ام زوجي مخوفتني ....

[@نداوي@]

السلام عليكم ورحمة الله وبركاته ..
بنات ابي ادخل بالموضوع على طول .. بنات والله اني ولا يووم نمت مرتاحه من ملجة صارلي تقريبا سنتين ،، والله يابنات خايفه .. تدرون من شنو امانه يابنات ردووا علي
اول شي مثل اي بنت تحلم بالزواج .. انخطبت ودروا اهلنا جم بم الا الزوج طاير .. كنت بملج بس ربي ما كتب ردوا الاوراق وكل شي آآآه قدر الله وماشاء فعل يتني ضيقه وقعدة تقريبا شهر ويالي ريال غيره .. طبعا امي خلاص قالت مو نفس الاولي خلي لما ينكتب كتابكم الناس يدرون ..
بنات ملجة ومن ملجة لي اليوم من 2008 لي اليوم ولا يوم حسيت براحه والله اني حتى تفكير اذا تذكرت يضيق خلقي ..
اول شي يوم ملجة قالوووا يااوو انتو اشلون اخذتووه امه عزره ونجره وتحب المشاكل .. ماصدقت وبعد فترة صار شي وبينة انها وقحه بشي سوته تضايقة حيل وصقتني ضيقه بنات انا والله مابي الطلاق لان البنات الي اهم بنات مالقوووا ريايل وانا اخاف اذا تزوجت تصير مشاكل واهواش واطلاق .. لان امه تخوف وهم خواته لم يسولفون عنهم يكش جسمي .. على فكره امي ماكانت تعرف امه ولاشي بس من ملجة عرفناهم الي يعرفونهم جماعتنا .. اااح والله يابنات الضيقه ذابحتني واكثر شي مخوفني صارلي سنتين ولا حددوا العرس .. وامه احس مافيه حياه بالمره بنات امانه ريحوني والله اني خايفه واحس بالهم الدنيا على راسي وخايفه من باجر كل ماطلع نور يتني ضيقه ما يعلم فيه الا الله ... ادعولي بنات تكفون

 

[هيبة ملك]

أنت مااستخرتي؟؟

وعسى أن تكرهوا شئ وهو خير لكم

والله مادري يمكن كلام الناس صح ويمكن لا

ألحين خلاص أنت زوجته

ممكن تتطلبين بيت بروحج

مادري شقول لج

 

[kuwaitya_zoGaa]

حبيبتى انتى لو بس تحددين موعد العرس راح ترتاحين صدقيني
ومالج شغل بكلام الناس يا ما سمعنا من ناس ذموهم ولى عرفناهم يطلعون ذوق وكلاس وذرابه
ومن رايي اذا انتى محتاره فيه استخيري .

 

[@نداوي@]

رد : ام زوجي مخوفتني ....

اول شي مشكوره على ردج .. ياقلبي
امبلا استخرة .. واطلب بيت بروحي من اصعب الامور ومن الامور المستحيله ..
(( بنات عفيه ردوووا علي .. ))

 

[*غناتي*]

الله يعينج .. بس عليج بدعاء الله يكتبلنا الي فيه الخير يارب

 

[الأميرة جوري]

اختى اشعليج بامه ,,,,,,,,اهم شيء رضاه زوجج وتفاهم بعد الزواج ويمكن كلام ناس غير يمكن مظلوووومه الواحد لايحكم الا لمن يجرب ويعاشررررررر

 

[So0oKaRa]

كثري من الدعاء هذا اول شي
وطلبي شقه بروحج عشان ما تحتكين وايد مع اهله
ولو الريال زين مالج شغل بأهله اهم شي الريال
وانتي ما ذميتيه بكلامج يعني مبين انه خوش واحد وعاجبج
وكل ما حسيتي بالضيق والخنقه قعدي استغفري ربج لين ترتاحين وشيلي الافكار المأساويه من بالج
يمكن اهله اللي اهلج قامو يذمونه الله يكتب وتتوالمين معاهم وعلاقتج تصير وايد زينه مع اهل ريلج
لا تحاتين والله يقدم اللي فيه الخير

 

[.،:"$الـعـوبــــة$":،.]

