انا بالنفاس و عندي سؤال

[farina]

مرحبا

بنات انا والده صارلي اسبوع و علي طول دايخه و مصدعه بعد الولاده طلع معاي ضغط عالي مادري من شنو
للعلم ان بعمري ماعانيت من ارتفاع الضغط .. الدكتوره قالتلي يمكن من التعب و السهر مع البيبي
تكفون ابي اعرف منو صارلها مثلي و الشي هذا عادي او لا

 

[Öm àlkeek]

السلام عليكم ماتشوفين شر حبيبتي موزين الضغط للوالد
بس عطوج ادويه حبوب اي شي تنزله ودايم شربي كركديه
ولا تاكلين شي فيه ملح نهائيا والله يهون عليج يارب

 

[farina]

غطوني ادويه بس ما دري من شنو صار جذي معاي

 

[Öm àlkeek]

الخوف يلعب دور وهمن السهر مثل ماقتلج ابعدي عن كل شي مااالح واشربي كركديه
اخاف مو ضغط ابي اسألج سوؤال انتي تلبسين طاقيه وشيله يعني مغطيه اذونج
والا لا وهل لمن تسبحتي غطيتي راسج بشي

 

[دآنة آلرشآيده]

الله يشافيج .. اشربي كركديه ..​

 

[farina]

لا ماغطيت راسي بس لابسه عدل
و الضغط قاعد اروح عند الطبيب اشبك عليه يرتفع و ينزل

 

[Öm àlkeek]

الله يهديج نفااااااس ليش ماتغطين راسج انتي حايشج هوا
وداش راسج
اسمعي تعرفين المره والحبه السوده حطيلج فحمه وبخري
شعرج واذونج وتكونين مجهزه طاقيه وشيله واول ماتبخرين
وتحسين البخور دش داخل سكري علي اذونج بالطاقيه
والشيله والبسي دلاغات وتدفي عدل مدل واشرب كركديه
تعرفينه ونامي وانشاءالله الصبح مافيج الا العافيه
واهم شي لاتاكلين شي مالح خليهم يسون لج الاكل
مسلوق من دون لادهن ولا ملح وانطري هاليومين
اذا للحين روحي المستشفي خل ينومونج يشوفون شفيج
وسلاااامتج ماتشوفين شر وطمنيني عنج دشي علي
خاااااص ترا احاتيج

 

[Aloe Vera]

اخذي ادوية الضغط
و ديري بالح على نفسج و ارتاحي و تغذي عدل

 

[farina]

بنات تكفون منو صارلها مثلي
حولوني استشاري ضغط و قالي سوي تحاليل يمكن تسمم حمل صار معاج بعد الولاده انا حدي خايفه من يوم ماولدت ماصحيت من الدوخه و الصداع
حتى اكل ماكل عدل تلوع جبدي

 

[نرجس 2]

لا تخافي حبيبتي انا صابني الضغط وضل مستمر معي يمكن بعد الولاده شهور
والنفسيه تلعب دور وعشان كنت اضل زعلانه وهاكله هم الضغط وافكر بالضغط ضل مرتفع ويوم اجي افحصه يرتفع بزياده من التوتر
وبعد ما نسيته واستلسمت
فجئه قصته كان نازل
وصرت كل ما قيصه نازل
وراح مني سبحان الله
بدون ما اشعر الحمد الله
وخاصة لما نزل وزني صار يضل نازل وطبيعي
والحمد الله
الصغار ما يمسك معهم يعني فتره وبروح ان شاء الله

 

[farina]

مشكوره حبيبتي علي ردج طمني بس شسوي بالدوخه و الصداع ذبحني الدكتور عطاني حبوب
ضغط اقوي شي بس هم ماكو فايده و يبت جهاز ضغط بالبيت كل ماشيك مرتفع تعبت حيل

 

[لميـس]

حبيبتي الي فيج طبيعي
انا بعد ولادتي دايم يرتفع ضغطي
من الرضاعه
واحيانا اصخن اذا مارضعت
بس الرضاعه اول الايام ترفع الضغط
والسهر والتعب
ترا الي فيج طبيعي
لاتخافين
ولا تحاتينر
وعطي نفسج فرصه لا تاكلين ادويه ضغط



وبعدين ماقلتي لنا جم يعني يوصل وياج الضغط ؟؟؟

 

[لميـس]

مشكوره حبيبتي علي ردج طمني بس شسوي بالدوخه و الصداع ذبحني الدكتور عطاني حبوب
ضغط اقوي شي بس هم ماكو فايده و يبت جهاز ضغط بالبيت كل ماشيك مرتفع تعبت حيل

اهم شي الرقم الي تحت قوليلي جم حبيبتي

 

[farina]

مثلا اخر مره شيكت كان قبل شوي 145 فوق و تحت 85
و مرات بصير 150 فوق و تحت 90 و الطبيب يقول مرتفع

 

[لميـس]

منو يقول مرتفع
اصلا ضغطج عادي
الي تحت اذا زاد عن ٩٠ مرتفع شوي
والي فوق اذا ارتفع عن ١٤٠ يسمونه ارتفاع بس بسيط
الله يهديج لاتاكلين حبوب ضغط ولا شي وسئلي
اي دكتور ١٤٠ علي ٩٠ عادي ولالا

 

[farina]

يعني قصدج اللي تحت اذا صار فوق 100 مو زين الصداع ذبحني مو قادره انام من راسي
انزين بالحاله هذي شسوي اروح الطبيب ولا شنو توني شيكت 140 فوق و تحت 100

 

[farina]

يعني قصدج اللي تحت اذا صار فوق 100 مو زين الصداع ذبحني مو قادره انام من راسي
انزين بالحاله هذي شسوي اروح الطبيب ولا شنو توني شيكت 140 فوق و تحت 100

 

[لميـس]

حبيبتي اخذي لج قوطي روب وبشري فيه ثومه صغيره واخلطيها ويا الروب
واكليه
وان شاء الله بينزل

 

[لميـس]

ولازم. تنامين حبيبتي

 

[أنفاسي دخون]

ما تشوفين شر أن شاء الله

اجر وعافية