امي عصبت علي وقالت "الله لايوفقج وين مارحتي" شسوي؟؟

[Miss.Magro0oda]

السلام عليكم ..
بنات انا علاقتي بامي زينه وعادي كل الامهات ساعات يعصبون على بناتهم وساعات ينطقون بعد
بس امي الله يهداها عصبيه شوي وبسرعه تتنرفز
بقولكم السالفه ومادري شسوي عفيا بنات قولولي شسوي
السالفه حدها سخفيه وكلها مجرد سوء فهم
بس مادري صكت فيني الدنيا لما سمعتها تدعي
انا كنت توني متسبحه لبست ورحت المطبخ بشرب ماي
امي كانت بالصاله تسوي ستريت حق شعر اختي الصغيره عمرها 12
وانا بالمطبخ اختي نادتني وقالت عادي تجيبين لي طاسه فيها ماي بارد
انا استغربت يعني شتبي فيها
جان اقول مو معقوله بتشربه اكيد بتسوي شي .. فطرالي اروح حمام امي لان اذكر فيه طاسه صغيره فقلت اجيبها واحط ماي
المهم طلعت من المطبخ جان اقول حق اختي شتبين فيها قالت اصبعي محترق وبحط صبعي فيه
جان اكمل مشي
هني امي ولعت
وتقعد تصررررررررررررخ وتكلم اختي تقولها عني: هاذي لو تشوفج ميته جدامها ماطلت بوجهج وماشالتج
اختج هاذي لو احد غيرج يطلب منها شي تروح تركض تسويه
بس هاذي تكرهج
انا اول مره اشوف وحده تكره اختها
المهم قعدت امي تقط من هالحجي
وانا اساسا كنت داشه بروح اجيب الطاسه
لكن لما سمعت هالحجي مادري احتريت واحس انظلمت ومادري ليش انربط لساني وماتكلمت ولا بررت الموقف
جان ارد اطلع مره ثانيه واطالعهم منصدمه
جان امي تكمل الدعاوي
الله ياخذج الله لا يوفقج وين مارحتي دنيا واخره
وانا منصدمه ومخترعه مادري شسوي
مادري ليش مابررت
احس خلاص ماله داعي حتى لو بقول ماراح تتفاهم
بس للحين وانا قاعده اسمع صوتها براسي ودعاويها
حدي مكتأبه...
ادري طولت عليكم بنات سوري بس حبيت افضفض وودي احد يشاركني ..

 

[فـرفـر]

ياحيااتي
روحي لامج وطيحي عند رجولها وقولي لها ظلمتيني
ليش تقولين انى ماحب اختي
وابجي عندها قولي كلامج يجرح وانا احبج ومع انج ظلمتيني ماهان علي انام وانتى زعلانه مني وانا مالي ذنب
مهما كان هذي امج يمكن عايشه بضغوط وفرغت فيج ماعليه حبوبه
شتسوين اذا تبين الجنه لازم تطيبين خاطرها

 

[ضماي هو وهناي]

