انا اقول من حقها تزعل ، و انتو ؟ ال

[هب العطر]

السلام عليكم يا بنات :eh_s(17):

قوه يا بنات

هذا موقف صار لوحده اعرفها

و فضفضت لي


و انا شايفه ان من حقها تزعل وودي اخذ رايكم عشان اعلمها اشلون ترد و تتصرف

هي ما تدش منتدى وايد ، بس بتقرا ردودكم ان شاء الله


رفيجتي بنت مميزه و شمعه البيت

تحب اهلها و تحرص عليهم و تشجعهم و ترفع معنوياتهم بدون مقابل

و تحسسهم انهم مهمين و مميزين بالحياة ، هذي هوايتها ، تحب تنفخ اللي جدامها و تشوفه مستانس لعل و عسى يصير فعلا مثل ما هي شايفته



لكن


واحد من قرايبها المقربين ، مره من المرات ، قط عليها نغزه ماصخه جدام الاهل

البنت عمرها تقريبا 28 و هو عمره 22

قال لها : انتي الحين اللي بعمري المفروض ينادونج ماما عوده

و صار ضحك و تمصخر على هالنقطه و هي بس تطالع مو عارفه شترد

صار الصغير قبل الكبير يضحك و ضغاط و هي بس تطالع




حز بخاطرها حيل ، تقول لي انها تتعامل معاه باحترام
و تتغشمر معاه اي ، حاله حال باقي الاهل ، بس و لا مره تعرضت لعيوبه بالغشمره
تقول طاح من عيني و كرهته لانه فشلني على شي ما يفشل
بس لمجرد انها صارت نكته لهم و السبه كلمته و هي اللي دايما تثني عليه و تدافع عنه و تتوسم فيه الخير و تدعي له
تقول انها حست انها زباله !



انا شايفه ان الموقف يقهر ، للعلم هي قالت لي انه هذي مو اول مره يعلق على عمرها و يحسسها بعدم الصلاحيه بطريقه الغشمره


انتو شنو شايفين ؟

 

[Tom ♥ Jerry]

,


اي آكيد صج موقف يحز بالخآطر من حقها تزعل
لا تعطيه وي خل تحسسه انها شايلة عليه

الله يهديه شكله يحب يتغشمر وآيد
وايد ناس جذي عبالهم غشمرتهم مآ تجرح

 

[Shinexo]

ترد عليه وتفشله دآم آكثر من مره قآع يتطآول , حزآت تسكتين عشآن مآتقصين ويهم جدآم آلنآس بس هم مآفي فآيده , آي من حقهآ تزعل لآن كلش مآله دخل فيهآ و عيب يعني يدش بسوآلف آلحريم جذي , خل تسحب عليه ولآ تدآفع عنه بآي شي وتوقفله خل يحس آن عيب وغلط آللي يسويه , آحس سوى جذي من آلميآنه لو مستحي منهآ مآقط هلكلمه .

 

[عادت ذكرياتي]

تصارح الشخص بأن كلامه فشلها تنبهه على هالنقطة عشان يعرف غلطته

 

[قاهره عذالي]

المفروض كانت ردت عليه

الغشمره لها حدود

مو يمصخرها قدام الناس

 

[ريتاج_90]

مٍـٍْ♡̨̐ـِْْنْ حقها تزعل
واهيا معطيته وجهه عشان جذي قال جذي

خل تحقره ولاترد عليه وتتجنبه احسن لها
لان باين عليه انه مو محترم اللي جدامه

خل تطنش ولاتهتم له وهالاشكال لاتعطيها
اكبر مٍـٍْ♡̨̐ـِْْنْ حجمها

 

[تواضع انثى]

الدنيا دواره وربي مابيضيع حقها...

 

[هدوء العالم]

حسبي الله ونعم الوكيل
والله حزت بخاطري
ومن حقها تزعل ولا نقول ماتزعل إلا توقفه عند حده
وتقوله قدام الكل صليت اليوم كل صلواتك أحلف
أكيد بينحرج وبيصير وجه ألوان وإلي يقول هالنغزات والتطنز واحد لا مصلي ولا مسمي

 

[هب العطر]

هلا يا بنات

اول شي مشكورين على ردودكم حبيباتي

اشششوااااا الحمد لله طلع كلامي صح ، راح اخليها تشوف كلامكم ان شاء الله و ابلغها واتس اب لان الحين عطلنا ، قولوا لنا مبروك هههههه

ودي بعد اعرف ردود باجي البنات


انا بقول لها توقفه عند حده و تتصرف معاه بشكل مختلف عن قبل و ما تعطيه ويه


يمكن يحس على دمه



بانتظار ردود باجي البنات

 

[هب العطر]

,


اي آكيد صج موقف يحز بالخآطر من حقها تزعل
لا تعطيه وي خل تحسسه انها شايلة عليه

الله يهديه شكله يحب يتغشمر وآيد
وايد ناس جذي عبالهم غشمرتهم مآ تجرح

هلا حبيبتي

و الله من طيب معاملتها الزايده

تحسس كل واحد من اهالها انه ملك ، هي حتى لما تجابلنا بالادوام بس تمدح فيهم

عشان جذي ارتفع ضغطي من اللي ياها

بس سبحان الله فيه ناس تفهم الطيب غلط و تقلل من شأن صاحبه

 

