انا ادري انتي تدرين؟؟؟؟

[فوفو22]

انا ادري انتي تدرين؟؟؟؟
1- لبس واناقه ونظافه عيالج ......تعطي انطباع عن اهتمام الزوجه بعيالها ودليل على سنعها

انا ادري انتي تدرين؟؟؟؟
2- نجاح وتفوق العيال يعطي صوره عن اهتمام الام او الاب فيهم من تدريس ومدرسين ومجابل وسهر وتعاون مع العيال وقت الدراسه وحرمان من كل شي لاجل نجاحهم

انا ادري انتي تدرين؟؟؟؟
3- ان الزوج يحب الزوجه المنصته له ..... ويحب ايضا الزوجه المرحه بسوالفها ....ويبعد من الزوجه النكديه ....ويكره اللي تتكلم عن اهله بسوء حتى لو كانت على حق

انا ادري انتي تدرين؟؟؟؟
4-الشخصيه واختيار الالفاظ السنعه واللسان العسل اهم من شراء قمصان نوم وصبغ الشعر لدى الزوج

انا ادري انتي تدرين؟؟؟؟
5-اذا صارت المشكله وخلصت .....الكلام عنها بانفعال ما يجيب نتيجه مرضيه لكي فنسيانها افضل من من الكلام البايت

انا ادري انتي تدرين؟؟؟؟
6- الحياة حلوه ومشاكل الحياة الزوجيه البسيطه هي ملح وبهارات الزواج بس اذا طال الزعل راحت حلاوه الطبخه

انا ادري انتي تدرين؟؟؟؟
7-ممنوع وممنوع وممنوع ...زعل أو نوم الزوجه خارج بيتها لاي سبب

انا ادري انتي تدرين؟؟؟؟
8-ممنوع الحديث عن خصوصيات الاهل والصديقات امام الزوج

انا ادري انتي تدرين؟؟؟؟
9-عدم تعويد الزوج على تحمل المسئوليه الماليه كامله الا من خلال تعاون الطرفين

انا ادري انتي تدرين؟؟؟؟
10- اهم من الزوج هو صحتك وسعادتك ....احرصي عليهم لانهم اوفى من الزوج

بالنهايه انتو شنو تدرون عنه انا ما اعرفه
نور:eh_s(7):وني

فوفو

 

[ElN00R]

انا ادري ان الغيره مسالة كرامه
ولبينتي لزوجج انج تغارين من الي مرت يمين ويسار وف كمبيوتر و شغاله وشارع تكونين نزلتي من نفسج وهزيتي ثقتج بنفسج جدامه

انا ادري ان الطيبون للطيبات ف راجعي نفسج

انا ادري ان كل الرياييل يخونون الا اللي ما يقدر اعتقد، ف بدل ما اواجهه وبعدين اعدي السالفه هو بياخذ الموضوع اسهل لاني عرفت انه خاني وتميت معاه، الافضل ما اواجهه بس اراجع نفسي واسلوبي وشكلي وافهم خياله والي باله

فوفو اتعلم منج
كل الشكر:eh_s(7):

 

[ماني من الناس]

مافهمت النقطه التاسعه


ثانكس حبوبه

وانا ادري ان المرأه لها حقوق مثل مالرجل له حقوق ومو مجبوره تتنازل عنها بس لانها فقط امرأه وتبي تمشي المركب

 

[am faisal]

انا ادرى ان البعض يدرى يدرى عن كل ما تدرين عنة والزوج ما يدرى عن هوى دارها
والاخرى لا تدرى عن اى شىءتتكلمين عنة وتكون عند الزوج الادرى والاجمل والاحلى والاكمل
هذاشى ما تدرين عنة

 

[c a t w o m a n]

انا ادري انه المرا ايللي تحاسب ريلها بلحظات غضبه تخرب أكثر مما تصلح


و إن اساس الحياة الزوجيه و سعادتها الاحترام المتبادل


التضحيات اهي مقياس الحب بين الازواج مو الكلام المعسول والوناسة

الكبرياء و الكرامه محمودة عند الاهل مذمومة عند الزوج


زوجج واجهتج ... اذا عليتي شانه و صنتيه يعلى شانج ... اذا تكلمتي عنه باسلوب هابط يهبط مستواج معاه



وادري انه الحياة مركب مطلوب تجديف الطرفين عشان يمشي القارب باستقامة

المرأة مطلوب منها التضحيات بشكل اكبر ... و مو كل شي يصير تقول كرامتي و كبرياءي

ادري ان مواضيعج تدل على حكمة و سنع

يعطيج الف عافية

 

[داناتا]

يسلمو حبيبتي

أنا ادري انتي تدرين
اذا طال لسان الزوجه طال يد الزوج فالسكوت احسن واذا ضرب الزوج اول مره اعتاده علي الضرب *

 

[صحكة الايام]

اناالار

 

[الريمـ اللعوبـ]



