انا تعبت من شعري خلاااااااااص :(

[تذگار]

بنااااات تكفون والله ادعي للي تسساعدني بشي مضمون ، ششششعري خفيف حححححيل وبمعنا الكلمهه خفيف تعبت والله تعبت عرسسسسسسسي بعد ششهرين شششسسوي فييه شششالحل يتسساقط بقوه مابقا شي ماجربته ...... مفكره ارركب شعر طبيعي عالاقل اخليه اول الايااام تهقووت يلاحظه الزوج والا يبين واللي عندها ححل مضمون بششهرين تقول لي والله ماااعاد فيني حيل تعبت تعبت والله ابجي انتتو مو متخيلين شلون خفيف من قلب اااااااااااااااخ ماعاد بقا فيه شي شششششالحححل ؟؟؟وشرايكم باللي قلته اسويه !

 

[موكا لاتيه]

متعب ترا تركيب الشعر
عليج بحمام زيت ودهن

 

["smart_girl"]

سمعيني انا امي قبل نفسج كان شعرها خفيييف حده وعندها مناسبه بعد شهرين قامت شتسوي كل يوم تدهن بدابر املا وتغسله وترطبه

انا اقول اشتري :
دابر املا
كريم مرطب
شامبو زين
كل يوم حطي دابر ساعتين جذي وغسليه وحطي كريم مرطب وعجفيييه
اخر الاسبوع شتسوين ياحلوه
قفشتين سدررر وزيت وبيضه


والله والله يتعدل شعرج علي هالنظام وجان تبين زود عنايه حطي شامبو ميتال قبل طول شعري وسلاامتج

 

[شموخ داري]

اب اب اب لعيونج

 

[طعنـــة غـــدر]

الله يعينج جربي زيت كيشو مع دابر امبلا سوي نفس نظام الاخت اللي فرق بس ضيفي زيت كيشو زيت هندي اصلي ريحته لوعه بس ينبت الشعر وهم زيت الثوم صغير ينبت الشعر وبالتوفيق اللي يرزقج الشعر الطويل الكثيف الناااعم ياارب بقدره قادر

 

[ماعاد بدري}~]

علييييييج بالحنااا
روحي كل اسبوع للصالون خلي يحطولج واهما يدخلونها عدل بفروة الراس
ومثل ماقالولي البنات دابر املا حييل زين ونتايجه مضمونه
و الله يعينج حبيبتي انا نفسج وحاسه بمعاناتجج ​

 

[مشتطـه]

ياعمري قطعتي قلبي


انا كانت يتساقط حيل حيل
وكنت احاتيه ووابجييييي دم

كله من النفسية والمحاتاة نصيحة لكل عروس ما تحاتي ترى الزواج سهل والله


انا صراحة ما فاد فيني الا حبوب الحديد


ورفيجتي مشتركة بصالون تقول حيل الحريم يحطون ثوم وشعورهم غزيرة وجلسات وايد وكورسات
اتوقع بشهرين حيل راح ينبت الشعر

وروحي ركض سوي تحلييل شوفي شنو الفيتامينات الناقصه

حتى لو مو ناقصه اكلي حبوب هيرفت 6 شهور ماجربتهم بس وايد عليهم كلام انهم زينين

دزيلي رساله ذكريني باجر
عشان اييب لج الرقم منها

 

[لعنبآك دهورتني!]

داااابر املاا الحل الوحيييد نصيييييحه لوجه الله

انا صارلي سنه استخدمه كل سبت والله شعرري حيييل تعدل
والحنه مره كل اسبوعين

بس انتي مدام عرسج قرييب استخدمي دابر ثلاث اربع مرا

 

[مس استي لودر]

حبيبتي دشي على الموضوع الي بتوقيعي زيت الشعر بالعشبه السحريه واقري الفوايد الي في

 

[مذهلة2013]

حبيبتي عندج خلطات
جربي انا بلشت من امس احط
زيت الخروع و الثوم و اللوز و حلبة كلهم بعلبه

كلهم طبييعيين ويقوون الشعر

 