[تسمح لي آحبكـَ]

خلها توقفه عند حده وتحط بينهم حدود اهوا مايتعداها

 

[هب العطر]

ترد عليه وتفشله دآم آكثر من مره قآع يتطآول , حزآت تسكتين عشآن مآتقصين ويهم جدآم آلنآس بس هم مآفي فآيده , آي من حقهآ تزعل لآن كلش مآله دخل فيهآ و عيب يعني يدش بسوآلف آلحريم جذي , خل تسحب عليه ولآ تدآفع عنه بآي شي وتوقفله خل يحس آن عيب وغلط آللي يسويه , آحس سوى جذي من آلميآنه لو مستحي منهآ مآقط هلكلمه .

انا بالبدايه عصبت و قلت لها تسوي جذي

بس اخاف ينفهم موقفها انها متأثره صج بعمرها و مو واثقه من نفسها اذا تهاوشت معاه

احلى شي التهميش

تخليه ع الهامش بكل شي

مشكوره حبوبه

انتي دمج حامي مثلي هههههههههه

 

[هب العطر]

تصارح الشخص بأن كلامه فشلها تنبهه على هالنقطة عشان يعرف غلطته

هلا حبوبه

مستحييييل تصارحه

شتقول له يعني ( لا تييب طاري عمري تكفى عشان لا تجرحني )؟

وين كرامتها ؟؟

هو راح ينتبه اكيد لما تسحب عليه :ggdw:

 

[هب العطر]

المفروض كانت ردت عليه

الغشمره لها حدود

مو يمصخرها قدام الناس

اكيد لها حدود

سبحان الله فيه ناس اذا حسستيهم بالاهميه شافوج و شي

و الظاهر هذا اللي صار لها


مشكوره حبيبتي :eh_s(17):

 

[هب العطر]

مٍـٍْ♡̨̐ـِْْنْ حقها تزعل
واهيا معطيته وجهه عشان جذي قال جذي

خل تحقره ولاترد عليه وتتجنبه احسن لها
لان باين عليه انه مو محترم اللي جدامه

خل تطنش ولاتهتم له وهالاشكال لاتعطيها
اكبر مٍـٍْ♡̨̐ـِْْنْ حجمها

هلا حبوبه

هي مع الكل طيبه و تلقائيه و هذا طبعها حتى معانا بالدوام

بس سبحان الله الناس مستويات

فيه ناس تفسر هالشيء على ان صاحبه انسان ضعيف و بلا قيمه للأسف :eh_s(4):

البنت مميزه و موهوبه و كشخه و ملتزمه و جميله

و مو محتاجه شهاده منه او من غيره ، الناس لها عيون و تشوف و تطالع و تعرف

بس فيها طيبه العبط ، حتى انا رافعه ضغطي هههههههههه

 

[هب العطر]

الدنيا دواره وربي مابيضيع حقها...

يا رب بهاليوم الفضيل ان الله يرد عليه باللي قاله و يرفع شانها

و خل ينصدم عدل ههههههه

ايي له الخبر بنص يبهه ان شاء الله :eh_s(9):

حبوبه شكرا:eh_s(17):

 

[هب العطر]

حسبي الله ونعم الوكيل
والله حزت بخاطري
ومن حقها تزعل ولا نقول ماتزعل إلا توقفه عند حده
وتقوله قدام الكل صليت اليوم كل صلواتك أحلف
أكيد بينحرج وبيصير وجه ألوان وإلي يقول هالنغزات والتطنز واحد لا مصلي ولا مسمي

هلا حبوبه

هههههههههه

المصيبه انه على حسب كلامها (ملتزم ) :eh_s(15):

و المصيبه اكبر انها وااايد وااايد تثني على التزامه و تدعي له يصير امام مسيد

و اصلا هي تتحمل غشمره وااايد و كله تحشرنا بالزاويه بالدوام و ما نقدر على خفه دمها

هذا الظاهر بيشوف شنو اقوى حد توصل له قبل لا تزعل

بس شكله ياب العيد :eh_s(9):

 

[هب العطر]

خلها توقفه عند حده وتحط بينهم حدود اهوا مايتعداها

هلا حبوبه

ههههههههههه

اكيد ان شاء الله ، راح اتصل عليها اليوم و اترس راسها هههههههه :ggdw:

 

[Patcholli]

مايستحي على ويهه عمره 22 يعني ريال المفروض يعرف يتكلم
جان ردت عليه وقالتله المفروض الي بعمرك يعرف يتكلم نفس الرياييل مو نفس اليهال
واي صج موقف يحررررررر

 

[3aly mstway]

حقييييييييييييييييييييير هاذااا

والله لو انا منهااا امصصصصصصصصصخره لان لما سكتت عنه غيره بيتمادا

وعلى قولتهم من صاااار سبوووس كلته الدجاج


وربي بياخذ حقهااا منه بسسس لا عاد تسمح له ولا لغيره



الدنياااا هااذي مايبي لها الطيب