ام تغصب بناتها يدخنون ويشيشون !!

[فوجي العتيبي]

السلام عليكم بنات شلونكم عساكم بخير ../ انا بتكلم معاكم بصراحه عن موضوع مستغربه منه حيل اللي هو موضوع ام رفيجتي تخيلوا انا عندي رفيجه قريبه مني حيل واعرفها من زمان وكل شي فيها زين واهلها زينين الا شي واحد امها دايما تقولها وتقول حق خواتها دخنوا وشيشوا شفيكم هذي وناسه وبرستيج والام بعد تدخن وتشيش والابو راضي ودايما تدخن وتشيش على طول حتى لما يطلعون الزقاره والشيشه ماتطيح من ايدها وتحطهم بحلج بناتها غصب الا تبيهم يدخنون تقولهم خلو الناس يشوفونكم وانتوا تدخنون ترا وناسه ورزه !!! المهم اخت رفيجتي تعودت وصارت مثل امها 24 ساعه زقاير وشيشه وقهاوي ورفيجتي ماتبي ومو راضيه بس امها تغصبها واذا مادخنت تزفها وتفشلها جدام الناس والابو ساكت !!شالحل مع هالام انا رفيجتي ماتحب هالشي وتدري انه غلط بس امها غاصبتها عليه تكفون ترا نفسيتها حدها تعبانه شتسوي !!

​

 

[شافوك بحساسي]

مالها الا الدعاااء والموااجهه برفضها

 

[ميـــم]

شهالام استغفرالله اللي تحرض بناتهااا على الخرااااب
الله يهديهااااا ويصلح حااالهاااااا
المفروووض البنت توااااجه امهاااااا موو بكيفهااا تغصب البنت
اهي بتدخن كيييفهااا بسسس تغصب البنت حدهااا !!!!!

الله يسااعدهااا يااارب 

 

[ł ŏ ł γ . . ✿]

@_____________@ !!!

فظيييعه هآلآم !! يآربي وين عآيشين من صجهآآآ هذي @__@ !!!

مسكينه شو بتقدر تسسوي غير آنهآ تصصصر ع آلرفض عشآن صحتهآآآآ !!

شكل آلآم مش خليجيـه لآن في بعض آلدوول عآدي عندهم هآلحركآت :s آلله يهدييهآآ

 

[كوشية فوشية]

مرررحـبا حبوووبة
اولا من صجج تحجييييين صج صج ووويع شهالأم هذي اللي ترضى بناتها يدخنوون
اصلاااا فاهمه الرزة والبرستيييييييييج غلللللللللط يمحي الانووثه بكبرها
يمكن الام متعوده من وهي صغيره فصار الموضوع عاادي عندها وقولي لرفيجتج
ان اذا شرربت الزقاير تجيها خنقه موطبيعيه بالصدر ف ماتقدر خل تقص عليها بعد شتسوي الله يعين رفيجتج ووويهدي امهاااا
مع خالص تحيييياتي >

 

[وافرر]

تقولهم خلو الناس يشوفونكم وانتوا تدخنون ترا وناسه ورزه !!! !!

الى هذا تفكيرها فهى مريضة لاتخلينها تسمع كلام امها << حشا ماهى صاحيه

 

[هذاك أول]

استغفر الله

حرااام تدمر مستقبل البنات ؟؟؟؟؟

شوفي قولي لصديقتك مالها الا الدعاء تدعي وتصلي ركعتين قبل النوم
واذا شافت امها واختها يدخنون خل تسوي نفسها نايمه
او تصك غرفتها عليها
يعني لاتجلس عندهم

وهذا ابتلاء من ربنا خليها تقوي ايمانها بربها

والله يستر عليهم ويهدي امهم

 

[مُخملْ]

لآطآعةَ ل.مخلوق في معصية الخآلقْ ،
آلتدخينْ حرآمْ شَرْعاً ، والامْ -اللي ماتتسمى امْ-
مآلها اي حقْ تغصبْ بنآتها ، آي آم هذي!!!!

خليها تصر على رايها ، ولاتحاول تجربْ ، وتدعي ان آلله
يهدي آمها من اللي اهي فيه !!

،

-للآفآده-
http://www.saaid.net/Minute/108.htm

 

[قلم حر]

لا حول ولا قوة إلا بالله

 

[Tom ♥ Jerry]

,

لاحول و لا قوة الا بالله العلي العظيمـ .! :eh_s(2):
اي رزه هاذي بالشيشه و الزقاير :/
شنو هالمنطق و التفكير الغرريب :|

حبيبتي انتي خلج على طول ويا رفيجتج ,، و قوي ايمآنهآ
عشان مآ تضعف لـ مطآلب آمهآ .،

قولي حق رفيجتج اذا طلعه آمج و آختج كلا شيشه و زقاير
لا تطلعين وياهم كلش عشان مآ تتعود على هالـجو

