انا بحلم ولا بعلم بنات انا بحيره

[؛الـــحـــــور؛]

السلام عليكم يابنوتات
بنات انا مااقدر اقول مشكله بس حادثه احصلت وفيها نوع من الحيره تخيلها صايره معاج
شنو تسوين؟؟؟؟:bbbiu:

قبل لا ينزل الالف قلتي لزوجج بضحك ترى ابي الالف مالت اعيالي النص بالنص عن طريق ضحك سمعت الحريم الللي بيت حمولتج خواتج رفيجاتج وقلتي نفسهم بضحك
رد عليج وقالج فداج الفي والف اعيالي طبعاا انتي خذيتيها ضحك وخلاص اخلصت السالفه ولا تكلمتي واتشوفين اللي حولج
تزاعلو وتهاوشو على الالف اللي ماجا
نزلت الالف وجاج مسج منحه اميريه 1000:eh_s(9):
ثاني يوم والا ايداع 3000
لديك 4000:eh_s(9):
ورديتيه المسج قال ايه انا مع العلم حالته الماديه عاديه يعني ريلج موم غني
انتي استانستي وطرتي من الوناسه:eh_s(9): بس بعدين صرتي جذي:bbbiu: في
في اسئله واااااايد براسج
1-يغبي شي اكبر
2-ناويله شي
3- معقوله كل هذا حب
4- شنو اتسوين؟؟؟؟؟؟
للعلم حياتكم الزوجيه خاليه من المشاكل الكبيره تقدرين تقولين فاهمين بعض عدل
المايك لكم:eh_s(7)::eh_s(10): ا

 

[جـــواهر]

عآآآدي جدا يقولي حبيبتي حلالج كل الفلوس وهو واااثق ان الفلوس بالنهايه بجيبه
يعني انتي اخذتي منحة عيالج ...

لو يطلبج زوجج منهم ولو يطلبج كلهم بتردينه ؟؟؟؟؟

طبعا لا

تحياتي لزوجج الذكي اللي وده يكسبج

وللاسف انتي شكيتي فيه ​

 

[ديانا سبنسر]

ماله داعي الشك بالعكس هذا دليل محبة وانه يبي رضاج الظاهر من كثر مانشوف ونسمع قمنا مانصدق اي شي حلو من الرياييل تعقدنا

 

[ريماس77]

يمكن صج يدور رضاج

 

[ام شووووق]

رد : انا بحلم ولا بعلم بنات انا بحيره

والله اقول احنا الحريم نحب النكد ونشتريه بالكيلوو

 

[الأميرة جوري]

الله يحفظه لج لادخلين الشيطان بينكم .....

 

[قلبي ابيض]

الله يسخرلج ياارب

 

[يّ ضميرِكّ]

رد : انا بحلم ولا بعلم بنات انا بحيره

1-يغبي شي اكبر


>> ليش الشكوك والظنون والرجال مايبي يفتح مشاكل مثل اللي حوالينه عشان وصخ دنيا بشهر تطير

2-ناويله شي

>> شكـل هالرجال رابي على عـزة النفس .. والفلوس عنده ماتهم ماشاء الله تبارك الرحمن
3- معقوله كل هذا حب

>> عمر الحب ماكان بالفلوس ، والا كان شفتي اغنياء العالم مايشكون هـم وحزن

4- شنو اتسوين .. ؟

>> أقـل ماعلي لو إني مكـانج اقوله الله لايحرمني منك اللي بديت رضـاي على فلوس زايله

 

[! بــدويه وآآيــد !]

،



وااي بنات الله يهداكم اذا ماعطاكم دشيتوا تشكون وتقولون مايستاهل اشتري له شي
واذا عطاكم قلتوا وراه شي

لايعجبكم العجب ولا صيام في رجب :/

 

[مجنونة حمد]

رد : انا بحلم ولا بعلم بنات انا بحيره

حداااااااااااااااااااااااااااااا ونااااااااااااسه

 

[الدلال]

رد: رد : انا بحلم ولا بعلم بنات انا بحيره

قولي الحمدالله وماله داعي هالافكار السودا وتعوذي من ابليس

 

[هنـــــد]

رد: رد : انا بحلم ولا بعلم بنات انا بحيره

اوووووووووووووووم الوناسه
بصراحه ما يدخلني شك فيه واحس انه يموت فيني


بس حبيبتي بقولج معلووومه جداً مهمه !
الرجال الحبيب واللي مرته تموووت فيه ومدللها داااااايم تشك فيه
لانها باستمرار خايفه هالنعمه تزووول وان زوجها يرووح من ايديها

وشعورج جداً طبيعي ..
اما الرجال العفن مرته ما تشك فيه ولا تهتم
لانها شايفه معاه الضيم وتبي فرقاه

 

[؛الـــحـــــور؛]

مشكورين بنات على الردود حبيباتي والله

ياعمري انتم هذي مو مشكله بس حادثه وحبيت اقولها اهني بالمنتدى
لان لو قالتها برى انتم اتعرفون شنو اللي راح يصير
بس انتم ماعرفتو الاحساس اللي مر علي تقريبا اقرب وحده للاحساس هذا
اهي ....هند....
ومشكورين كلكم على الردود مره ثانيه