انا ادرس واشتغل وراح اتـــزوج قولولي شسوي شلون اجمعهم؟؟

[كتكات احمر]

:lkmnkl:
:gr4uu:

اخطبوني وايد واتركوني بسبب هالشي وهم نقول قسمة ونصيب بس والله تعبت ...:eh_s(2):

ابي اجمعهم .. ما اقدر ابي اجمعهم ...:eh_s(2):

ابي اكمل دراستي عشان الي يتشمتون ينجعمون واثبت لابوي اني مو اقل من اخواني ..
ابي اشتغل لاني اذا استسلمت لزوجي وتركت الشغل يمكن يتنح وما يرضى يدفع للجامعة مابي اقعد تحت رحمته واطر منه ..وابي اثبت ذاتي واحرر نفسي شوي ..
ابي اتزووووووج لاني ملييييييت من البيت ومن اهلي ابي اعيش بحياة ثانية وزوج يحبني واحبه واعيش حياة صح بعيد عن ضغووط الناس .. ليش ماتزوجت للحين وجم عمرها ؟؟ :lkmnkl:

ابي احقق كل هذا بس لما اخطبووني اهلي زفوني ... ويقوولون ليش ماتتنازلين منو بجابل زوجج ؟ اذا انتي دوم مشغولة الصبح والعصر .. ومنو بيقوم بالمسؤولية ؟ :eh_s(2):

بس انا مابي الناس تتشمت فيني وابي اسوي كل الي في بالي .. مابي زوج يتحكم فيني ويشرط علي
عندي طمووووووووووووح ..
مابيه يوووقف ..

شلون اجمع الزواج الدراسة والشغل ؟؟ :lkmnkl:

 

[mi corazon]

امبيه انتاي نفس حالتي تدرين؟

الحين انخطبت .. وقلت حق امي قوليله بكمل ماستر وامي الحلوه ماقالتلها .. تب تفتك مني بأي طريقه الظاهر

الحين آنا ابي اشوفه علشان اعرف عقليته شلون؟؟ يرضى اكمل دراستي ولا لا؟؟
لأني اطلع من الدوام 2 واكون بالكليه 4 واخلص 8 يعني ماكو حياة اجتماعيه .. بس 3 ايام بالاسبوع مو كل يوم

ودي اقعد معاه مره ثانيه علشان انتناقش بهالشي

حبيبتي انتاي تناقشي معاه اهوا .. اهلج اكيد بيقولون الريل اهتمي فيه ومادري شنو ولاحقه عالدراسه ومن هالحجي

بس لو مو من اولها صدقيني تصعب بعدين

تفاهمي معاه مو معاهم

 

[احلى سماء]

حسب الزوج

حبيبتي

احسن لج طلبي خدامه

انا ادرس بالجامعه وتخصص صعب والله مو ملحقه وزوجي ما يعذر

شوفي موضوعي عنوانه ( كرهت نفسي من زوجي ) تلقينه بهالقسم ومرفوع بعد

 

[السهم الصويب]

يقولون صاحب بالين جذاب !!

فما بالج بثلاثة ؟

انا اقول درسي وخلصي وعقب اتزوجي !!

 

[هيبة ملك]

حسب طاقتج وتفكير زوجج

بس اتوقع فهالزمن صعب تجمعينهم

 

[« لـ / غيـرگ »]

درسي واشتغلي ولاحقه ع العررررررررس

 

[zain-bh]

شوفي حبيبتي اهي يمكن صعبه بالبدايه بس بعدين يمكن تتأقلمين واهم اهم شي انه انتي توضحين له هالشي من البدايه عشان بعدين ما يضغط ولا يتحلطم عليج

شي ثاني انتي شعليج من حجي الناس وتقهرينهم ماتقهرينهم حجي الناس مايخلص وغاية الناس لا تدرك

حبيبتي لا تضغطين على روحج على حساب الناس والنصيب بتاخذينه سواء الحين والا بعدين بس انتي حسبي حسابج عدل وتفاهمي معاه قبل كل شي

 

[<miss botamba>]

الصراحه لا يقصون عليج ويقولون لج تزوجي

اذا ميته عالزواج لازم تهدين الدراسه او الشغل

مراح تقدرين عالثلاث يمكن الزوج يصبر يوم يومين بس مراح يرضى عقب وبقط نقزات

اصلن انتي مراح يكون لج خلق حقه !!!

