن محتاجه لحبوب كالسيوم فواره مو حبوب عادي

هلا فيج والله نيتي بسوي تحليل كالسيوم بس ياة الرمضان ومالي خلق افطر عساس تحليل دم مايسوى ولا دكتور محسن يحن علي بتحاليل وانا معطيتة طاف​

 

[ZOHOR]

والله انا لي ذابحني اعظامي بعد وخاصة ظهري كله واسفل ظهر يذبح حييييييل لا اقدر اقعد ولا اوقف وااايد حتى نوم ماارتاح وبليل ما احب اكل مادري ليش يمكن بفك كاكاو او ماي بس خو ريلي كله تعورني بعض المرات ..


بس الالم ظهر لي موعارفة شسوي حقة يموت ..

ماتحبين حليب مثلي اكلي مع كورن فلكس ..

 

[*وردة نرجيسية*]

والله انا لي ذابحني اعظامي بعد وخاصة ظهري كله واسفل ظهر يذبح حييييييل لا اقدر اقعد ولا اوقف وااايد حتى نوم ماارتاح وبليل ما احب اكل مادري ليش يمكن بفك كاكاو او ماي بس خو ريلي كله تعورني بعض المرات ..


بس الالم ظهر لي موعارفة شسوي حقة يموت ..

ماتحبين حليب مثلي اكلي مع كورن فلكس ..

الله يشافيج ويسهل عليج والله هالعظام عذاب قبل شوي طلعت للجمعية مت بسيارة من القعدة معن الجمعية كلها 5دقايق بسيارة ما كو مافيني حيل الله يعيني عالتجهيز والله مالي نفس​

 

[Jinan]

هلا فيج والله نيتي بسوي تحليل كالسيوم بس ياة الرمضان ومالي خلق افطر عساس تحليل دم مايسوى ولا دكتور محسن يحن علي بتحاليل وانا معطيتة طاف​

موشرط تسوين تحليل وانتي صايمه

سوي التحليل بعد الفطور عادي

 

[نواره 22]

انا حاشني نفسج لان ما كنت اخذ الكالسيوم

غصبي على نفسج حليب التموين + عسل اسود (قصب السكر )
امبي وااااااااااااايد فادني وحطي عليهم شوي حلبه لان تميت اعاند ولين ولدت كنت ابجي من عظافي وجتوفي وفخوذي وامي الله يخليها لي شربتني حطي يمج مطاره وشربي قلاصين او 3 باليوم

واذا تعاندين ما تبين حليب تحملي العوار