روووووووووعه يعطيج الف عافيه

 

[الريمـ اللعوبـ]



روووووووووعه يعطيج الف عافيه

 

[انا_حلاوه]

ElN00R​

معقوله كلامج عن الغيره جذي انا ادري ان الغيره الزايده تسبب مشاكل زوجيه وتخنق الريال وتبعده عنج وماتحسسه بطعم وحلاوة الغيره الانثويه بس ماكنت ادري انها تنزل بكرامتج لانج كأنثى ودج انج تكونين بعين ريلج كامله ومايشوف غيرج وطبعا الاهم انج تكونين عند ربج كامله عشان الله يكملج بعين ريلج .​

فوفو ياحلو مواضيعج وردودج مع انها ساعات تكون مختصره وايد وودي لو ان نفهم منج زياده وتفيدينه ولج الاجر انشالله.​

am faisal​

اهوا صح لان ساعات الحظ يلعب دور بس صدقيني يكون فيها اغلبيه هالصفات من غير ما اهي تتدري يعني فطريا تكون جذي مع الزوج والاطفال واذا كان الزوج مايدري عن هوى دارها وتكون فيها من هالصفات فهذا العيب منه واهوا الي يكون ناقص:eh_s(10):​

c a t w o m a n​

امممم انا معاج بان اذا الوحده تحاسب ريلها بلحظه غضبه وبعززز المشكله راح تندم لان بيقولها كلام ماتبي تسمعه واغلبيته مايكون من قلبه واكبر دليل ان رب العالمين ماياخذ بطلاق الغضبان وباجي الامور الي تتدرين عنها كلها انا ادري عنها وجد ممتااازه صراحه عقب الي تتدري عنه فوفو وانتي بعد مافي شي زياده ادري عنه​

فوفو22​

فوفو يا بعد روحي ودي اعرف رايج بكلام الاخت عن الغيره هل فعلا مرتبطه بالكرامه:eh_s(2):
ومشكووره وايد عالموضوع بميزان حسناتج يارب​

 

[توتا حمرا]

عندي كلام وايد بس حدي دايخة من الزكام

يعطيج العافية كلام من ذهب

 

[حسن الخاتمة]

اناادري وانتي تدرين ان الحريم هل ايام بس اسم قلبهاطاير مع الاسواق والكافيهات والاستقبالات وان الزوج لاصار طيب وحلييييوخلته اخر اهتماماتها

 

[فتون777]

انا ادري ان الانسان مو دايما بنفس المود
لازم نعطي الطرف الاخر مساحه للراحه
والسكوت

 

[صادقة بكلمتي]

انا ادري ان الحياة للاقوى للي يواجه الشين اللي فيها علشان يقدر يشوف الزين ويعيشه والحياة اخذ وعطا والصدمات لازم تقوينا مو تهزنا وتعيشنا بامراض وتعاسه وانتقام ونكد والله يسخر كل زوج حق زوجته والعكس
مشكووووووووورة حبيبتي على الموضوع تسلم ايدج

 

[قسي قلبك تعيش]

فوفو يسلموووو عالمواضيع الرووووعه مثل راعيتيها وانا احبج بالله

الله يوفقج

 

[popa]

انا ادري انتي تدرين؟؟
التفاهم والاتفاق بين الطرفين يحل الي ماينحل

وشكرا يافوفو
��

 

[دلوعة صلوح]

انا ادرى انتى تدرين؟؟

ان الرفلة ولى ما اتعبر ريلها اهى لى قايم حظها ؟؟

مشكووووووووورة .

 

[سلاسل ذهبيه]

كلامج روعه بارك الله فيج

 

[[[ عيون جابر ]]]

ادري ان المره كل ما اهتمت بزوجها ولبسه واكله عطاها حبه واهتمامه وعيونه وكل ما اهملته وصار اهتماماتها صديقاتها وطلعاتها صار البيت فندق للريال يفقد اهتمامه ومسؤولياته

ادري ان الخيانه سببها فجوه غافله عنها الزوجه بحياتها الزوجيه ولي طاح الفاس بالراس قالت خانني ومومقصره معاه


سوري ادري اني ضد الحريم لان بهالفتره قاعده اشوف تقصير ودلع وسخافه وكل وحده تسوي من الحبه قبه لو شي صغير شالت اغراضها وراحت بيت اهلها ونشرت غسيل الريل وهذا اكبر غلط كلنا نزعل وكلنا ننجرح بس مانهد بيوتنا ونخرب زواجنا عشان موضوع تافهه لما الريال يحقرها تقول من قطني بيت اهلي ما سال عني ، محد قالج هدي مملكتج حق غيرج وخلي القرعه ترعى وتالي تتندمون بعد فوات الاوان

 

[[[ عيون جابر ]]]

فوفو تسلم ايدج حبيبتي تعجبني مواضيعج ويعجبني طريقة تفكيرج