انا افتخر اني كويتيه لانه......

[HeR HiGHNeSs 90]

قوه بنات





موضوعي اليوم ياريت كل وحدا تدش تقولنا ليش تفتخر انها كويتيه تعطينها معلومه عن الكويت او شي جذي

وانا بحطلكم بعض المعلومات المنقوله :q8::q8::q8:








أفتخر بأنني كويتي لأن..
- الكويت هي الدولة الأعلى ديمقراطية في الوطن العربي و الشرق الأوسط
- دخل الفرد الكويتي يحتل أعلى المراكز في العالم
- الكويت هي الدولة المؤسسة لمجلس التعاون الخليجي
- الدينار الكويتي هي العملة صاحبة أعلى سعر صرف في العالم حيث فاقت
الدولار الأمريكي و الجنيه البريطاني
- الكويت هي عاصمة الثقافة العربية 2001
- الكويت من أعلى 10 دول تصديرا و إنتاجا للنفط في العالم
و من الدول المؤسسة لمنظمة الأقطار المصدرة للبترول (أوبك)
- تلفزيون الكويت من أول 3 فضائيات أنشئت في الوطن العربي و أكبرها
- أول دستور خليجي هو الدستور الكويتي
- أكبر إستاد دولي لكرة القدم في الشرق الأوسط موجود في الكويت
(إستاد جابر الأحمد الدولي)
- الخطوط الجوية الكويتية من أول 5 شركات طيران في العالم العربي
- منتخب الكويت لكرة القدم هو أول منتخب عربي يصل إلى
تصفيات كأس العالم و يأخذ كأس أسيا
- الكويت هي الدولة المؤسسة
لمنظمة الأقطار العربية المصدرة للنفط (أوابك)
- منتخب الكويت هو المنتخب الأعلى فوزا بكأس الخليج
- البنك الأكثر أمانا في الشرق الأوسط هو بنك الكويت الوطني
- أكبر مكتبة في العالم للشعر العربي موجودة في الكويت (مكتبة البابطين)
- أكبر مستشفى في الشرق الأوسط هي مستشفى حكومية كويتية
(مستشفى جابر الأحمد الصباح - لم تنته بعد - )
- أكبر شاشة سينما في الشرق الأوسط و أول شاشة سينما متبعة لنظام 3D موجودة في الكويت (المركز العلمي)
- أكبر شركة إتصالات في الوطن العربي و الشرق الأوسط هي
شركة كويتيه "زين"
- أول بنك دم في الوطن العربي و الشرق الأوسط هو بنك الدم الكويتي
- أكبر شركة أغذية في الوطن العربي هي شركة كويتية "أميريكانا"



صج انه اخر جم سنه احنا مو مترقعين بس انشاله ازمه واتعدي ونرد نكون بالصداره قولو امييين
فديت ترابج ياكوييت
​

 

[ضماي هو وهناي]

بارك الله فيج وبكل كويتيه تحب الكويت
حبيبتي انا احب الكويت لانها الكويت بكل عطائها وجوها وكل شي
احبها احبها احبها
وصدقيني مافي شي محدد بس انا احب الكويت لانالغريب يحبها ويعشقها حتى لو قالوا ماقالوا عنها
واغار على حبها وبعمري ما سكت عن احد ذمها او سبها او رماها حتى لو من بعيد ......
احب الكويت ولما ادافع عنها او ارد من يذمها احس هالحب كبييييييييييييييير بقلبي ويكبر اكثر واكثر
ذكرتيني بموقف ..بمره سمعت واحد للاسف كويتي واعتقد انه من مزدوجين الجنسيه ما سبها لا جان ذبحته لكنه ذم فيها او ذم بالاجراءات والمصيبه جدام ناس مو كويتين ... حسيت بغيرتي علي هالديره خاصه انه الاجانب قاموا يجارونه بالكلام ماحسيت بنفسي الا وانا اجعمهم واهو نقدته على نفسه والله والله مارد علي لما قلت له بذمتك سمعت احد فيهم قالك شي عن ديرته مع ان ديارهم شاده عليهم وبعض منهم ظالمته او ظالمه اللي بمستواه والا ما تركها ويا للكويت ديره الخير .....
اخر شي قلت له تحمد ربك شوف الكويت مركبتك احلا السيارات وملبستك احلا لبس والديره الوحيده اللي تتسوق وتشوف الناس اللي فيها ماتدري وين الفقير وين الغني الا الفقارا حييييييييييييييييييييييل وهذيل مستحيل تلقاهم بالاماكن اللي تروحها ...
احب الكويت واحبج انت لانج تحبينها واحبها احبها احبها ....
ربي يحفظها ويطول لنا بعمر بوناصر ...