مستحيل الام تدعي من قلبها على ضنها لو مهما قلتيلي مستحيل مستحيل
هي بس يمكن من حر قلبها على اختج وبس
حبيبتي بارك الله فيج يوم انج مارديتي على امج ... وديري بالج ولا احد بهالكون يحبج كثرها الا الله اكثر وبس ..
روحي يابعد روحي لامج وطيحي عليها تدرين مجرد اني تخيلتج طايحه عند ريولها وتتسامحين منها عيوني غورقت بالدموع مع اني ولله الحمد بعمري مااغضبتها بس والله والله والله مااتردد بيوم اني اسويها
والله لما كنا بالحج الداعيه قالت لكل بنت امها قريبه عندها خليها تحب راسها وايدها وريولها اقسم باللي خلقني وانا بنتها مو ياهل متزوجه وعندي عيال والله اول الحاضرات حبيتها وحبيت ايدها يابعد ايدي هي وطحت على ريلها وبستها احس بلروحي كلها ارتاحت وانا اسوي جذي امي هذي تعرفين يعني شنو الام والله حرام انج تخلينها بلحظه تغضب منج لو كانت هي اللغطانه ........
تدرين لانج مو ام ... تعرفين يعني شنو كنتي ببطنها اه والله والله بس شيلتج بالبطن تعب .. لا المنام ولا الاكل تتهنى فيه وبعد ماتنولدين بتشيل همج لحد ماهي الله لا يقوله تروح ......عسا عمرها طويل ويخليها ويخلي الغاليه ست الغالين .. امي بعد عمري هي ....
ودعت يعني شنو تحسبين ما تاكل بروحها انها دعت اكيد والعلم عند الله انها استغفرت ربها ...
حسبي الله على ابليس اللي يخلي الام تدعي جذي ........
يارب تاخذ مني خير الدعاء واللغو ياربي لا تستجيبه ربي يحفظج ان شالله لا تشيلين غضبها ديري بالج الام غضبها يهز الكون تحملي ........امي مرات تزعل من اي شي اذا انا موجوده اقوم بسرعه واحضنها وانام بحضنها شوفي انا ام عيال هي بس تشوفني جذي سويت تنسى ولاتكمل زعلها او عصبيتها وكله تقول اخ منج ما تخليني افش غلي باحد على طول تنامين بحضني ...
مره ريلي دخل علينا ولقاني نايمه على ريول امي وهي طالع التلفزيون جان تدمع عينه يقول انت شنو مسويه لامج نايمه على ريولها قلت اي مو عصبت علي عشان ما زرتها عاد انا قلت ابين لها اني للحينن ماكبرتت وابيها توجهني وتحن علي فديتها ...
الام ياقلبي ديري بالج جنتج هذي وآآآآآآآآآآآآآآآآآآآآآآآآآآآآآه ياحلوهالدنيا بامان الام .....
امج تروحي وبوسيها حيل حيل حيل ........ ريولها مسحي ويهج فيهم والله ما هو عيب ولا حرام ولا نجاسه
اعذريني بس مااتحمل كله ولا الام .......... كله ولا الوالدين ..........................

 

[Miss McDonald]

رد : امي عصبت علي وقالت "الله لايوفقج وين مارحتي" شسوي؟؟

.

وعليكم السلام والرحمه ,

روحيلها كلميها بهدوء وشرحيلها الموقف اللي صآر ..
الله يطولج بعمرهآ

 

[bitter-sweetness]

رد : امي عصبت علي وقالت "الله لايوفقج وين مارحتي" شسوي؟؟

حبيبتي انت موو غلطانه
كان المفروض تبينين لها شنو تبين تسوين من الاول
المفروض اهي تفهم الموضوع قبل ما تدعي عليج
ما علينا اللي صار صار
الحين اللي عليج
روحي كلميها قولي لها اللي صار فهميها
وقولي لها انا امووووت علي اختي لا تظلميني
وبووسي ادياتها و ريولها وراسها
واعتذري منها و كلميها
وديييييييييري بالج موو تنامين و اهي زعلانه عليج
هاذي امج
و لما تسامحج سأليها اهيا راضيه عليج
اوكي حيااتي
وطمنينا عليج :*

 

[[[ عيون جابر ]]]

واي الله يهديها اكيد كانت وايد معصبه وصدقيني تحبج وماقصدت الي قالته وتلقينها استغفرت بينها وبين نفسها

 

[om deaj]

الله يهداج جان يوم قالتج اختج قلتيلها اوكي ورحتي تيبين الطاسة

روحي تاسفي من امج وصدقيني تحبج اكثر من روحها وهالحجي كله من ورا قلبها

 

[~LiBrA~]

رد : امي عصبت علي وقالت "الله لايوفقج وين مارحتي" شسوي؟؟

حبيبتي انتي لا تتضايقين الظاهر امج كانت مخترعه على اختج وشافتج مو مهتمه طلعت الحره فيج

اكيييييييييييييد مو قاصده وانتي اكثر وحده عارفه اطباع امج وتدرين انها عصبيه والعصبي يقول مرات كلام مايقصده


الحين حبيبتي تروحين حق اميمتج وتبوسين راسها وتتأسفين ادري بتقولين انا ماسويت شي
بس ميخالف هم روحي اعتذري واذا تقدرين نزلي جم دمعه من عينج شوفي شلون قلب امج راح يحن عليج مرة ثانيه

