امي مسافره وخايفه حدي ساعدوني بنات :(

[بنت الدسمه بسمه]

السلام عليكم ورحمه الله وبركاته

شلونكم بنات انشاء الله بخير


بنات اخر باخر 3 ايام من الشهر الثامن وبعد 3 ايام ادخل التاسع

والله يابنات ظهري يعورني لدرجه اخذ بندول لتخفيف الالم

ويشد بطني لمده ثواني مع وقف التنفس

واحس بثقل في بطني من تحت وشد كل شوي يوقف نفسي

وحدي خايفه مادري شنو هذا

للعلم انا عندي 2 بس ماكنت احس بالطلق لان دكتورتي تحط لي بلوونه وتخدرني بابره ظهر ويبدا الطلق

بس الحين باخر الثامن واحس بالاحساس هذا

انا حامل في بنت اخاف تكون البنت حاره وبسرعه تطلع وامي ما وصلت وهي انشاء الله بعد اسبوع تبي توصل الكويت

عفيه طمنوني بنات هذا طلق ولالااو بدايه طلق

 

[ليان الكويت]

يا حياتي لا تحاتين الطلق مو بتغمضين تلاقينه طلع لا الطلق بتحسين فيه وحبيبتي راجعي الطبيب واهوا بيقول لج اذا متوسعه او لا والله يسهل عليج

 

[كـ غلا ــلي]

والله انا بجريه ولا فوق هاذا بنهايه التاسع ولا حاشي عوار بس من اللي اقراه اشكره هاذي طلوق بس اذا مو منتظمه الطلوق

فمعناته تجاديم والله يسهل عليج وعلينا يااارب

 

[بنت الدسمه بسمه]

مشكوووره اختي ليان عالرد بس المشكله بالثامن مايفحصون

وموعدي 19-8

 

[Om 3zo0oz_2011]

يمكن تجاديم الولاده
انتي لا تحطين ابالج مرات يصير عناد لوووول

الله يرد امج بالسلامه يارب

 

[_Pure_]

الله يعينج صج توتر دام امج مايات شوفيها خل تيي ابجر احسن

و عوار الطلق ماراح تقدرين تتحملينه لا بنادول ولا غيره
و يروح و يرجح
كل عشر دقايق مثلا و يبتدي خفيف و يزيد شوي شوي مع الوقت

شي مو طبيعي راح تستوعبين ان طلق لان شي غييييييييير

 

[بنت الحرزي]

الله يسهل عليج بس الطلق ماينفع وياه لابندول ولا اي حبه ثانيه انشاءالله ماتولدين الا وامج يمج

 

[نورهـ]

هذا يسمونه خور شي طبيعي يجي بالسابع وبالثامن لاتحاتين

 

[ابتسمامه]

لا نتحاتين الطلوق مغصها من تحت البطن نفس الم الدوره بس اقوى بكثير ...واذا خايفه من الفحص سوي تخطيط بيبن اذا طلوق او لا