ام زوجي .... مره أخرى !!!

[كتكوته عسوله]

السلام عليكم ورحمة الله شلونكم خواتي طبعا الموضوع يتعلق بأم زوجي وابيكم تدخلون على ملفي الخاص وتشوفون مواضيعي كلها مشاكل مع ام زوجي وراح تعرفون لما تقرون مواضيعي عنها شنو شخصيتها وشلون علاقتها معاي لأني لو بقول هني راح يطول كلامي عنها .... واخر مره كنا متهاوشين انا وزوجي انا كنت معصبه وما ادري وين اروح وحق منو وما حبيت ادخل اهلي بالموضوع فدقيت على امه على اساس انها تهدي الامور وتكلم ولدها وتعقله وانا كنت اكلمها وانا منهاره وقاعده ابجي تدرون شنو قالتلي ؟ قالت روحي بيت ابوج وتطلقي شتبين قاعده عنده (( اللي اهو ولدها )) وتحرضني عليه خيلو بنات لا وتروح ادق عليه وتقول له دير بالك منها لا تحطلك ممنوعات فسيارتك وتورطك !!!! وتقول له سويلي توكيل عام وانا اسوي اجراءات الطلاق كلها !!! هالحجي صارله شهرين تقريبا والحين اخته داقه على زوجي وتقول له تعال انت وفلانه (( عني انا )) حق المخيم براس السنه ستانسو ... ما ادري شرايكم بنات زوجي يقول لي خلي نروح قاعدين بروحنا ضيقة خلق طبخي غداج واخذي معاج شرايكم انا اول مره اسمع واحد عازمينه على مخيم اييب غداه معاه !!!!! شرايكم تكفون ابي تعطوني جواب اجاوب فيه زوجي والا شرايكم ادق على اخته واكلها عن امها انتو شرايكم ؟؟؟؟؟

 

[ناتشوو]

ههههه
بصراحة درس لج
ماتشتكين
عند ام زوجج لولدها
يعني
تبينها
تمسكه وتطقه
علشانج
( عجبني ردها بحفظه للمستقبل لو دقت مرت ولدي تشكيلي
الله يرزق عيالنا واخواننا بالزوجات الصالحات)
الله اعلم
عن دوافعها
يمكن ماتستلطفج
يمكن تحس ولدها يستاهل احسن منج
يمكن صج شافتج انظلمتي وتبيح تفتكين منه
الزبده
درس وعدى
لا تشيلين بقلبج
ولاتفتحين الموضوع مرة ثانية
انت الحين مستمرة مع زوجج وخلاص هذا المهم
وحلي مشاكلج مع زوجج بروحكم
وروحي استانسي بالعزومة
وبسج اعتراضات خليج لينه سهله
قال لج سوي غدا
مو لازم تسوينها سالفه
خليها بوقتها
والحين اشكثر المطاعم وشغل الحريم
اذا اضطريتي

 

[مجبوس]

الله يهداج اكيد ولدها اغلي منج تشتكين علي ولدها عندها
مهما كان انتي جنه لوطالعه من الجنه
استهدي بالله وطبخي غداج وروحي مع ريلج استانسي
وجنه ماصار شي يابنت الحلال

:eh_s(17):

 

[كتكوته عسوله]

بس الام تصلح ما تفرق بين ولدها وزوجته وتقول له عني اني بحطله ممنوعات !!!!!! والله يوم خطبتني محد قال لها اني كنت زعيمة عصابه !!!!

 

[TINA]

حبيبتي طنشي احسنلج و لا تخربي علاقتج بزوجج ولا تكدرين مزاجج عادي تقول الي تبي اكييد بنظرها ولدها يستاهل احسن منج كل ام جذي ولازم تخلين علاقتج مع عايلته زينه و كلها ود و احترام حتى لو من داخلج ما تحبينهم بس علشانه اهو انا لو مكانج والله عادي اسوي اكل او حلو و اروح و اذا اهم من النوع الي رح يعلق على اكلج ييبي من المطاعم و خلصي عمرج و استانسييي اهم شي انتي و زوجج

 

[M!SS.LOBY]

الله يهديه ويصلح حالج وحاله بس مبين الام ريلج ما تبيج تبي الفراق عاد انتي المفروض ما تروحين حقها وتشتكين يعني انتى حطيتي السالفه لها بطبق من ذهب وقدمتى لها ولا بعد تقولج روحي سوي توكيل عشان اكمل اجراءات الطلاق تحملي زوجج وطلعو حق المخيم واخذي الغداء معاج لان مو حلوه تدخلين عليهم وايدج فاضيه معاه حق زوجج .

 

[ناتشوو]

بس الام تصلح ما تفرق بين ولدها وزوجته وتقول له عني اني بحطله ممنوعات !!!!!! والله يوم خطبتني محد قال لها اني كنت زعيمة عصابه !!!!

غريبة انج تقولين هالكلام
عقب موقف ام زوجج
موشرط كل ام تبي ولدها يستمر مع مرته
متى ماكانت مو راضية حتو لو عند ولدها عشرين ولد
بتتمنى طلاق مرته او ع الاقل يتزوج عليها
احنا مانبي نخرعج
بس لا تدخلينها مرة ثانية بمشاكلج
ولا تخلينها عدوة
درس وتعلمي منه
اذا انت ماحرصت ع استمرار زواجكم
محد كثرج بيتمنى لكم الاستمرار والتوفيق

واحنا مثلج ماندري ليش ردت چذي
خاصة الممنوعات
بس استفيدي من الموقف واطويه

 

[ملوكة الامورة]

خلاص حلي مشاكلك مع زوجك
بنفسك وبينك وبين زوجك
وحاولي تتقربين من زوجك
وتكسبينة
والله يعينك ويفرجلك

