انا ام لاربع اعيال لكني نسيت كل شي

[om hmni]

ايه والله عند اربع اعيال الله يخليهم ويبارك لي فيهم اكبرهم 11 سنه واصغرهم شهر

بس نسيت الربا مع ان بين الرابع والثالث سنتين مو وايد

المهم بدخل بالموضوع بنوتي لصغيره ام شهر ويها انترس حبوب لونهم احمر وااااايد

انا خبري عادي البيبي يطلع بويهه حبوب بس كاسره خاطري ويها خشن وشاب احمر واحس يحرها ودي اوديها الطبيب يعطيها شي يهديها وإلا اشرايكم ؟

بتقولون من التبوس ما اخلي احد يبوسها نهائيا الا انه وعلى طول امسح ويها بقطنه مبلوله ماي

شنو برايكم اسوي انطر عادي يروح او اخذ لها كريم من الصيدليه يهدي ويها واذا في شي امجربينه نوروني فيه

ناطرتكم

 

[Meeesk]

ماتشوف شر بنتج نفس ولدي بالضبط وديته كل مكان وحطيتله كل شي حتى الزيت زيتون البارد قالي الطبيب وحطيته واخر شي الحمدلله رحت مستوصفنا وعطوني مرهم رياكورت وخلطة كريمات تقول هم خالطينها احس صار وجهه احسن

 

[الـفـجـر الـبـعـيـد]

رد : انا ام لاربع اعيال لكني نسيت كل شي

يمكن حساسيه من الحليب ولدي لما كان صغير كان جذي وعطوه المستوصف مرهم وخف

وجربي تغيرين الحليب يمكن منه

 

[الأميرة جوري]

رد : انا ام لاربع اعيال لكني نسيت كل شي

يمكن عليها حر انتى ملبستها شيء ثقيل ؟؟ خففي عليها

 

[om hmni]

بالنسبه للحليب انا اعطيها حليب نان اتش اس هذا الحليب للتحسس عطيتها من البدايه لان دكتور اعيالي قايل لي لازم اعيالي ياخذون هالحليب لان بعضهم يصير معاهم حساسيه بالصدر وبعضهم اكزيما فما اعتقد من الحليب ولا اعتقد اكزيما

انا سويت سيرج بالانترنت طلع ان بعد الشهر يصير مثل حب الشباب للرضع ويروح بس تكسر الخاطر جني بوديها حق دكتورها عاد توني قبل اسبوع اموديتها للفحص الاول وما كان فيها الا العافيه وقال يبيها بعد شهر انا كل اعيالي عند الاستشاري خالد السعيد خوش دكتور بنطر يومين ان ما خف بوديها او بدق على الدكتور المساعد معاه يمكن يطمني او يقول لي يبيها او اخذي لها هالكريم من الصيدليه


واللي مار عليها هالشي تقول لي وانا بسوي سيرج بعد ونقله لكم للفايده للامهات اللي نفس حالة بنتي

 

[ام فهووودي]

حبيبتي ماتشوف شر بنتج

الظاهر انها حساسيه

وانتي احسن وديها المستوصف عشان يشوفها الدكتور وتطمنين عليها

 

[بـاسي قــوي]

رد : انا ام لاربع اعيال لكني نسيت كل شي

يمكن من الحر او تلبسينها صوف يسبب حساسيه لبسيها كلا قطن

 

[روان_الكويت]

وديها الطبيب شيكي عليها
اذا ترضع طبيعي يمكن ماكله شي سبب لها حساسيه

 

[om hmni]

ما البسها صوف كله اقطان وخامة الفوطه

ورضاعتها مو طبيعي صناعي حليب نان اتش اس

 

[جذابه بنت ذيابه]

رد : انا ام لاربع اعيال لكني نسيت كل شي

يمكن حساسيه من الحليييب مانفع معاها ؟؟؟


والله يشفيها ياررب

 

[أم طخطيخ]

رد : انا ام لاربع اعيال لكني نسيت كل شي

والله انا اراجع بعيالي عند خالد السعيد

ولدي صارت فيه بنفاسي قال الدكتور طبيعي معظم المواليد تحوشهم فطريات وعطاني كريم اسمه دكتاكورت و هم جل حق اللسان لان حلجه هم كان فيه يمكن انتي ما تشوفينه من داخل بس ديري بالج

 

[أم سلوم الحلو]

انا بولدي صار جذي وديته ولا تقولي من الحر
كنت البسه وايد قالت لي لازم تهوين له