 

[DốǾốDї]

امبييييييييييييييييه على فكررره امج نفس امي بالضببببببببببببببط

ونفس الكلاااام والله العظيييييييم نفسسسه @@

ونفس اسلووووب امي 10000% @@

وانا نفسج كله احقررر واطوووف وانا شكبررري بكمل 22 وللحين هذا اسلوبها وياي وكله احقرررر لانه جد لاعت جبدي منها وما بيدي شي اسوي الا اني احقرهااا ما اقدر اسوي شي

 

[DốǾốDї]

لاا امي بعد ازيد تقعد تسب سبااات مو طبيعيه وتلعن فيني @@

معني والله اهدااا وحده من اخواني وخواتي وعمري ما ضريتها بشي بس اهي تتنرفز مني لانه اعصاااااابي بااااااارده وكله اسكت واحقر

وخوااتي لسااان ويتراددون بس كله تحت ريولها ويبوسون راسها علطوول انا لااا كلش ما ابوسها ولا اقرب منهاا اصلاا معنه مرات تكون زينه وياي بس غالبيه الايااام لاااا كله معصبه علي وعلى اتفه الاسباب

 

[Tom ♥ Jerry]

رد : امي عصبت علي وقالت "الله لايوفقج وين مارحتي" شسوي؟؟

.


حبيبتي مو من قلبها صدقيني !
آمج عصبيه و نظآمهآ لمآ تعصب تقط خيط و خيط
و تقول كلآم 100% مو من قلبها : )

آنتي الي عليج لا تردين عليها لو مهمآ يصير
و كلا طيحي على راسها و شيليها على راسج من فوق !
هاذي آمج مهمآ كآن لو تقومج كل يوم بطراق مآ يجوز تقولين " اف " !
امج عصبيه لآزم تستحملينهآ و آدعي ربج يهديها : )

 

[فيونه المزيونه]

حبيبتي ميخالف هذي امج الظاهر كانت معصبه وطلعت الحره فيج طوفي عاادي اكيد اهي تحبج مو من قلبها نتزعل عليج

 

[النشبه88]

لازم تقولين لها سوء الفهم حرام روحي صلحي الموقف لا تضيقين خلقج

 

[قصه طويله]

ماعليج من ورا قلبها هذي حلوه اللبن روحي راضيهاااا

 

[ياليل مااطولك]

ما يخالف مهما قالوا عنا الوالدين نضل تحترمهم لان رضاهم من رضاء الله على العبد قال تعالى وبوالدين احسنا ----ونتي تعرفين بعض كبار السن تكون عصبية ويبي لها مدارة مهما سوت امك ونصيحتي تقومين بما يرضيها حتا لوا حبيتي جزمتها لان مايعرف قدر الام الامن فقدها سوي بما في وسعك لترضاء عنك

 

[ام محمد الشمري]

الله يهديها

 

[كوشيه فوشيه]

رد : امي عصبت علي وقالت "الله لايوفقج وين مارحتي" شسوي؟؟





حبوبه عادي كل الامهات يسبون ويزفون


يمكن كانت متنرفزه او متضايقه من شي


روحي لها وكلميها وفهميها صدقيني ماراح تعصب


واكيد الدعوه مو من قلبها لانج مهما كان بنتها


والله يخليها لج ويطولج بعمرها يارب

 

[لؤلؤية]

رد : امي عصبت علي وقالت "الله لايوفقج وين مارحتي" شسوي؟؟

لو تحطين نفسج بموقفها
بتعذرينها
وكان مفروض انج تعتذرين منها على طوووول
وتحبين راسها وايدينها
وصدقيني مهما تدعي الام والله انه مو من قلبها

 

[كليـ دلعـ]

رد : امي عصبت علي وقالت "الله لايوفقج وين مارحتي" شسوي؟؟

هىء

انا امي عمرهاااا ماااارضت علي واقسم برب الكون اني مااسوي شي ماترضاه واشتشيرها حتا باكلي

لكن مااتطيقني!

تدعي علي 24 ساعه!