 

[زوجة عزيز]

الله يعينج عليها صج عسره ولاجنج تسمعين شي ولا اتكلمينها اي شي عن زوجج لا اتخلينها تستغل الفرصه وتبعدج عن زوج يمكن اهي حاطه في بالها وحده غير تاخذها لولدها

 

[PuPa^^SWeeT]

ام زوجج نوعها تسمع وايد بلاوي


الحيين انتي عرفتي انها مو مال تشتكين عندها على ريلج


خلاص



وسالفة الغدا

عادي حال لما اتودين وياج شي حلو ولا معجنات بررر


بالعكس طبخي و ودي و خليهم يذوقون طباخج



يمكن ريلج يبي يكشخ فيج



هدي بالج

 

[PuPa^^SWeeT]

قريييت والله ملفج الشخصي


يبيييلج وساااعة صدررر



وترا صدقييييني


مابغييييت اقووول




بس صدقيييييني



احد متقول على عايلتكم بالمخدرات



لانه هالشي مو طبيعي


احد قااط كلمة و سمعتها حمووولتج


اللي عليييج تنسين الكلام


واذا انطرى مرة ثالثة واجهي ريلج

وقووولي من وين لكم هالحجي


منو اللي يقذفني بهالتهمة

 

[مناير ...!]

كل السالفه كوم
وسالفه الممنوعات كوم
استغفر الله شنو هالفكره؟؟ وين احنا ؟؟

لو انا مكانج والله مااروح

 

[amami al-kuwai]

بالعاده الوحده تدق على امها والا على اختها كلش كلش رفيجتها وتشكي وانتي رحتي لامه اللي تقولين مشاكل بينكم

بصراحه انتي الغلطانه المفروض اهل زوجج مايدرون عن مشاكلكم خير شر

اما موضوع الروحه فروحي استانسي واذا قالت اي شي عطيها المثل المحبوب طنش تعش تفرفش وتنتعش

 

[مشاعلksa]

شوفي حبيبتي حمولتك تبينهم يمشون معك صح خلك ثقيله ثقيله ثقيله ولاتعطينهم وجه ومو كل شوي ناطه لهم خلهم يتشفقون شوفتك ومو من تشوفينهم تشقين الحلق ابتسامات ترى الحموله مهما سويتي مايبين بعينهم تفكرينهم بيقولون طيبه حبوبه هههههههههههههههه ولله لوتشعلينها لهم 10 شمع من تطلعين مع الباب يحشون فيك طنشيهم وخلك رسميه قومي بالواجب فقط معهم قدام زوجك غيره لا لاتقولين زي هلي مافي احد يجي مكان الاهل انسي ولاتقولين امه امي حبيبتي هذا ولدها طلعت روحها يوم جابته ماراح تحنك انتي الغريبه على ولدها

 

[عسل حدي]

الله يهديج ترا منج مو منها

 

[مـوعــوده]

ليش لايمين عليها ؟؟؟؟؟
تصرفها جدا طبيعي ...تصرف الأم اللي شاذ وغير طبيعي
هي لما راحت لأم زوجها راحت تستغيث بعد الله تبي احد يهديها ويهدي زوجها ويصلح بينهم ...والا ليش الله سبحانه شرع حكم من اهلها وحكم من اهله؟؟
الأم اللي والله غريبة الاطوار اعووذ بالله الله يهديها

 

[امـ خــزامـى]

تحمست ادخل ملفك الشخصي


بررب

 

[امـ خــزامـى]

يااااااااااااااااااااااااااالهي

وش هالملف الكئيب !!!!!

شخصيتك ضعييييييفه جدا

وكئيييييييييبه

وموسوسه

وسلبيييييييييييه

وكل الناس تشكين فيهم

وثقتك بنفسك وباللي حولك معدووومه

ومو معقوله كل ملفك انت مظلومه ومهمومه

والناس متسلطين عليك ومستغلينك وتسيئين الظن فيهم وتتحسسين منهم وتفسرين كل كلمه او حركه بالشينه
زوجك _ امه _ خواته _ اختك _ زميلتك بالدوام _ مديرك

اعذريني انا متاكده ان ردي مايعجبك وبتتحلطمين علي لاني شفت كل مواضيعك اللي يقول رأئيه ويناقضك تزعلين
وتحبين الناس يطبطبون عليك بردودهم ويرحمونك ويدعون لك بس


انت تحبيييييييييييييييييييييييييييييييييييييييييييييييييييييييييييييييين تعيشين دور الضحيه المغلوب على امرها
واللي كل الناس ظالمينها ووتحبين الحزن والهم والكأبه

واضح تربيتك كانت جدا غلط وفيها مشاكل واثرت عليك
لدرجه انك صرتي سلبيه وكئيبه

وغير كل هذا حساااااااااااااااااااااااااااااااااااااااااسه


وللمعلوميه
ترى ضروري تروحين لطبيب نفسي تفضفضين له
وغير كذا سوي تحليل الغده وفيتامين دال

والله يرزقك بدرزن عياااااااااااااااااال تلهين فيهم ويغيرون عليك حياتك
الكئيبه ويدخلون الفرح على قلبك



اكرر اعذرييييييييييييني بس هذا رائي بكل صراحه ومن غير مجاملات

 

[منال $]

انتي غلطانة من البداية في مشاكل بينك وبين ام زوجك تتصلي عليها تشتكيلها من ولدها اكيد راح توقف معة
هدا درس الك عشان مرة تانية لاتطلعي مشاكلك برة بيتك الا لو لاسمح الله موضوع كبير

 

[عزيز قلبي]

جربي وروحي العزيمه وطلعي بالوجه الابيض جدام زوجج