انا حامل بفطوم و ابي مساعدة

[طموووحي طب]

السلام عليكم و رحمة الله و بركاته
خواتي انا حامل بالشهر الخامس و حاولت اسقط قبل الشهر الرابع لان يجوز قبل نفخ الروح
انا خايفه لاني ما ادري شربي بنتي عليه
و انا صغيره عمري 20 سنة بس بعدها استغفرت و فرحت
ساعدوني من تجاربكم
.........​

 

[انجبر قلبي]

منو قالج يجوز

استغفرلله

الروح تنفخ بالجنين بعد 40 يوم من الاخصاب

يعني اساسا تكونين توج عرفتي بحملج اسبوعين والا هالحروة

و مايصير تفتين و تقولين يجوز . هذي رفسه لنعمه ربج انج تفكرين تطيحينه شلون يجوز !

 

[انوار المحبه]

استغفري ربج حرام ...

 

[مستشاره قانونيه]

استغفرالله .. لاتعليق

 

[مذهلة2013]

حرام عليج المفروض تفكير ماتفكرين جذي حرام
ناس يتمنون ظفر ياهل وانتي ترفسين النعمه

 

[فخر البداوه]

استغفر الله شهالكلام وزين حنا شنساعدج فيه
حمدي ربج عالنعمه
غيرج يتمني نعمه الضنا وانتي تفولين صغيرة
وبعدين من قالج 20 صغيرة يحلو امهاتنا 12 سنه متزوجات ويحملن
مو الحين 20 وتقول صغيرة

 

[86روعـه]

استغفر الله بتذبحين رووح
ومنوووووو ضناج
بعدين في الدنيا هذي كلها مافي اغلا واحلا من البيبي الي فيه منج
وتكونين انتي امه مشاعر جديده عليج
شنو ماتعرفين تربين وتهتمين بطفل خل امج وخواتج وخالتج وحمواتج وخدامتج واللهم انتي بنفسج يقومون بمهمه الاهتمام
يشيلون عنج شوي عالالقل بفترة الاولى من ولادته

 

[نجمة فجر]

يعني كل العالم تعرف تربي عيل محد جاب عيال
ليش تزوحتي من اساس يوم انج ماتبين تربين عيال وان توج صغيره

الروح تنفث في اربيعين يوم مو اربع شعور

اقري تثقفي يوم انج تبين طب تطببي بعيالج وبنفسج قبل الناس

 

[omal7lo]

استغفرالله حبيبتي مايجوز هالكلام ربج يحاسبج علي كل كلمه كتبتيها وحتي تالفكير تفكير بهالشي له عقاب وحساب اذا تبتي شي ثاني

مايجوز تنزلين البيبي الا بحاله وحده اذا كان معاق او مريض او مهدد بحياتج فقط لاغير
اذا ماتبين في مانع في حبوب ولولب لا تلعبون بنعمه الله

 

[~Rou7~]

الله يهديج
دشي دورات او اي شي يعلمونج شلون تربين
بعدين محد ميت في ناس تربي حالها وتعيش