وتظلمني اقسم قسم بالله تظلمني ونواياها فيني شينه!

ولوانزف دمم جدامها يالله تعطف علي!

تعاملني معامله ند ماتطوف لي شي وتتشمت فيني واللله والله اذا لبست شي ومدحه احداو احد مدحني وجهها

يتغير لونه! الله يظلمني اذا ظلمتها,,,

واذا اجي ابوس ايدها تعاملني كني منذله تقول مسيجينه ماوراج شي!!

الله لايبلانا اعرفي انج ولاشي ولاتهمين احد!! ومادريت عنج!!!!!!!!!!!!!

تدق علا زوجي وتبجي تقول شوفها هاوشتني وتعاندني!! الله لايوفقها عساها للمرض اللي يحتار فيه الطبيب!

ومره كان مارني ياخذني من عند اهلي كان تقوله والله حرام انت لها كل هالزين والرزه لهذي!!!!!!!!!!

والله يابنات والله ماظلمتها!

جان يتشقق صج من صجج تتكلمين اي والله حسافه علا شبابي!!! ((( الله والشباب ويعع)))) اقسم بالله اني احلا

من ساسه

ومره تقوله الله يعينك عليها ياوليدي هذي مريضه نفسيا دير بالك لاتمرظك!!!!!!

اسكتي بس قلبتي علي المواجعععع

من وانا طفله كانت تطقني طق حتا العدو مايطقه وعلا فكره حتا وانا ام عيال تطقني ولاتحترمني!

ذاك اليوم طقتني جدام بنتي الكبيره وقامت بنتي تبجي وتصارخ قالت مومنج من امج اللي تترس قلبج علي!!

اي اترس قلبها؟؟ تطقين امها قدامهاا شوف عينهااا!!!!!!!!

بنتي تسالني يما ليش جدتي ماتحبج؟؟

ليش انتي الوحيده من بد خالاتي؟؟

مع انهم ماعليهم الامن نفسهم ومصلحتهم ببس تحترمهم ولاتقدر تزعل او تدعي عليهم!

ومره راحتلها بنتي واسالتهامن ورااي,,,,,, انتي ليش ماتحبين امي؟؟ ليش تطقينها؟ وتظلمينها؟؟

كبرت الموضوع وقلبته علي وقالت اني انغل قلب بنتي عليهااا!!!!!!

وانا ورب الكون مدريت بشي!

طفولتي كلها تعيسه كنت اذا صار بليل ابجي واقول اكيد هذي موامي اكيد هذي مرت ابوي اكيد امي متوفيه

وجاذبين علي!!!!!

وبنفس اللحظه ابجي واقول من غيرها رااااح اموت ولاابي اعيييش!!!!!

تتدخل بحياتي تخرب علي تحكم فيني تنكل فيني سالبه شخصيتي وارادتي ولااشق خيط بابره الا بامرها

وللاسف كبرت وصرت بلاشخصيه وبلاقرارررر ولااثق حتا بنفسي وتدعي علي دعااوي العدو لايمكن يدعيها!

مع انه انا الوحيده اللي احب اللي تحب واكره اللي تكره واطيعها بالصح والغلط ولاارضا احد يفكر يأذيها لوانه

زوجي اوضنااي ولالي وجووود الابوجودها وعساني اموت مادفنتها والله ياااخذ من عمري ويعطيهااا وجعلني

فدوه لتراب رجليهاا

وعساني ماذووق حرهاا ولاعيش عقبهاا تدرين ليش؟؟؟؟


لانهاا


امي فلااازم احبهاا لوماحبتني! هذي امي......................... والله بجييييييييييييييت!!!

 

[هنـــد]

رد: رد : امي عصبت علي وقالت "الله لايوفقج وين مارحتي" شسوي؟؟

شلون تحقرين امج حتى لو سبتج جان جبتي الشغله لاختج وقلتي يمه اشفيج اصلا انا رايحه اجيب لها بس مادري اشفيج عصبتي علي

جذي خليتها تعصب عليج اكثر الله يهديج

تذكري الجنه تحت اقدام الامهات ورضى رب العالمين من رضى الوالدين