ام جديده ساعدوني

[مصممةتقنيات]

السلام عليكم

انا بطلع من النفاس بعد جم يوم واحاتي حيل سالفه المولود امي الله يطول بعمرها طول الوقت عنده وهي الي شايلته انا اخاف ارد بيتي واتوهق خصوصا ان شقتي بروحي مو مع اهل زوجي وعندي خدامه بس انا مو عارفه شلون انظم وقتي مع هالمولود الجديد ومع زوجي ومع نفسي احس راح اضيع عطوني من خبرتكم

 

[مشتطـه]

عادي تتسهل والله

انا اخر الابعين تعلمت من امي كل شي

وحاشني اكتئاب لما طلعت ما حبيت الوضع اليديد

شهرين وكل شي تعدل

 

[أحلى عروس 2012]

وووي يااختي من صجج
انا الحمد لله صار لي والدة شهرين ونص
ورديت من بيت أمي بعد الاربعين والحمد لله كل شي
تمام

 

[أحلى عروس 2012]

وعن تجربة
راح تحسين بالسعادة اكثر من تشوفين نفسج انت المسؤولة عن البيبي
وع فكرة انا ماعندي خدامة

 

[ريتااجي]

قبل لاتطلعي من الاربعين

تعلمي من امج كل شي عن امور اليهال

تسبووح وتغيير عشان اذا طلعتي من الاربعين

تكوني ملمة بهالامور ولاتنسي الاشياء البسيطة مثل كمية الماي الغريب

والشاي والمرقدوش

 

[نور دنياه]

فالبدايه بتكون صعبه حاولي ترتبين مع امج او الخدامه "طبعا اذا كانت كفو وثقه"، انا كنت اسهر ماارقد الا 6 الصبح وبنتي كل ساعتين تقوم كنت اعطيها الخدامه طبعا تقوم متفيجه لبنتج لانها راقده وشبعانه رقاد. وكنت ارقد لي 4 ساعات جذيه وارد اقوم. واذا ماتبين الخدامه خلي امج تمرج عشان تمسك الياهل وانتي ترتاحين شوي.
بالنسبه لي كان موضوع النوم هو الي متعبني اما باقي الامور كانت تمام الحمدلله، وللعلم انا بجر وتنفست ببيتي لانه بيت اهلي كان صيانه وعمال، وامي تمرني الصبح تستلم الزام وانا ارقد.

ولاتقولين مابي اعطي بنتي للخدامه، ترى انا كنت جذيه اقول وبالاخير رضخت للواقع، ترى بتضطرين تعطينها الخدامه لو شوي، مثلا بتدخلين تسبحين منو بيشوف الياهل؟ او عندج ضيوف والياهل وصخ عمره ! اكيد مابتخلين ضيوفج وبتروحين تبدلين للياهل عيب والخ الخ

 

[M!SS.LOBY]

سهالات راح تتعلمين