ماعليك من كلام الناس ،
ماتدرين لو ربي بكرة يسخرهم لك ، ويطرح في قلوبهم محبتك ،،
ودامك مستخيرة خلاااااااااااااص ،،
بتثقين فيهم والا في ربك ؟؟
ماعليك ، تعوذي من ابليس وتوكلي على ربك واستغفري وتصدقي بنية التوفيق ،
وموفقة باذن الله ،،​

 

[*الشيـــهـانـة*]

ان شاء الله يتحدد عرسج وترتاحين
ماعليج من كلام الناس ترى الناس بس تبي تخرب .

 

[خليفة العظماء]

الحمدلله على كل حال
محد مرتاح

 

[بحر الذكريات]

الله يعينج يارب ويسخرهم لج

 

[رنين]

رد : ام زوجي مخوفتني ....

اعرف وحده جذيه ياااااما خوفوها من امه قشره و عند الناس تخرع
لما عاشرتها الاا المره ببيتها تهبل حبوبه و سنعه



لا مو وحده اكثر من وحده
تسمع حجي عن الام و تلقى الواقع بالعكس

و اعرف وحده ياااااما مدحوا ام الي خاطبها و فعلا عند الناس يااااازينها و يازين بناتها....يوم عاشرتهم و قعدت بينهم ذياب ما تنتعاشر...
و لي الحين عند الناس يزينها و يحلوهاو يبختج يا فلانه بها الخاله و محد درى عن حالها معاهم!


الي بقوله حبيبتي الخوف شي و الواقع شي ثاني
لا تاخذين قراراتج عالخوف لكن شوفي الواقع و استخيري و استشيري و تالي قرري
و الي فيه خير ربي ييسره لج يا رب

 

[انسام الكويت]

الله يعينج وانتي اتحسين بهالضيقه من الكلام اللي تسمعينه من حولج

انتي وكلي امرج لربج وان شاء الله سهالات دام ماعاشرتي امه وخواته

لاتحكمين عليهم مع العشرة كل شي يبين واهم شي رضاة زوجج وادارينه وتحطينه وسط عيونج

حتى لوكانت امه نسره وخواته عووب راح اتشوفنينه واقف معاج ومايرضى عليج

بس المفروض محددين العرس لانه سنتين واايد ؟

 

[كرز حالي.]

رد : ام زوجي مخوفتني ....

اكسبي محبة امه مهماااااااااااااااا قالت ومهما سوت
وراح تكبرين بعينه وبعينها
وماعليج من الناس

 

[مدام زيزو]

رد : ام زوجي مخوفتني ....

مالج شغل بكلام الناس انا بعد قالو جذي صج اول زواجي انغثيت شوي بس لما كنت اسكت وماارد عرفو معدني والحمدلله رب العالمين الله سهل الامور
عسى ربي يسهل امورج وييسرها وبعدين وين ريلج قوليله يالله خو

 

[●° يآإ حِ‘ـبنيً ليَ . . ! «]

ماصدقت وبعد فترة صار شي وبينة انها وقحه بشي سوته تضايقة حيل

ماآفهمت قصدك .؟ =(
يعني شنو سوتلج .؟

انتي بااالأول اسَتخري ، وربي يوفقج =$

 

[sweet dashttya]

رد : ام زوجي مخوفتني ....

حياتي انتي اقري كل يوم سورة البقرة واستغفري وان شاء الله ما يصير شي لا تحاتين

 

[Tutti-Frutti]

رد : ام زوجي مخوفتني ....

الله يفرج عنج

 

[سارووونه22]

الله يفرج همج ويسرلج امرج

 

[ميس الورد والشوق]

ما ادري شنو اقولج

الله يكون بعونج