و خل تكون قوية الشخصيه لا تضعف كلش ،
خل توقف الكل عند حده :eh_s(4):

 

[يآمقسمني عشآير♥]

انا مايقهرني الا اللي تستهزء وتقول امبيه شهالام ومش خليجيه واي لاتبلانا واسلوبها فيه نوع من الطنازة
ماتدرين باجر ربي يهديها ويبلاج مادري شصاير بهالعالم ماهمها الا الطنازة والمعاير ندري انها غلطانه بس مايحق لنا نتطنز
ياشين هالنماين
ترا كل انسان يخطي عوذة
حبيبتي خليها تكلم امها بالهداوة وتفهمها اللي قاعدة تسويه غلط
ترا هالام يبي لها من يرشدها للصح ويفهمها

 

[مُخملْ]

انا مايقهرني الا اللي تستهزء وتقول امبيه شهالام ومش خليجيه واي لاتبلانا واسلوبها فيه نوع من الطنازة

يَ حبيبتي ، محدْ تطنزْ على حدْ ، وهذي مب طنآزة
احنا مستغربين من الامْ آللي تحرض بناتها على ه الشي
لان مافي ام في ه الدنيآ تسوي هالشي، ومايعقل الشي اللي يصيرْ،
لآ آكثر ولا اقل !!
وآلله يهدي الجميعْ

 

[ł ŏ ł γ . . ✿]

انا مايقهرني الا اللي تستهزء وتقول امبيه شهالام ومش خليجيه واي لاتبلانا واسلوبها فيه نوع من الطنازة
ماتدرين باجر ربي يهديها ويبلاج مادري شصاير بهالعالم ماهمها الا الطنازة والمعاير ندري انها غلطانه بس مايحق لنا نتطنز
ياشين هالنماين
ترا كل انسان يخطي عوذة
حبيبتي خليها تكلم امها بالهداوة وتفهمها اللي قاعدة تسويه غلط
ترا هالام يبي لها من يرشدها للصح ويفهمها

عطيني من ردي كلمه تدل ع آني آستهزء ؟!

شفتيني !!! عشآن تحكمين ع آني آتطنز !!! و آلله مب مشكلتي يوم آنج فهمتيهآ جي

و يآليتج رديتي ع رآعية آلموضوع و عطيتي حل حآلج حآلنآ

مب هديتي كل شي و وقفتي ع آلردود !!

يعني تفهميني آنج مآنصدمتي شرآآتنآ ؟!!!

 

[وردة وطني]

الله يهديهم

 

[^LILY^]

انا مايقهرني الا اللي تستهزء وتقول امبيه شهالام ومش خليجيه واي لاتبلانا واسلوبها فيه نوع من الطنازة
ماتدرين باجر ربي يهديها ويبلاج مادري شصاير بهالعالم ماهمها الا الطنازة والمعاير ندري انها غلطانه بس مايحق لنا نتطنز
ياشين هالنماين
ترا كل انسان يخطي عوذة
حبيبتي خليها تكلم امها بالهداوة وتفهمها اللي قاعدة تسويه غلط
ترا هالام يبي لها من يرشدها للصح ويفهمها

حبيبتي قريت الردود ماكو رد استهزء بالعكس :bbbiu:


المهم :
البنت مفرووض توقف امها عند حدها الله يهدي امها بس والبنت ماشاء الله عليها خووش بنت تمسكي بصداقتها ترا في بنات عاادي عندهم والعياذ بالله بس هي لان معدنها طيب استنكرت الموضووع ...

 

[فوجي العتيبي]

مشكورين بنات ع الردود .. بس المشكله امها تغصبها غصب اذا ماسوت اللي تبيه تقعد تزفها تصرخ عليها جدام الناس اذا طلعوا وماشيشت تقوم القيامه عند امها واللي تقول مو كويتيه لا كويتيه واصيله وبدويه بعد بس الله الهادي .. والله رفيجتي بتضيع نظرة الناس لها تحرق قلبها !

 

[غلا سعود ~]

لاطاعة لمخلوق في معصية الخالق < حتى لو امك >

 

[فوجي العتيبي]

هي تبي الحل شتسوي بالهمصيبه اللي هي فيها ترا المووضوع بالنسبه لها مسبب ازمه نفسيه والله تبجي تبجي وامها ولا بالبال اهم شي تدخن وتشيش

 

[إحسسسآس]

الحمدلله والشششششكر !
عشنآ وشفنآ .. أمحق أم ..
قولي لرفيجتج ماكو شي بالغصب

الله يهدي امهآآ وأبوهآآ ..

 

[Vdieta]

قوليلهآ خل اتقوول لأمها ان الشيشه والزقاير يسببون الموت فجأه وخليها اتطلع جذبآت ...

اول مره اشووف ام تقووول لبناتها دخنوو واشربوو شيشه
مثل مآ قآلت

ł ŏ ł γ . . ✿


الام جنها مو خليجيه ...