[شطانه طفله]

حبيبيتني حل التساقط اخاف من نقص الحديد انتي حللتي ؟

انا للامانه شعري نفسحج ورحت صالون 5 جلسات ب 25 دينار علاج لفروه الراس والمساج من وحده هنديه واسم الصالون بيتي هوم
25751010
دقي استفسري وشوفي شغلهم قبل لا تجربين والله يسهل عليج يارب

 

[M!SS.LOBY]

ما دام انتى عروس روحي حق عيادة شعر وجلدية راح يفيدونج وايد

 

[حناينq8]

اول شي انتي تصبغين شعرج ؟؟؟؟ - اذا اي انا اقول لج

وخري عن الصبغ نهائيا

لا تسوين حمامات زيت حق شعرج ابدا ابدا

انصحج وعن تجربه - شامبووو سيبا ميد
موووو طبيعي للشعر ويوقف التساقط مع الاستخدام

استخدمي اي زيت للشعر يحتوى على ثوم واعتقد موجود عن الحواي زيت الثوم مرتين بالاسبوع

واذا تتقبلين الحنه حني شعرج انا مع الحنه حيل تعدل شعري

 

[طيبة83]

انتي عروس وما بقا على عرسج شي وما في وقت حق خلطات وغيره

سوي ميزو ثرابي

يحقنون الشهر بفيتامينات توقف التساقط

دوري عياده يسون لج

او روحي دبي عنددهم صالون اسمه ميد سبا عندهم هل علاج هذي موقعهم

Eternel MedSpa!

 

[nancy_360]

نفس حالتى بالظبط ... وما سمعت عن علاج ولا زيت إلا واستخدمه لكن للاسف ما فادينى غير الزيت اللى بالينك

http://www.hamdard.com/products.php...urgh&mc=4&cat=1&cN=Hair Problems#.UQekIh2ZTSg

ثمنه 3.500 دينار عن حواي جمعية الاندلس وقرات عنه فى منتدى هندى انه استخدامه لمدة 40 يوم متواصل ينبت الشعر

جربي والله يسهل عليج يارب

 

[غرور الزين]

حبيبتي أشتري من العطار قشور الرمان مطحون او اخذيه يابس وانتي اطحنيه وعقب ماينطحن حطي منه مقاس فنجالين مع فنجال حنه يمني لمدة شهر استخدميه يوقف التساقط واذا استمريتي فيه يطول. .. عن تجربه مرت خالي كانت نفسج

 

[(حكاية قلب )]

حببوب الحديد عدل شعري ونبت الحمدلله

 

[Miss-pinkq8]

حبيبتي استخدمي دابر املا حدده عجيييب

 

[راقية بذوقها]

نصيحه استخدمي زيوت اصليه منها الخروع او زيت الثوم وزيت العجيب النارجيل اللي هو حوز الهند والحنه والسدر حيل يكثرون وتغذي عدل واخذي مكملات غذائيه ونصيحه مو عشان باقي على زواجج شهرين تستخدمين العلاج وعقبها تقطعين لا كملي البرنامج حتى بعد الزواج

 

[تذگار]

يابعد عمرري كلكم مااقصصرتووووو


اباخذ ع رااي الاغلبيه بسستخدم دابر املااا مع اني قبل كنت استخدمه بس مو مستمره عليه احطه بالشهر مره يمكن،،



والحنه بحط فيها قشر الرمان وثوم مطحون كل اسبوع مرتين ابي نتيجه سريعه ماباقي شي فشله جدام الرياال الشعر حوله وحواليه اااخ مو متخيله المنظر


والششامبووو انا صار لي ششهر استخدم دريماااهيل من الصيدليه واصفه لي دكتور تجميل ،،

وماخذه انا تحاليل حديد بس مافيني شششي الحمدلله كله كامل ،، وماعمري صبغت شعري بس مادري شفيه رااااح مابقا فيه الاشعرتين



بستكر عالحنه والاملا وامشالله اشوف نتايج دعواتكم تكفون