" ام الصبيان " او التابعه ...! عندكم فكره عنها..؟!

[تمر حنا]

الله يرزقج بالذريه الصااالحه يارب ونصيحه داومي على البقره والاستغفار

 

[دمثة]

الله يجزاكم خير ويفرج همكم يارب
ابشري برقم الشيخ
اهو صحيح ان تحاليلي سليمه الحمد لله وزوجي هم سليمه
لكن الحمد لله علي كل حال من الاحوال ماصار حمل حتي اخوان زوجي تزوجو بعدنا 5 سنوات هذا واحده توها والده
والباقين اتوقع انهم حمل
انا الحمد الله راضيه بقسمت ربي بس خايفه تنكسر نفس زوجي يبي طفل مثل خوانه
احس قلبي يتفطر
الحمد الله الله كريم يرزق بلا حساب
اللهم لاتذرني فردا وانت خير الوارثين
اللهم ارزق المسلمات الذريه الصالحه يارب

لكن انصدمت من سالفت التابعه هذي ماكانت علي البال ولا علي الخاطر ولا اعرفها بالمره
حتي اللحين قمت اخاف انام بالليل
احس كل شي يتحرك او احد يطل ويختفي
علي اني ماااااخف الا من اللي خلق وحده والله ماااكان عندي ذرت خوف لكن من دريت تجيني رعشه وضيقه تكتم صدري
من اشوف زوجي تخنقني العبره مادري شنو عليه انتو تحسون مثلي ولا لا
من اركب السياره تجيني نوبه بكي بس بيني وبين نفسي احاول اكتمها واتعوذ من الشيطان
هذا قبل لادري

اللي فيها تابعه تعلمني شنو تحس فيه تحس بضيقه يجيها الجاثوم

66886493
رقم الشيخ ابو حاتم

طيب انتي طرشتي مسج له ورد عليج والا رحتي له

 

[sweetcat]

انا نفس احلامج بالضبط بس مرات تخف مو تروح تخف ومرات تروح لفتره خصوصا ادا قمت صليت الفجر بنفس وقتها وقريت قران بعد الصلاه اي سوره من القران وبعدين اقراالاذكار والرقيه ((ان قران الفجر كان مشهودا)) صدق الله العظيم.. وانصحج تدهني بزيت مقري وبعدين مسحي بطنج والاماكن الخاصه واذا قدرتي كل جسمج بالمسك الاسود لانهم ينفرون منه..انا من احطه تروح عني الاحلام وخصوصا اللي فيها معاشره,,والله يشفينا ويشفيج وابتعدي عن الاغاني واي شي حرام لانه يجيبهم..واكثري الاستغفار واشهد ان لا اله الاالله وحده لاشريك له له الملك وله الحمد وهو على كل شيء قدير... وفي شي مهم حيييييييييييييييييييييييييل والله من خذيته باذن الله شفت العافءيه بس ماداومت عليه الا اسبوعين وانشالله برجع له... تحطين ملعقه عسل في ماي افضل زمزم من الليل وعالريق تشربينه وانشالله بتدعيين لي.

 

[دمثة]

الله يشفينااا

 

[طفلة المطر]

سورة البقره في آخر الليل ركعتين

يوميًا أقري سورة البقره انا كنت اتحلم احلام مخيفه والحين الحمدلله مااتحلم بجنانوه ولا قطاوه ولا حيوانات

 

[Swan]

الله يشافيج ويعافيج ويحفظج من كل شر
اختي علاجها بالرقيه الشرعية والمحافظة على الاذكار والادعيه

 

[alboo]

انا مرة قريت موضوع وحدة تعالجت من التابعة وكتبت الطريقة وفعلا جربوها بنات في المتدى

الطريقة هي

7 ورقات سدر اخضر

كأس ماء حار والافضل يكون مقري فيه قران

تجيبين اوراق السدر وتدقينها زين وتحطينها في كاس وتصبين عليها الماي وتتركينها تتنقع بعدين تشربينها على الريق

هذي الطريقة تسوينها بس في الثلاث الايام الاولى بس من الدورة الشهرية يعني كل يوم تسوين كأس سدر جديد

صاحبة الموضوع كاتبة انه ممكن بعد ما تشربينها ينزل منك حاجة لونها ابيض او حاجات غريبة

لا تخافين لانها هذي هي التابعة واذا ما نزلت كرري الطريقة في الدورة الشهرية الثانية

واللي تسقط تسوي نفس الشي اول يوم تحس انها بدات تسقط على طول تشرب السدر اول ثلاث ايام

فيه ناس جابت معاهم نتيجة ونزلت منهم التابعة على شكل وزغة ( البرص)

 

[ام الخير 67]

الله يشافينا ويعافيننا واللي سمعته عن التابعه انها تورث من الام الى ابنتها بس ما ادري صج والا لا

 

[كويتيه مذهله 87]

الله يشاافي كل مريض يااارب

 

[نسألكم الدعاء]

اختي واضح ان معاج تابعه

هذا وصف للتابعه من شيخ دين الله يذكره بالخير و ييسر امره وين ما يكون

"مامعنى التابعة؟وكيف تصيب الإنسان؟وكيف يمكن تجنبها؟وهل لها علاقة بالذنوب والمعاصي؟



التابع والتابعة صنف من الجن يتعرض لبني آدم ...ممكن أن يقتحمون حياة الإنسان نتيجة النوم وقت الغروب...أو الإطالة في الحمام أجلكم الله تعالى وأجل السامعين.وممكن الدخول في الظلمات..أو النوم على غير طهارة. أو شرب الخمر والزنا والكفر والجور والظلم والإفتراء والغيبة والنميمة والإستماع للغناء وحضور المجالس البطالة مثل القمار إلى أخره............
وهناك أمور كثيرة لايسعني الوقت لسردها
إن الذنوب سبب كبير في الإقتحام.... وأحيانا يكون بلاء يتطلب الصبر
أما العلاج فهو بالتقرب من الله تعالى والمحافظة على الصلوات الخمس والأمر بالمعروف والنهي عن المنكر وقراءة القراءن الكريم. وأحيانا يتطلب علاج روحاني قائم على أسس الشريعة الإسلامية

التابع والتابعة
يصيب الإنسان بالتعب والنحول والصداع والوسوسة والخيالات والهواجس الشيطانية. وفي بعض الحالات تصيب الإنسان بقلة الحظ والنصيب. أو تصيب الإنسان بالمشاكل مع أقرب الناس إليه بالخصوص الزوج والزوجة. وأحيانا تصيب المرأة بسقوط الحمل .أو قتل بيوض المرأة قبل اللقاح. أو موت نطفة الرجل قبل الوصول إلى البويضة للتخصيب. أحيانا تصيب الإنسان بالكوابيس والخوف. وأحيانا بأمراض نفسية أو عضوية.أو قلة الرزق
كما تصيب الإنسان بكثرة النسيان. وقلة نسبة الذكاء.وأحيانا بالعزلة أو الصرع أو الشقيقة"

ربي يشافيج

و انصج تروحين لشيخ دين يرقيج باسرع وقت كفايه الوقت الي راح

وبالتوفيق يارب

 

[m.a.m154]

الله يشافينا ويعافيننا واللي سمعته عن التابعه انها تورث من الام الى ابنتها بس ما ادري صج والا لا

صح حبيبتي انا بنتي على طول تمرض وما يكون فيها اي شي من الناحيه الطبيه ولما وديتها لمطوع الخفجي قالي هذي فيها تابعه ماخذتها منج