انا اقول درسي وخلصي ومسكي الشهاده بيدج محد نافعج غيرها

وعقب تزوجي

لان لا سمح الله حملتي بتصير المصيبه مصيبتين ووين بتوفين بين شغل ودراسه وياهل وزوج !!

ممكن درجاتج تنزل وينزل معدلج وممكن تنفصلين من الدراسه

ليش شالله حادج


وبالعقل صعبه توفقين بينهم لو دراسه وشغل او دراسه وزواج ممكن بس الثلاثه صعــــــــــــــــــــبه حتى لو تنظمين وقتج

 

[(m & m)]

اختي انا امي ماشاء الله عليها

كانت تدرس و تشتغل

كانت تدرس ماجستير احصاء و تشتغل مدرسه !

لا و عندها 6 عيال على هالوقت و خ>ت الماجستير

بالاراده كلللللللللللللللللللللللل شييييي يصيرررررررر

 

[مهفهفة]

لا تتزوجين !

تو الناس

وغلطانة بكلامج عن اهلج بهالطريقة

لا تظنين بيت الريل أحن لج من بيت الاهل

 

[احلى سماء]

انا اقول تجيبين لج خدامه احسن

والزواج ماراح ياثر
على الدراسه والشغل

دام عندج خدامه

 

[L.a.v.e.n.d.e.r]

اهم شي شهادتج
وكل شي ثاني ينطر
الله يوفقج ويكتب لج اللي فيه الخير

 

[زهراء الركابي]

رد : انا ادرس واشتغل وراح اتـــزوج قولولي شسوي شلون اجمعهم؟؟

انزين تزوجي ودرسي جامعه بس أجلي موضوع لعيال لين تتخرجين

عشان لا يلهونج عن دراستج

ومن تتوضفين ييبي لللبيت خدامه

 

[DooLy88]

قولي انا اقدر

وانا اعرف انظم وقتي

وتوكلي على الله



اللي تدرس وتشتغل ماتتزوج يعني ؟

 

[L I N D T]

عليج بالاستخارة ..

ما عليج من اي كلام ينقال لج ..

اذا كنتي مرتاحة للشخص اللي متقدم لج وافقي =)

وتوكلي على الله والدراسه والشغل سهل ان شالله .. كلها جم سنة مو طول العمر =)

واكيد بيكون الريال متفهم ^_^

 

[كويتية 1990]

يعتمد على الريال الي متقدم لج وعقليته
لازم تشرطين بالاول

او ليش ما تملجين وتقولين حق الريل الزواج بعد التخرج اذا كان باقيلج سنة ولا سنتين على التخرج

 

[كتكات احمر]

هلا حبيباتي المشكلة اني توني بادية مشواار الدراسة يعني حتى ما بلشت باربع سنين توني خلصت التمهيدي بس

وهم قاعدين يرفضوني بسبب هالشي ...

يخطوني وهم مايدرون شالسالفة لما اقوله ادرس ترا العصر واشتغل الصبح يضيق خلقه ويهون عني

 

[كتكات احمر]

وبعدين ما اقدر اخذ الحين اجازة دراسية لان مافي توقيف قيد لاازم اخلص 4 سنوات يا الله اييب عيال

 

[كتكات احمر]

فلاازم اصبررر اييب عيال على الاقل 2 عشان يسكت وبعدين اخذ اجازة واخلص سنوات دراستي

 

[مدام زيزو]

رد : انا ادرس واشتغل وراح اتـــزوج قولولي شسوي شلون اجمعهم؟؟

انتي تزوجي وشوفي وضعج وشوفي الريال يمكن الله يهديه ويدفع لج فلوس الجامعه